скопско – Kurir.mk

Малолетник нападнат во скопско

Ивана Ефремовски — Mon, 25 Sep 2023 20:18:31 +0000

На 24.09.2023 во 18:20 часот во СВР Скопје, Л.А.(34) од с.Света Петка, скопско, пријавил дека околу 15:30 часот во селото неговиот малолетен син бил физички нападнат од М.Ј.(27). По целосно документирање на случајот ќе следува соодветен поднесок.

Приведен нарко дилер од Грчец баран со потерница, одземен пиштол

Тале Кристо — Tue, 29 Aug 2023 13:15:20 +0000

Денеска (29.08.2023) околу 11.40 часот полициски службеници од Оперативен Тим и ОКР Ѓорче Петров при СВР Скопје во содејство со САЕ „Тигар“, по претходно добиена оперативна информација, во близина на училиштето во с.Грчец, скопско, го лишија од слобода Иљаз Муареми (45) од с.Грчец, баран со меѓународна потерница по наредба на ОЈО за ГОКК, а во врска со член 215 од КЗ на РСМ со определена мерка притвор во траење од 30 дена. Муареми, кој бил со четирицикл, се обидел да избега и притоа удрил во службено возило на МВР, но набргу бил совладан од полициски службеници и лишен од слобода. При тоа, кај него е пронајден и одземен пиштол „валтер“ и рамка со 15 куршуми. И.М. ќе биде предаден на надлежното обвинителство.

Тепачка во скопско с.Сарај поради недоразбирање во сообраќајот, употребени биле и тврди предмети

Тале Кристо — Wed, 09 Aug 2023 20:10:23 +0000

На 08.08.2023 во 13.15 часот во СВР Скопје било пријавено дека во с.Сарај, скопско, по претходно недоразбирање во сообраќајот, Н.Х.(23) од с.Рашче, скопско, бил физички нападнат од Д.Б.(41) од с.Глумово, скопско, кој употребил и тврд предмет. Се преземаат мерки за расчистување на случајот.

Во скопско Бојане истепан возач на автобус на ЈСП

Тале Кристо — Fri, 10 Feb 2023 21:30:52 +0000

На 09.02.2023 во 20.40 часот А.А.(43) од с.Сарај, скопско, пријавил дека во с.Бојане, скопско, на автобуска постојка во автобус на ЈСП со број 56, кој го управувал, по претходни недоразбирања, бил физички нападнат од Х.А.(41) и Б.Д.(21), двајцата од с.Бојане. По целосно документирање на случајот ќе следи соодветен поднесок.

ТРАГЕДИЈА ВО ГЛАВНИОТ ГРАД: Млад скопјанец пронајде починат во викенд куќа во скопско

Тале Кристо — Sat, 28 Jan 2023 20:17:55 +0000

На 27.01.2023 околу 12.35 часот во СВР Скопје е пријавено дека во викенд куќа во с.Чучер, скопско, Б.А.(32) од Крива Паланка го пронашол починат неговиот другар Н.Т.(39) од Скопје, со кого од 25.01.2023 заедно престојувале во викенд куќата. Лекар од Итна медицинска помош констатирал смрт без траги на насилство, а по наредба на Јавен обвинител телото е предадено за обдукција.

Уапсен жител на скопска Копаница, кај него бил пронајден пиштолот со кој негов роднина извршил убиство во Струмица

Тале Кристо — Thu, 26 Jan 2023 11:32:17 +0000

На 25.01.2023 полициски службеници од Одделот за криминалистичка полиција - Сектор за недозволена трговија со дрога, оружје и опасни материи, од Секторот за насилен криминал и од Единицата за недозволена трговија со оружје при СВР Скопје бил лишен од слобода И.Б.(57) од с.Копаница, скопско. Имено, по претходно добиена судска наредба за претрес од страна на Судија на претходна постапка од Основен кривичен суд Скопје, полициските службеници извршиле претрес во домот на И.Б., при што пронашле еден пиштол „Стаер“ со две соодветни рамки и 61 куршуми калибар 9 мм. Од спроведената истрага утврдено е дека пиштолот потекнува од кражба извршена на 20.01.2023 во домот на М.Б. во Струмица од страна на нејзиниот роднина П.И.(25) од Струмица, кој на 23.01.2023 е лишен од слобода поради нејзино убиство и веќе издржува мерка притвор од 30 дена. Воедно, во координација со Управата за извршување на санкции вчера во вечерните часови извршен е претрес и во КПУ Идризово каде се пронајдени дополнителни докази во врска со извршеното кривично дело „недозволено изработување, држење и тргување со оружје или распрскувачки материи“. Од страна на СВР Скопје по комплетно документирање на случајот ќе биде поднесена соодветна кривична пријава по член 396 од Кривичниот законик до надлежното ОЈО Скопје.

Тепачка пред маркет во скопско Расче

Тале Кристо — Tue, 27 Sep 2022 15:46:03 +0000

На 26.09.2022 во 19.10 часот во Полициското одделение Сарај, И.Х.(37) од с.Рашче, скопско, пријавил дека околу 17.30 часот пред маркет во с.Рашче неговиот син, по претходно недоразбирање, бил физички нападнат од Џ.Р.. Се преземаат мерки за расчистување на случајот.

Пивара Скопје го обележа 100-годишниот јубилеј

Ристе Здравков — Fri, 09 Sep 2022 16:51:07 +0000

Пивара Скопје прослави една уникатна приказна, со патувањето кое започна во 1922 година, од визионерско партнерство, искрена доверба и иновативен дух. Врз тие вредности е изградена Пивара Скопје и тие остануваат наш темел низ сите овие години. Како дел од одбележувањето на големиот јубилеј беа организирани специјални настани на кои заедно со партнерите беше сумиран досегашниот придонес и беше трасиран патот за следните 100 години на Пивара Скопје во одржливиот развој и поддршката на заедницата во неколку клучни области, како што се: едукацијата и развојот на младите, обезбедувањето чиста животна средина и заштита на водните ресурси, создавање инклузивна и средина за учење за вработените и партнерите, инвестирање во нови технологии и други области, како што се: спортот, културата, уметноста и традицијата. На парнерските настани организирани за 100-годишнината на Пивара Скопје учествуваше и главниот извршен директор на групацијата Coca-Cola HBC, Зоран Богдановиќ, како и претставници од Heineken N.V. и The Coca-Cola Company. Во оваа прилика тие направија посета на пазарот, при што Пивара Скопје уште еднаш се заложи да обезбеди највисок квалитет на премиум производите и на искуството на нашите купувачи и потрошувачи. Како резултат на тоа, се создаваат високи трајни вредности кои се споделуваат заедно со партнерите и заедницата. Тие го посетија и центарот за искуства на Пивара Скопје, сместен во зграда која постои од почетоците на компанијата и каде се наоѓаат голем број артефакти кои сведочат за нејзината долга и богата историја. „Ѝ ги честитам на Пивара Скопје првите 100 години од нејзината успешна работа. Среќни сме и особено горди што во нашата групација имаме компанија со толку богата традиција, со толку многу страст за иновации, за највисок квалитет, за развој и со исклучителен сенс и грижа за потребите на заедницата на која ѝ припаѓа. Заради сето тоа и многу повеќе, Пивара Скопје и нејзините вработени и партнери ќе продолжат да јадобиваат нашата бескомпромисна поддршка“, рече главниот извршен директор на Coca-ColaHBC, Зоран Богдановиќ. Автентичната приказната за Пивара Скопје, која се раскажува веќе 100 години, беше повод и за дружење меѓу вработените, деловните и партнерите од заедницата кои во изминатите децении учествуваа и дадоа личен печат во креирањето и споделувањето на заедничките успеси. Сите тие наздравија за богатото наследство создадено од Пивара Скопје во минатото, фокусирајќи се на нејзиниот успех во иднина, што е уште поважно. „Нашата компанија е основана и изградена овде. Нашето наследство и нашите брендови се составен дел од градот, земјата и националниот идентитет. Како нераскинлив дел од заедницата, ние го претставуваме најдоброто од локалнитите состојки, талент и дух. Истовремено, ние сме дел од едно големо интернационално семејство. Заедно со Coca-Cola HBC и Heineken ние имаме единствена можност да го збогатиме нашиот заеднички потенцијал, преку постојана размена на знаење, искуство и таленти. Да се живее сто години е како да се трча маратон, а не спринт. Не е потребно само сила, туку и конзистенстост и истрајност. Но, со цел тој живот да биде успешен, исполнет и забавен, потребно е заедништво. Горди сме што споделуваме толку многу заедно, толку спомени и посебни моменти, во добро и во лошо. Затоа, кога велиме дека сме партнери засекогаш, дека растеме заедно, секогаш заедно, тоа навистина и длабоко го мислиме. Се надеваме дека ќе се чувствувате како да сте дел од ова посебно патување или како што секогаш велиме – Eднаш Пиварец, засекогаш Пиварец“, изјави генералниот директор на Пивара Скопје, Горан Сладиќ. Честитки за 100-годишниот јубилеј пристигнаа од голем број видни личнсти од заедницата, почнувајќи од претседателот Стево Пендаровски, кој присуствуваше на централниот настан за одбележување на роденденот. Како дел од прославата, на два одвоени работни состаноци се разговараше за бизнис моделот на одржливост, како и за потребата да се фокусираме на младите и на создадевањето инклузивна средина за учење за вработените и партнерите, за да можат тие да го достигнат својот целосен потенцијал, па дури и да го надминат и прошират. Приклучувајќи се кон честитките за големиот јубилеј, министерот за животна средина и просторно планирање Насер Нуредини ги нотираше континуираните напори и вложувања на Пивара Скопје во доменот на одржливиот развој и заштитата на животната средина, посебно нагласувајќи ја предводничката улога на компанијата во подигнување на јавната свест во однос на постапувањето со отпадот. Една од вредностите на Пивара Скопје е желбата да расте, при што посебно внимание се посветува на растот и развојот на младите. Министерката за труд и социјална политика Јованка Тренчевска ѝ оддаде посебно признание на Пивара Скопје за постигнатите резултати во реализацијата на долгорочниот проект за обука на млади луѓе „Вештини за успех“, како дел од платформата „Youth Empowered“, како и за проектот за практикантска работа „Coke Summership“. Овие платформи помогнаа да се создадат генерации на таленти и успешни луѓе.

Kaj скопско Долно Соње пронајдено возило натоварено со огревно дрво без жиг, се работи на расчистување на случајот

Тале Кристо — Tue, 30 Aug 2022 14:38:09 +0000

На 29.08.2022 околу 19.00 часот во с.Долно Соње, на земјениот пат кон с.Осинчани, било пронајдено патничко моторно возило „хјундаи аксент“ со скопски регистарски ознаки натоварено со огревно дрво без жиг, кое претходно не застанало да даден знак за запирање од полициски службеници од Полициската станица Кисела Вода. Известена е шумската полиција и се работи на расчистување на случајот.

Приведен дилер на дрога од скопско, пронајден кокаин

Тале Кристо — Mon, 25 Jul 2022 08:27:11 +0000

На 24.07.2022 околу 22.15 часот на ул.„Џон Кенеди“ од страна на полициски службеници од Секторот за недозволена трговија со дрога, оружје и опасни материи при Одделот за криминалистичка полиција лишен е од слобода М.М.(30) од скопско. Имено, откако полициски службеници се обиделе да сопрат патничко возило „ауди А3“, со скопски регистарски ознаки, М.М., управувајќи го возилото, се дал во бегство, при што удрил и оштетил службено полициско возило. Откако бил запрен, при извршен преглед во возилото „ауди“ било пронајдено пакување со кокаин, дигитална вага за мерење и предмети со остатоци од кокаин. Лицето е приведено во полициска станица и во координација со Јавен обвинител од ОЈО Скопје, против него ќе биде поднесен соодветен поднесок.