скутер – Kurir.mk

Повреден возач на скутер во Тетово

Ивана Ефремовски — Sat, 08 Oct 2022 12:01:37 +0000

На 07.10.2022 во 13:25 часот било пријавено дека во Тетово на ул.„Илинденска“ се случила сообраќајна несреќа помеѓу патничко возило „мазда“, управувано од И.О.(61) од Тетово и скутер „априлија“, управуван од С.А.(22) од с.Брвеница, тетовско, двете со тетовски регистарски ознаки. Во несреќата со тешки телесни повреди се здобил возачот на скутерот, констатирани во Клиничката болница во Тетово. Извршен бил увид од увидна екипа од СВР Тетово.

Украл скутер, па морал да го врати – приведен крадец во Гостивар

Ивана Ефремовски — Mon, 05 Sep 2022 09:34:12 +0000

На 04.09.2022 околу 19:30 часот, полициски службеници на СВР Тетово-Одделение за внатрешни работи Гостивар го лишиле од слобода 30-годишниот Ш.Ф. од гостиварско Чегране, кој претходно на улица „Борче Јовановски“ во Гостивар одзел скутер со гостиварски регистарски ознаки, сопственост на Џ.Р.(30) од Гостивар. Скутерот бил пронајден и вратен на сопственикот, а Ш.Ф. бил задржан во Полициската станица Гостивар. По целосно документирање на случајот ќе му биде изготвен соодветен поднесок.

Се запали скутер на плажа во Охрид

Магдалена Андонова — Sat, 23 Jul 2022 13:37:20 +0000

Вчера околу 07.24 часот настанал пожар на скутер на плажа на Охридското крајбрежје, во кој нема повредени лица, информира СВР Охрид. Како што соопштија од СВР Охрид, од извршениот увид констатирано е дека скутерот марка „баотијан“ е во сопственост на Д.В.(49) од Охрид По наредба на Јавен обвинител скутерот е подигнат за понатамошна постапка.

Фетел на скутер во потера по крадци во Барселона

Тале Кристо — Mon, 23 May 2022 19:43:28 +0000

Поранешниот светски првак во Формула 1, Германецот Себастијан Фетел, бил ограбен во Барселона по што самиот со електричен скутер тргнал во потера по крадците, јавија денеска шпанските медиуми. Локалната полиција потврди дека четирикратниот светски првак минал неповреден во инцидентот, а разбојниците украле ранец од неговиот автомобил. Грабежот се случил во центарот на градот пред хотелот во кој возачот на Астон Мартин престојувал за време на трката за Големата награда (ГН) на Барселона изминатиот викенд. Според шпанските медиуми, Фетел го оставил отворен прозорецот во својот автомобил што разбојниците го искористиле и му го украле ранецот. Германскиот возач во Ф1, меѓутоа, со електричен скутер тргнал во потера по крадците, откако успеал да ја утврди локацијата на украдениот предмет со помош на слушалки кои биле во ранецот. Слушалките биле пронајдени фрлени од возилото, а се претпоставува дека крадците сфатиле дека можат да бидат лоцирани. Случајот е пријавен во полиција која отворила истрага. Фетел во неделата го освои 11 место на ГН на Барселона, а во генералниот пласман сезонава во Ф1 е на 14 место.

Млад скопјанец лишен од слобода откако украл скутер

Дарко Андоновски — Mon, 08 Feb 2021 15:56:18 +0000

По преземени мерки и активности пронајден е и скутерот. По целосно документирање на случајот ќе биде поднесена кривични пријава.

Приведен 28. годишен жител на Драчево поради кражба на скутер

Магдалена Андонова — Mon, 08 Feb 2021 14:02:33 +0000

Во текот на вчерашниот ден (07.02.) по преземени мерки од страна на полициски службеници од ОКР Аеродром и Драчево лишен е од слобода А.Б.(28) од Скопје, поради кражба на скутер „пијаџо“ пријавена во текот на вчерашниот ден на улица "Васко Карангеловски" во Скопје. По преземени мерки и активности пронајден е и скутерот. По целосно документирање на случајот ќе биде поднесена кривични пријава.

„Црн петок“: Поради грешка со точка-запирка во цената, си купила скутер за 0,69 долари

Ивона Петрова — Wed, 02 Dec 2020 08:04:03 +0000

„Црниот петок“ беше возбудлив за една Мексиканка, која се врза себеси за скутер, бидејќи управата на синџирот продавници „Волмарт“ не сакаше да ѝ го продаде производот по цена од 69 центи… Жената влегла во продавницата во градот Сан Луис Потоси, Мексико, па по долги расправи и расправии уште еднаш се докажа оти „муштериј(к)ата е во право“. Првично, скутерот чини 19.990 мексикански пезоси (околу 1.000 американски долари), но, во периодов на намаленија, по грешка, еден од работниците напишал дека новата цена е 13,999 пезоси, што е еднакво а 0,69 долари. Проблемот настанал кога раководството не сакало да го продаде по таа цена, па жената повикала агент за заштита на потрошувачите. И тој исто така, не успеал да ги убеди вработените во продавницата дека жената е во право. Потоа, таа се врзала себе за скутерот со синџир… Генералниот директор на „Волмарт“ потоа потврди дека скутерот е продаден за 0,69 долари на првиот клиент од многумина што забележале грешка во цената.