скршеница – Kurir.mk

Нејмар нема скршеница, неизвесно е кога ќе се врати на теренот

Тале Кристо — Mon, 14 Dec 2020 13:47:04 +0000

Лекарскиот преглед на напаѓачот на Пари Сен-Жермен, Нејмар не откри скршеница на ногата кај фудбалерот, пренесува „Ле Паризиен“. Дваесет и осумгодишниот Бразилец се повреди синоќа на мечот од 14. коло на францускиот шампионат со Лион (0:1) по лизгачки старт на противничкиот играч за врска Тијаго Мендеш. Нејмар не можеше да го напушти теренот сам, беше однесен на носилка. Според изворот, првичното испитување не открило скршеници. Во текот на денот тој ќе направи МНР по што ќе се знае степенот на повредата на левото стапало. Нејмар оваа сезона одигра седум натпревари во Лига 1, постигна три гола и направи три асистенции.

ВИДЕО: Бајден заврши во болница – ќе мора да носи лонгета неколку недели

Магдалена Андонова — Mon, 30 Nov 2020 10:16:48 +0000

Избраниот претседател на САД, Џо Бајден најверојатно ќе носи ортопедска чизма во наредните неколку недели додека закрепне од скршеницата на десното стапало, која ја добил додека си играл со кучето во домот, рекол денеска неговиот доктор. Бајден се повредил во саботата, а посетил ортопед во Њуарк, во неделата попладне, соопштено е од неговата канцеларија. - Првите рендгенски снимки не покажале повреда, но медицинскиот тим наложил да се направи скенер. Со дополнителни анализи пронајдени се мали фрактури на две мали коски во неговото десно стапало, рекол докторот на Бајден Кевин О Конор, а пренесува АП.

Мбапе нема скршеница, но…

Ристе Здравков — Sat, 25 Jul 2020 13:42:28 +0000

Напаѓачот на Пари Сен Жермен Килијан Мбапе во финалето од Купот на Франција доби незгоден удар поради што со солзи во очите го напушти теренот. Мбапе потоа со патерици дојде да го проми пехарот, а после деталните прегледи ПСЖ денес излезе со официјално известување за неговата повреда. Французинот заработи повреда на скочниот зголб, но за среќа не станува за скршеница, иако има оштетување на лигаментите. „Истегнување на десниот скочен зглоб со значителна повреда на екстерниот латерален дел од лигаментите. Ќе биде повторно прегледан за 72 часа“, стои во соопштението. Поради повредата Мбапе готово сигурно ќе го пропушти четврфиналниот дуел со Аталанта од Лигата на шампиони.

Тотенхем му посака брзо закрепнување на Гомеш

Ивона Петрова — Mon, 04 Nov 2019 06:37:56 +0000

Англискиот премиерлигаш Тотенхем преку официјалниот Твитер му упати порака на играчот од средниот ред на Евертон, Андре Гомеш, кој доби скршеница на десната нога во 79. минута од вчерашниот меѓусебен натпревар. – Секој во клубот изразува најискрени желби за брзо закрепнување на Андре Гомеш, се вели во пораката на „Спарси“. Во 79-та минута од средбата, напаѓачот на Тотенхем Сон Хјунг Мин, при еден старт над Гомеш предизвика 26-годишниот Португалец да се судри со друг играч на Спарс, при што доби фрактура на стапалото. Главниот судија на средбата, Мартин Аткинсон по паузата од неколку минути му покажа на корејскиот напаѓач директен црвен картон.

Несреќа во автобусот со број 50- млада скопјанка заврши со скршеница

Катерина Бојаџиева — Fri, 23 Feb 2018 13:59:31 +0000

Млада скопјанка доживеа несреќа во градскиот автобус со број 50. Според информацијата на МВР, вчера Т.Н.(20) од Скопје пријавила дека на 21 февруари 2018 година околу 8:10 часот додека како патник се превезувала во автобус на ЈСП број 50, кога возачот прикочил, паднала во автобусот, а врз неа паднало друго лице. Истиот ден во 9 часот се јавила на лекарски преглед во Градската општа болница „Свети Наум Охридски”, каде и биле констатирани тешки телесни повреди (фрактура на нога) и истата била пуштена на домашно лекување.