СКСЗМ – Kurir.mk

СКСЗМ бара итна помош од Владата: Да се укине ДДВ-то и да се замрзне цената на струјата

Магдалена Андонова — Thu, 25 Aug 2022 12:42:58 +0000

Владата веднаш да им помогне на компаниите преку укинување на ДДВ-то за струја и замрзнување на цената на електричната енергија по примерот на соседните земји, да ги забрза постапките за инсталација на фотоволтаици и да го пренамени поголемиот дел ако не целосниот износ на средства од капиталните расходи за тие да се инвестираат во обновливи извори на енергија со цел максимално да се искористи целиот државен капацитет за производство на електрична енергија, апелира Стопанската комора на северозападна Македонија (СКСЗМ). Според истражувањето на СКСЗМ, за 65 отсто од фирмите членки кои веќе имаат енергетско ефикасна инфраструктура, трошоците за eлектрична енергија во 2021 година биле од 1,3 до 2,3 проценти од вкупните месечни трошоци, додека за оваа година тие трошоци се од два до шест пати зголемени. Сметките за јули веќе изнесуваат 7-10 отсто од месечните оперативни трошоци. Од друга страна, состојбата кај производствените компании е алармантна. Без исклучок кај сите производители износот на месечните трошоци за електрична енергија преставува минимум 25 проценти од вкупните трошоци, додека од друга страна нивната профитна маржа изнесува помалку од пет отсто. – Горенаведените предлози беа доставени до надлежните институции и беа соодветно и детално објаснети со цел нивна имплементација во најкус можен рок. Владата итно треба да преземе мерки по однос на енергетската криза, бидејќи овој проблем го доведува во прашање самото постоење и опстанокот на бизнисите на пазарот, наведува Комората.

СКСЗМ: Над 4.000 компании згаснаа само во првите шест месеци од 2020-та

Ивона Петрова — Wed, 13 Jan 2021 11:34:02 +0000

Петтиот пакет антикризни мерки да се насочи кон ликвидноста на фирмите за да опстанат по корона пандемијата, да се отворат делумно затворените сектори како туризмот и да се донесат протоколи според СЗО за нивно непречено работење, субвенциите на плати од 14.500 денари да продолжат најмлаку до март 2021, да се зголеми фондот на Развојната банка за кредити со ниски камати, увозот на суровини да биде со нула отсто акциза, да се предвидат финансиски средства за компании кои вложуваат во дигитализација, да се укине данокот на добивка до 2022 година за најпогодените комапнии и да се поништат сите одлуки за мораториум на деталните урбанаистички планови во општините со кои се спречуваат градежните инвестиции вредни над 500 милиони евра. Ова се барањата за економско заздравување што Стопанската комора на северозападна Македонија (СКСЗМ) денеска ќе ги достави до Владата, откако претходно, на прес-конференција, ги соопшти пред медиумите. Според СКСЗМ, за да се врати економијата на нормална траекторијата Владата треба да се фоскуира, пред се, на вакцинацијата против КОВИД-19, но и на реализирање на капиталните расходи од минимум 85 отсто. Како што истакна претседателот на СКСЗМ, Неби Хоџа, 2020 година ја заокруживме со рецесија од минус четири отсто што е најголем економски пад во земјава од нејзиното постоење. Над 4.000 компании згаснаа само во првите шест месеци, повеќето микро и мали, а околу 40.000 работни места се изгубени. Сега, пак, се соочуваме и со намален квалитет на живот поради поскапаувањето и зголемувањето на потрошувачката кошница која достигна 550 евра. Има многу причини кои ја предизвикаа рецесијата, но најважни се, оцени Хоџа, ниската реализација на буџетските капитални расходи, намалувањето од 7,9 отсто на производствената индустрија, падот на крајната потроушвачка, намалувањето на извозот за 29,4 отсто и намалувањето на инвестициите на приваниот сектор. Сепак, потенцира, ликвидноста на компаниите е најважна, поради што, петиот пакет треба да биде насочен во овој правец, посебно за помош на микро и малите компании кои се најпогодени од кризата. -За да се врати економијата на нормална траекторијата Владата треба да се фоскуира на вакцинацијата против КОВИД-19 со цел отворање на економијата што е можно поскоро и да бидеме во чекор со земјите од рагионот и во светски рамки, реализирање на капитланите капитални расходи од минимум 85 отсто , основање посебен фонд за компаниите од најпогодените сектори – производство, градежништво, трговија на големо, намалување на царинските стапки, отстранување на нетарифините бариери кои ја попречуваат трговската размена со соседните земји, потикнување на извозот преку поддршка производителите и нивна промоција преку дипломатските мисии, транспарентност на расходот на буџетските средства за борбата провид корона пандемијата, рече претседателот на СКСЗМ. Иако економијата целосно беше погодена, дополни Хоџа, некои од секторите, како туризмот, работат под органичувања што ги спречува да ја искористат зимската сезона. -Апелираме Владата да обезбеди протоколи за работа на овие компании, за тие да обезбедат ликвидност и да ги зачуваат работните места зашто овој сектор вработува над 30.000 лица, истакна Хоџа. СКСЗМ ќе побара од Владата да најде начин, да обезбеди пари за мерката за плати и за јануари зашто овој месец, како што напомена Хоџа, е најбитен за компаниите поради зимскте услови. Притоа, став на комората е помошта да им се дава директно на вработените и да се онезвозможи работодавачи да ја злоупотребуваат. -Многу е важно компаниите да бидат ликвидни и да опстанат и по пандемијата што се очекува по вакцинацијата. Парите треба да им се исплатат директно на вработените, за да нема злоупотреба. Тие плати им следуваат за да ги покријат своите трошоци, а не да се злоупотребат од работодавачот, подвлече Хоџа, одговорајќи на новинарско прашање. Тој објасни и дека СКСЗМ редовно има состаноци со вицепремиерот за економски прашања, Фатмир Битиќи, со кој се разговара за сите предлози. Во однос на петтиот антикризен пакет, освен барањата на СКСЗМ што беа денеска изнесени, ќе бидат земени, истакна Хоџа, и предлозите и барањата и на останатите комори. Заеднички ќе се разгледаат за да се донесат најквалитетни мерки.

СКСЗМ апелира надлежните институции да преземат мерки и активности за подобрување на безбедносната состојба во земјава

Тале Кристо — Tue, 19 May 2020 13:16:50 +0000

Стопанската комора на северо-западна Македонија (СКСЗМ) преку пишано соопштение искажува, како што велат, длабока загриженост за безбедносната состојба во земјата, особено во врска со вооружениот грабеж во Сарај, Скопје, што се случи синоќа, при што ограбеното лице претрпе загуба од два милиона денари. – Имајќи предвид дека сме во период на глобална пандемија на коронавирусот Ковид-19, нагласуваме дека спокојноста и безбедноста на животот на граѓаните, како и одржувањето на јавниот ред и мир, се еден од најосновните и најважни услови кои треба да бидат загарантирани од страна на државата и државните институции, се вели во соопштението од СКСЗМ. Од таа причина, се додава, бараме од институциите надлежни за одржување на редот, соодветно и навремено да преземат чекори кон сузбивање на криминалните случаи, како и на вооружените банди кои оперираат во земјата, работа која ќе придонесе за воспоставување на нормален тек на работите, каде граѓаните ќе се чувствуваат и истовремено ќе бидат побезбедни. Од друга страна бизнис заедницата ќе има можност за тековно и редовно водење на бизнис, oсобено сега во време на пандемијата кога сите бизниси се наоѓаат во незавидна ситуација. – Апелираме до надлежните институции да преземат безбедносни мерки и активности, согласно соодветните оперативни планови за работа, и воедно сакаме да ја искажеме нашата подготвеност да помогнеме во изградба на институционален механизам за превенција и казнување на секаков вид насилство кој го загрозува работењето на нашите членки, порачуваат од СКСЗМ. Нагласуваат дека во интерес на бизнис заедницата се ангажираат кон зајакнување на соработката со државните институции во креирање и унапредување на правото за безбедна и здрава работна средина. – Како клучно прашање во овој период се наметнува и потребата за бизнисите да имаат доверба и да се обратат до државните институции за помош, посочуваат од СКСЗМ.

СКСЗМ: Граѓаните да се известат најмалку 48 часови пред одлуките за ограничување на движењето да стапат во сила

Тале Кристо — Sat, 04 Apr 2020 09:32:16 +0000

За Стопанската Комора на Северо-Западна Македонија (СКСЗМ) неприфатлива е одлуката за ограничување на движењето на граѓаните на Куманово во текот на целиот викенд, бидејќи сметаат дека е неопходно граѓаните да се известат најмалку 48 часови пред слични одлуки да стапат во сила. -Оваа одлука е неприфатлива од фактот што е донесена само неколку часа пред да почне ограничувањето на слободното движење од 21:00 часот и еден ден пред да започне викендот, со што граѓаните на Република Северна Македонија се информираат само неколку часа порано. Оваа ситуација создава заблуда и паника кај граѓаните од таа зона, кои од недоволно снабдување со основна храна се собираат во толпа од луѓе за да ги извршат потребните набавки. Ваквата состојба го зголемува нивото на ризик од ширење на коронавирусот уште повеќе, факт што е во ничиј интерес за време на овој период на пандемијата COVID19, порачуваат од СКСЗМ. Апелираат до релевантните институции за каква било слична одлука што ќе се донесе, да се известат граѓаните најмалку 48 часа пред таа да влезе во сила. -Стопанската Комора на Северо-Западна Македонија секогаш настојува да ја одржи соработката со државните институции на највисоко ниво и високо го цени воспоставеното партнерство со истите институции. СКСЗМ секогаш ќе придонесува да се создаде поволно опкружување за бизнисите во земјата и за таа цел ќе реагира за сите избрзани и погрешни одлуки на Владата, како што е примерот со одлуката на Владата за ограничување на движењето во градот Куманово т.е се ограничува движењето на граѓаните почнувајќи од петок (03.04.2020) од 21:00 часот до понеделник (06.04.2020) до 05:00 часот, велат од СКСЗМ.