скратено работно време – Kurir.mk

Во Германија се зголемува бројот на работници со скратено работно време

Катерина Бојаџиева — Fri, 02 Dec 2022 10:18:30 +0000

Во Германија бројот на работници со скратено работно време се зголеми за првпат од јануари, а во периодот август – ноември се зголеми од 76.000 на 187.000, соопшти Минхенскиот институт за економски истражувања ИФО. Според Институтот, енергетската криза предизвикува благо зголемување на скратеното работно време во Германија во производствените активности, а порастот е најизразен во преработувачката индустрија каде бројот на работници со скратено работно време се зголемил од 59.000 на 151.000. ИФО наведува дека тие податоци ги добил врз основа на спроведени истражувања, како и податоци од германската Федерална агенција за вработување. Во автомобилската индустрија бројот на работници со скратено работно време се зголемил од 14.100 на 33.400, а во хемиската индустрија од 7.400 на 21.200.

Секој петок скратено работно време за вработените на Diners Club Македонија

Ивона Петрова — Wed, 15 Jun 2022 06:36:37 +0000

Од април оваа година, работната недела за вработените на Diners Club Македонија завршува во петок во 14ч. Ова е последна од низата придобивки кои компанијата ги имплементираше како дел од позитивните корпоративни практики во грижата за своите вработени. Следејќи ги позитивните искуства и практики на компаниите ширум светот и земајќи ја во предвид потребата за поголема флексибилност во работното време, Diners Club Македонија повторно одлучи да им излезе во пресрет на своите вработени за кои викендите сега почнуваат порано.

„Светските искуства со флексибилно и скратено работно времe покажаа низа позитивни импликации врз продуктивноста во работењето и општата благосостојба на вработените која за нас секогаш била број 1 приоритет. Во Diners имаме примери на вработени кои се дел од компанијата повеќе од 15 години и тоа за нас е доволен мотив да продолжиме континуирано да вложуваме во нашиот тим“ велат од Diners.

Она што особено го радува менаџмент тимот на Dinеrs е што по завршувањето на работните обврски во 14 ч. новото слободно време вработените често знаат да го искористат за заедничко дружење што е исклучително важно за одржување на тимскиот дух во компанијата. Минатата година Diners Club Македонија во соработка со Еуролинк Осигурување обезбеди приватно здравствено осигурување за сите свои вработени со цел зголемување на достапноста до квалитетни здравствени услуги и обезбедување навремена лекарска нега.

Жичарницата денеска ќе има скратено работно време

Магдалена Андонова — Thu, 19 May 2022 09:55:59 +0000

ЈСП информира дека Жичарницата денеска, четврток (19.05.2022 год), ќе работи до 17.30 часот, поради редовни планирани тестирања. - Од утре, објектот ќе продолжи со вообичаеното работно време, односно од 10 до 20 часот, согласно Одлуката за работно време во период мај – септември. Потсетуваме дека во период од 19-19.30 часот е последно возење од долу кон врвот, односно во 19.45 часот е последно возење од врвот надолу. Секој понеделник и секој последен вторник во месецот, Жичарницата не работи, информираат од Јавното претпријатие.