скопски улици – Kurir.mk

Приватните превозници денеска се враќаат на скопските улици

Тале Кристо — Wed, 24 May 2023 07:57:19 +0000

Приватните автобуски превозници, по долгогодишна пауза од денеска повторно започнуваат со сообраќање низ скопските улици откако вчера постигнаа нов договор со Јавното сообраќајно претпријатие Скопје. Веста беше објавена на фејсбук страната на ЈСП Скопје каде што се наведува дека е потпишан договор со приватните автобуски превозници и од утре тие повторно ќе почнат да сообраќаат низ улиците на главниот град. Според објавата, договорот е потпишан од страна на новиот в.д. директор на ЈСП Скопје Крсте Петревски и претставниците на приватните превозници и веќе од денеска приватните превозници ќе ги опслужуваат линиите 23, 45, 61, 63, 73, 9, 11, 11A, 12, 47A, 55, 19, 20, 22, 52, 54, со, како што се вели, 105 модерни автобуси кои ги исполнуваат еколошките стандарди согласно јавниот повик. -Со новиот начин на работа и стандардизацијата во јавниот превоз, граѓаните ќе добиваат квалитетна и навремена услуга, а буџетите на Град Скопје и ЈСП Скопје ќе бидат заштитени од злоупотребите и самоволието кое во минатото било пракса, се вели во објавата на ЈСП Скопје. Инаку приватните превозници не сообраќаат од ноември минатата година откако им беше раскинат договорот од страна на Град Скопје поради, како што се тврдеше од страна на Градот, неиспорачување на услугите од страна на „Слобода превоз“ и „Макекспрес“. Превозниците пак бараа да им бидат исплатени долговоите од страна на Град Скопје, бидејќи, како што тврдеа, немаа средства за испорачување на услугата токму поради тој долг и сето тоа резултираше со протести на превозниците кои блокираа неколку важни крстосници во главниот град и околината на бараките на Град Скопје со барање да им бидат исплатени, според нив, заостанати долгови од страна на ЈСП за да почнат повторно со работа. Сето тоа резултираше со конечен договор меѓу превозниците, Град Скопје и ЈСП откако самите превозници се откажаа од поранешните директори и формираа ново раководство, коешто по два последователни јавни повици конечно успеаја да постигнат договор со Градот и ЈСП.

Без вода неколку скопски улици

Тале Кристо — Sat, 01 Apr 2023 08:20:17 +0000

Поради дефект ф 100 мм на улица „Копенхагенска“ бр.4б, денеска прекинато водоснабдување ќе имаат корисниците од улиците „Копенхагенска“, „Софиска“, „Бриселска“, „Његошева“, „Стокхломска“, „Петар Драганов“ и „Гаврил Лесновски“. -Прекинот со водоснабдувањето ќе биде од 9:00 часот. Поради специфичност на дефектот очекуваме санирањето да биде завршено во вечерните часови. За време на прекинот, ќе биде обезбедена цистерна со питка вода, информираат од ЈП Водовод и канализација - Скопје.

Без вода неколку скопски улици

Тале Кристо — Fri, 17 Feb 2023 07:00:08 +0000

Поради дефект ф-80мм на крстосницата булевар „Митрополит Теодосиј Гологанов“ /9-ти Мај, прекинато водоснабдување ќе имаат корисници во дел од центарот на Скопје. Како што информираат од ЈП „Водовод и канализација“, без вода ќе бидат корисниците од дел од булевар „Митрополит Теодосиј Гологанов“, „Костурски Херои, „Христо Смирненски“, „Петар Поп Арсов“, „Васил Стефановски“ и „Роза Луксембург“. Водоснабдувањето ќе биде прекинато од 09 часот до санација на дефектот.

Утре без струја дел од Драчево и повеќе скопски улици

Тале Кристо — Wed, 23 Nov 2022 18:08:18 +0000

Регионалниот центар за управување со кризи на Град Скопје Скопје, по добиеното известување од ЕВН, ги известува граѓаните дека, поради технички зафати во електро дистрибутивната мрежа, на ден 24.11.2022 година ( четврток ), без електрична енергија ќе останат: •Од 08:30 до 09:30 часот, корисниците од дел од нас. Драчево. (Општина Кисела Вода) •Од 08:30 до 13:00 часот, корисниците од дел од ул. Ѓорѓи Капчев. (Општина Аеродром) •Од 08:30 до 15:00 часот, корисниците од ул. Христо Татарчев, крак бр. 22. (Општина Кисела Вода) •Од 09:00 до 11:00 часот, корисниците од дел ул. бр. 852, поточно објектите во околината на салонот на - Мерцедес. (Општина Гази Баба) •Од 10:00 до 13:00 часот, корисниците од дел од ул. Миле Попјорданов. (Општина Карпош)

Без вода денеска неколку скопски улици

Тале Кристо — Thu, 17 Jun 2021 09:08:51 +0000

Без вода денеска од 10:15 часот се корисниците од улицата „Алексо Демниевски“ во Општина Ѓорче Петров. Како што соопшти Регионалниот центар за управување со кризи-Скопје, прекинот е поради реконструкција на водоводна мрежа ф-80мм на улицата „Алексо Демниевски“ 1/15. Без вода денеска од 10:20 часот се корисниците од улицата „Дижонска“ во Општина Чаир. Прекинот е поради уличен дефект од Ф-5/4 на улицата „Дижонска“ крак 24 во населба Чаир. Корисниците ќе бидат без вода се до санирање на дефектите.