Израел нуди дополнителна доза на Фајзер за возрасни со слаб имунитет

Ивона Петрова — Sun, 11 Jul 2021 11:45:01 +0000

Израел денеска соопшти дека ќе почне да им нуди на возрасните со слаб имунолошки систем дополнителна доза вакцина против коронавирусот од Фајзер/Бионтек. Израелски здравствени функционери соопштија дека сè уште се проценува дали припадниците на пошироката јавност треба да примат трета доза од оваа вакцина. Израелскиот министер за здравство Ницан Хоровиц изјави дека веднаш стапува во сила одлуката возрасните чиј имунолошки систем е загрозен и кои примиле две дози вакцина Фајзер да можат да добијат дополнителна доза од вакцината, додека се чека одлука за поширока дистрибуција. – Го испитуваме ова прашање и сè уште немаме конечен одговор, изјави Хоровиц за Радио Кан, зборувајќи за давање дополнителна доза на пошироката јавност во Израел. Што се однесува до луѓето со послаб имунолошки систем, на кои ќе им биде понудена дополнителна доза вакцина, Хоровиц рече дека станува збор за луѓе кои имаат трансплантиран орган или страдаат од медицинска состојба што предизвикува пад на имунитетот. Според податоци на израелското Министерство за здравство, околу половина од 46 пациенти во сериозна состојба во Израел се вакцинирани лица. Израелскиот координатор за справување со пандемијата во средата рече дека огромно мнозинство од нив биле од ризични групи, постари од 60 години, кои претходно имале здравствени проблеми.

Замор, настинка и проблеми со дигестијата: Еве како да препознаете СЛАБ ИМУНИТЕТ, а овие навики се ПРИЧИНА

Магдалена Андонова — Tue, 06 Jul 2021 14:38:34 +0000

Ако често имате настинка, имате бактериски или вирусни инфекции, воспаленија, се чувствувате уморни, ова се сигурни знаци дека имунитетот е сериозно нарушен. На оваа состојба влијаат бројни фактори, вклучувајќи лоши животни навики, како што се потрошувачка на масна и брза храна, недоволни количини на течности, внесување на прекумерни количини алкохол, како и неправилен сон. Причини за намален имунитет лоша хигиена хроничен стрес хроничен замор недостаток на спиење прекумерна потрошувачка на алкохол пушење неправилна исхрана што доведува до намален внес на витамини и минерали Постои начин да се препознае дека вашиот имунолошки систем е ослабен, а тоа се симптомите кои јасно укажуваат на тоа. Знаци на слаб имунитет постојан замор болки во зглобовите дигестивни проблеми ладни рани чести инфекции подолго закрепнување од инфекција од вообичаено потешко заздравување на раните промени на кожата опаѓање на косата За да го зајакнете имунитетот, пред сè обидете се да ги промените вашите животни навики што е можно повеќе, а тоа значи доволно часови сон, 6 до 8 часа, здрава исхрана, доволно течности, а под течности не мислиме на засладени сокови, алкохол или кој било пијалак што поминува низ процес на индустриска обработка. Пред се, консултирајте се со вашиот лекар за да добиете соодветна терапија.

слаб имунитет – Kurir.mk

Израел нуди дополнителна доза на Фајзер за возрасни со слаб имунитет

Замор, настинка и проблеми со дигестијата: Еве како да препознаете СЛАБ ИМУНИТЕТ, а овие навики се ПРИЧИНА