скулптура – Kurir.mk

Скулптура од 500 килограми украдена во Германија

Ивана Ефремовски — Thu, 19 May 2022 07:16:48 +0000

Бронзена скулптура висока повеќе од три метри и тешка 500 килограми исчезнала од магацин во западна Германија викендов. Истрагата е во тек. Александар Пиниор е инженер кој неколку месеци работел на реставрацијата на скулптурата, инаку направена од германскиот уметник Хериберт Калин. Тој се прашува, како крадците успеале да извлечат толку огромно дело? -За да се пренесе таква масивна скулптура би биле потребни 12 – 15 луѓе, рече Пиниор. Се нуди и награда од 7.000 евра за враќање на уметничкото дело што ја красеше фонтаната во градот Келн. Доколку скулптурата била украдена за пари, стопениот метал би можел да се продаде на пазарот за цена од 3.000 до 4.000 евра. (МИА)

Крадци украле дузина скулптури на Дали од Шведска

Дарко Андоновски — Fri, 31 Jan 2020 08:23:49 +0000

Најмалку две лица учествувале денеска во кражба во уметничка галерија во центарот на Стокхолм, Шведска, соопшти полицијата. Шведските медиуми потоа објавија дека се украдени 10 или 12 бронзени скулптури на шпанскиот уметник Салвадор Дали. Според податоците, најмалку две лица провалиле преку прозорец рано утрово и влегле во галеријата. Истражители потоа извршиле увид, но досега никој не е уапсен. Сопственикот на галеријата, Педер Енстром изјави дека алармот се исклучил по 4:00 часот и полицијата пристигнала на местото на настанот кратко потоа. – Секоја од скулптурите на Дали, висока околу 50 сантиметри, вреди меѓу 21.000 и 52.000 долари, рече Енстром. Изложбата на скулптурите на Дали траеше 10 дена, а требаше да биде затворена утре. Колекцијата пристигнала од Швајцарија.

ФОТО: Откорнат опашот на Бикот, скулптурата оштетена- Каде се градските редари и полицијата во Центар?

Катерина Бојаџиева — Sun, 25 Nov 2018 12:29:22 +0000

Конечно говедата успеаја. Секојдневно се качуваа, го јаваа, корнеа, висеа и бикот попушти. Со свои очи сме виделе како тетки од по 40 години висат на роговите и се качуваат на главата, а тинејџери се нишаа на опашката. Каде се градските редари и полицијата во Центар. Се надеваме дека Град Скопје ќе интервенира и ќе го завари опашот и повнимава што се случува во центарот на градот- вака стои во коментарот до фотографијата од Бикот на улица „Македонија“ со откорнат опаш. Скулптурата бик која беше дел од проектот „Скопје 2014“ со која се фотографираа посетителите на главниот град беше мета на несовесни граѓани, како што е објавено на ФБ профилот „Скопје Скопска“.