скопско кале – Kurir.mk

Гори сува трева на скопско Кале, нема опасност од зафаќање објекти

Дарко Андоновски — Sun, 13 Aug 2023 19:06:53 +0000

Регионалниот центар за управување со кризи - Скопје, известува дека на скопско Кале гори сува трева. - БППЗ Скопје се на лице место со тројца пожарникари и едно противпожарно возило и нема опасност од зафаќање на објекти, информираат од РЦУК.

Го изеде мрак тунелот под Кале на Шилегов

Магдалена Андонова — Tue, 22 Sep 2020 13:54:27 +0000

Мрак го изеде тунелот на градоначалникот на град Скопје Петре Шилегов исто како и сите негови големи ветувања за Скопје. Тунелот под Кале кој ќе го решеше сообраќајниот хаос, според се досега, нема да биде ниту започнат до 2022 година кога требаше да биде пуштен во употреба. Очигледно Петре Шилегов знае да ветува, ама не знае да исполнува. По примерот на неговата партија, ветуваше чуда, а не реализираше ништо. Шилегов сега вели дека тунелот ќе доцни, односно ќе биде готов во следните 5 години. Што значи дека тоа би се реализирало кон крајот на мандатот на следниот градоначалник на Скопје, а не на тој кој го вети пред скопјани. Сепак, прашање е и дали тогаш ќе се реализира. Шилегов најави нова тендерска постапка следните денови, но судејќи како поминаа тие процеси досега, граѓаните на Скопје не треба многу да се надеваат дека навистина ќе добијат тунел под Кале доколку Шилегов или СДСМ добијат уште еден мандат да го водат главниот град. Тунелот беше најавен во програмата на Шилегов од локалните избори во 2017 година, а веќе следната година односно, на 24 септември 2018 беше ветено дека проектот ќе започне до септември 2019 година. Но, во февруари 2019 година беше поништен тендерот за избор на фирма која требаше да го проектира тунелот, а сега пропадна и проектот на турската компанија која го доби новиот тендер. Во јуни 2019 година беше потпишан договорот со фирмата „Мега инженеринг“ која имаше 6 месеци да го стартува проектот. Откако не успеа да го започне па побара уште нови 6 месеци, тунелот не започнаа да се прави ни во тие 6 месеци за на крај Град Скопје да го раскине договорот со „Мега Инженеринг“. Судејќи по ова нема да не изненади и трет неуспех за почеток за изградба на тунелот кој требаше да е дел од делницата од пластичарската улица во Чаир до булеварот Свети Климент Охридски во Центар, заедно со мост преку Вардар кај Владата. Такво решение за сообраќајниот хаос во Скопје изгледа е преголем залак за градоначалник како Шилегов. Исто како што преголем залак е решавање на проблемот со загадениот воздух, нови мостови, зиплајнот, жичарницата од Капиштец до средно Водно, но и северниот булеварски прстен заедно со трамвајот или како што тој го нарече градскиот воз.

Шилегов повторно ветува тунел под скопското Кале, ама ќе доцнел 5 години

Магдалена Андонова — Mon, 21 Sep 2020 17:15:25 +0000

Тунелот под калето ќе биде готов во следните 5 години, а не во 2022 година како што првично се ветуваше, тврди скопскиот градоначалник Петре Шилегов. Според него, по откажувањето на првичниот проект со една турска компанија, кон крајот на месецов ќе имало нова тендерска постапка. Според проценките на Град Скопје, изградбата на целата инфраструктура за тунелот би чинела околу 30 милиони евра.

Три лица повредени во сообраќајка во близина на скопско Кале

Дарко Андоновски — Mon, 28 Jan 2019 09:21:26 +0000

Две лица се здобиле со телесни повреди, а едно со тешки телесни повреди во сообраќајната несреќа што се случила синоќа на улицата „Лазар Личеновски“ во Скопје. Како што информира денеска МВР, сообраќајката се случила меѓу патничко моторно возило „Опел aстра“, со скопски регистерски таблици, управувано од Е.З.(26) од Скопје и патничко моторно возило „Фиат стило“ со скопски регистерски таблици, управувано од М.С.(37) од Скопје. По незгодата, М.С. со возило на итна медицинска помош бил пренесен во Клиниката за хируршки болести „Свети Наум Охридски“ каде лекар констатирал телесни повреди. Возачот Е.З. и сопатничката од истото возило Б.З.(21) од Скопје биле пренесени во Комплексот клиники „Мајка Тереза“, каде кај Е.З. биле констатирани телесни повреди, а кај Б.З. биле констатирани тешки телесни повреди. На местото на настанот од увидна екипа од СВР-Скопје бил извршен увид и се работи на целосно расчистување на случајот.