скршена нога – Kurir.mk

Мачка со скршена нога сама отишла во болница во Турција

Ивана Ефремовски — Thu, 17 Nov 2022 12:59:30 +0000

Мачка со скршена нога сама си пронашла пат до Oдделението за итни случаи во болница во Турција, јави турската телевизија „Хабертурк“.

Мачката била снимена од безбедносните камери како влегува во болницата во градот Татван, во областа Битлис, преку влезот за итна медицинска помош. Потоа малку подзапира, па се упатува кон салата за операции. Ја забележал лекар, кој ѝ пружил помош со шиење и преврзување на ногата. Мачето кое болничкиот персонал го именуваше „Давшо“, продолжи да ја посетува болницата, каде што, одвреме-навреме, сѐ уште добива помош. (МИА)

Замина на патување во Конго и доживеа невидена несреќа – Ешли Џад раскажа низ каква голгота помина (ФОТО)

Магдалена Андонова — Wed, 17 Feb 2021 14:50:03 +0000

Американската глумица Ешли Џад пред неколку дена ѝ соопшти на јавноста дека ја скршила и за малку ќе ја загубела десната нога на своето патување во Конго, односно при своја авантуристичка прошетка низ тамошните прашуми. – Почувствував и знаев дека ногата ми се крши… Она што следуваше беа неверојатно вознемирувачки 55 часа… Паднав од дрво и лежев во дождовната шума во Афика со лошо повредена нога пет часа во агонија од болката. Откако една колешка од кампот пристигна да ми ги поднамести коските, моите „браќа од Конго“ ме однесоа од дождовната шума во импровизирана лежалка и тоа траеше час и половина, изјави таа за „Њујорк тајмс“. Утредента ја префрлиле во Јужна Африка заради натамошна лекарска помош. Сега таа е таму и сѐ уште заздравува од повредата. Ешли изразува особена благодарност до нејзините конгоански пријатели. „Без моите браќа и сестри од Конго, моето внатрешно крварење веројатно ќе ме убиеше, или ќе ја изгубев ногата. Се будам плачејќи (липајќи) од благодарност, длабоко трогната од секоја личност која придонесе за нешто животворно и со спасувачки дух за време на мојата исцрпувачка 55-часовна одисеја“, напиша таа денеска на Инстаграм. Засега, не може да се утврди кога Ешли повторно ќе може да оди. (МИА)

ТАГА ДО НЕБОТО: Познатиот хирург почина од корона, а за време на војната во регионот со една нога во гипс извршуваше операции (ВИДЕО)

Дарко Андоновски — Wed, 15 Apr 2020 19:19:36 +0000

Соседна Србија ја потресе веста за смртта на докторот Миодраг Лазиќ (65) поранешен директор на ургентниот центар во Ниш. Тој почина од коронавирус, а српскиот народ никогаш нема да го заборави поради една работа. Имено тој доброволно учествувал во одбрана на Србија каде ја истакнал својата храброст поради која го памети целата држава. За него дури е снимен и документарен филм насловен како „дневникот на еден воен хирург“. Филмот е снимен по книгата која ја објави самиот хирург во која опишува дека за време на војната со една нога скршена и во гипс им помага на ранетите и е на операционата маса. Инсерти од филмот можете да погледнете во продолжение:

https://t.co/ZXXp1SPaV8 pic.twitter.com/UNR6BQDz5q
— αɠ૨εรσ૨ (@SAORomanija) April 14, 2020

Вистински хорорр на натпреварот Евертон – Тотенхем: Сон му скрши нога на Андре Гомеш (ВОЗНЕМИРУВАЧКО ВИДЕО)

Тале Кристо — Sun, 03 Nov 2019 19:04:37 +0000

Огромен инцидент се случи во второто полувреме од мечот меѓу Евертон и Тотенхем, откако Сон со груб старт му ја скрши ногата на домашниот фудбалер Андре Гомеш. Португалецот неколку минути подоцна го удри со лакот корејскиот фудбалер, кој тргна во одмазда, стартуваше од зад грб, но јасно е дека немаше намера да дојде до вака сериозна повреда. Самиот Сон беше во шок кога ја виде скршеницата, заедно со останатите фудбалери, а судијата Аткинсон најпрвин му покажа само жолт картаон, а потоа ја смени својата одлука и го испрати кон соблекувалната. Извор: екипа.мк