Слаѓана Митовска – Kurir.mk

Митовска до Ацевски: Која е улогата на заменичката кога веќе ја разрешивте Рашела Мизрахи од МТПС?

Катерина Бојаџиева — Thu, 20 Feb 2020 21:13:35 +0000

Во емисијата „И што Сега“ на МРТ пратеничката од редовите на ВМРО-ДПМНЕ, Слаѓана Митовска упати жестоки критики до нејзиниот поранешен колега од редовите на СДСМ Костадин Ацевски, поради начинот на кој функционира техничката влада и разрешеувањето на Рашела Мизрахи од министерството за труд и социјална политика. -Вие си земате за право како диктатори да разрешувате кој сакате и да поставувате кој каде сакате. Зошто се уште постои дополнителен заменик министер во труд и социјала, ако веќе нема технички министер и која е улогата на заменичката? Вие само сакате во овој период да ги злоупотребите и искористите сите корисници кои се под системот на социјална заштита, за жал немилосрдно удирате кај најранливата категорија на граѓани, но за тоа треба да имате чуства и емпатија кон граѓаните на кои што им е потребна поддршка и помош, нагласи Митовска. Митовска му посочи на Ацевски дека течничката министерка била избрана со концензус на сите политички партии и дека истата треба да биде разрешена од сите политички партии. -Што ви пречеше Рашела Мизрахи? Ви пречеше тоа што почна да ги открива криминалите на Мила Царовска? -Не ве бидува колега Ацевски, не сте спремни за власт и покрај 11 години опозиција вие не сте спремни за власт, вие не сте научени на работа, бидејќи немате визија, вие не знаете да работите не знаете во кој правец да ја водите државата и затоа глумите поголеми Грци и од самите Грци, затоа ви пречи што техничката министерка за труд и социјална политика давала прес пред табла на која што пишува Република Македонија, додаде Митовска. Таа исто така посочи дека во текот на вчерашниот ден Зоран Заев имал изјава каде што во позадина пишувало Стопанска комора на Македонија и го праша Ацевски дали техничкиот премиер Оливер Спасовски сега ќе побара негово разрешувања исто така и за министерот за образование кој објавил фотографија пред табла на која што стои Република Македонија, но и за и директорот на државен инспекторат за земјоделие поради истата причина.

Митовска: Додека младите ја напуштаат државата, СДСМ шири гол популизам кој не придонесува во задржувањето човечки потенцијал во државата

Катерина Бојаџиева — Wed, 18 Dec 2019 18:23:28 +0000

На денешната седница на Собранието на Република Македонија, пратеничката од редовите на ВМРО-ДПМНЕ Слаѓана Митовска изрази голем револт кон СДСМ и коалицијата, кои со своето неработење и несериозен пристап ја пласирале нашата земја во првите три места на листата на земји со најголем криминал и корупција, најголемо аерозагадување и младинската невработеност. Митовска додаде дека според извештајот на „Economist“ Македонија е опкружена со африкански држави, што докажува за неработењето и несериозноста на гарнитурата на власт. “Додека 50% од младите ја напуштаат Република Македонија и додека 80% од студентите од трета и четврта година планираат да заминат оттука и да творат низ белиот свет, вие тука демонстрирате класичен популизам и го поддржувате овој буџет од кој велите дека ќе вложите во човечкиот потенцијал. Имајте на ум дека овој буџет не ги отсликува потребите на граѓаните”, посочи Митовска. Митовска вели дека иако буџетот за наредната година е зголемен, сепак СДСМ и коалицијата се дрзнува да крати од капиталните инвестиции за претстојната 2020 година. -Тоа значи дека ќе се крати од изградба на автопати и гасоводи. Додека СДСМ се фали со буџет преку кој ќе се вложи во младинскиот, односно човечкиот потенцијал, нека кажат и зошто се кратат 17% од средствата предвидени од стапката за наука, заврши Митовска.

Митовска: ВМРО-ДПМЕ бара измени во законот за пензиско-инвалидско осигурување кои ќе бидат многу значајни за над 300.000 пензионери

Катерина Бојаџиева — Fri, 25 Oct 2019 17:20:58 +0000

Пратеничката од ВМРО-ДПМНЕ и Коалицијата Слаѓана Митовска на денешната комисија за труд и социјална политика посочи дека пратеничката група на ВМРО-ДПМНЕ и Коалицијата поднесоа предлог закон со цел измени на законот за пензинско и инвалидско осигурување и со тој предлог закон бараат мала измена во членот 1 каде во став 1 да гласи: -Усогласување на старосната пензија да се врши според индексот на трошоците на живот во висина од 50% и порастот на просечно исплатената плата на сите вработени во државата во висина од 50% Став 2 -Пензијата под став 1 на овој член се усогласува од 1 јануари и 1 јули секоја година според процентот кој се добива како збир на порастот на индексот на трошоците на живот во претходно полугодие и процентот на порастот на просечно исплатената плата на сите вработени во државата во претходното полугодие во однос на полугодието кое му претходи. Став 3 -Заради примена на ставот 1 од овој член пензијата остварена во тековната година претходно се сведува во месечен износ според порастот на платите во декември претходната година во однос на просечната плата истата година. Пратеничката Митовска посочи дека ВМРО-ДПМНЕ и коалицијата бараат мала измена која ќе биде многу значајна за пензиите на над 300.000 илјади пензионери. -Ваков предлог закон имавме и во јануари 2019 кој не беше прифатен од СДСМ, го имаме и сега во октомври надевајќи се дека сега ќе бидете малку посентиментални и ќе имате поголемо разбирање кон пенионерите затоашто пред нас се предвремените парламентарни избори, па доколку го земеме во предвид начинот на којшто работите изминативе децении, свесни сме дека и сега се со цел да остварите политички поени можеби ќе имате поголемо разбирање и ќе ни дадете поддршка за овој предлог закон, укажа Митовска. Таа во своето обраќање потсети дека во мај овој закон беше отфрленод страна на СДСМ, дека не даче поддршка. - Сега очекувам во октовмри да се донесе овој закон се со цел да се исправди неправдата којашто владата предводена од СДСМ им ја нанесе токму на пензионерите, порача Митовска.

Митовска: За овие две години покажавте дека работите само за лицата блиски до СДСМ

Катерина Бојаџиева — Mon, 07 Oct 2019 14:49:36 +0000

На денешната собраниска седница обраќање имаше пратеничката од редовите на ВМРО ДПМНЕ Слаѓана Митовска. Таа кажа дека СДСМ воопшто не размислува ниту пак има направено една мерка за враќање на средната класа како што ветуваше во предизборието. Митовска истакна дека за овие две години, владата покажа дека единствено работи во интерес на лицата блиски до СДСМ, но не и за интересите на граѓаните.

Митовска: СДСМ како многу пати и сега покажа дека немаат капацитет и потенцијал да ги исполнат ниту нивните ветувања

Катерина Бојаџиева — Thu, 03 Oct 2019 11:15:47 +0000

На денешната седница на Собранието на Република Македонија, се обрати и пратеничката Слаѓана Митовска од редовите на ВМРО-ДПМНЕ при што посочи дека СДСМ откако е на власт, денес за прв пат дискутира за покачување на плати и тоа е срамота. -И уште еднаш СДСМ докажа дека нема капацитет да исполни едно ветување. Законот се носи по брза постапка бидејќи СДСМ како многу пати досега и сега покажа дека немаат капацитет и потенцијал да ги исполнат ниту нивните ветувања, нагласи Митовска. Митовска образложи дека не ги исполнија ниту предвидените ветувања кои ги дадоа пред и за време на предизборието, а кога дојдоа на власт се заборави на нив. -Две години сте на власт, а денеска за првпат зборуваме за покачување на плати. Вчера имавме протест со кој беше блокиран цел град. Вакво незадоволство имаме во сите сектори. Предлагаме зголемувањето на платата да биде 10 проценти. Верувам како одговорни личности, сите ние ќе се залагаме за зголемување на 10 посто, истакна Митовска.

Митовска: Сите пари кои беа наменети за капитални проекти се трошат непродуктивно

Катерина Бојаџиева — Tue, 01 Oct 2019 12:48:22 +0000

На денешната собраниска седница имаше обраќање пратеничката од редовите на ВМРО-ДПМНЕ Слаѓана Митовска. Таа кажа дека искуството за овие две години е оти сите пари на претходната влада кои биле обезбедени за капитални проекти, истите биле пренаменети и се трошеле непродуктивно или биле пренаменети за социјални трансфери. Митовска исто така потенцираше дека владата не успеала да ги изменаџира средствата и да ги помири тековните трошоци за плати и социјални трансфери и затоа ги пренаменила парите од капиталните инвестиции за овие намени.

Митовска: Извештајот ЕК е доказ дека власта во изминативе две години нема направено ништо за подобрување на социјалната заштита

Ивана Ефремовски — Wed, 05 Jun 2019 10:42:54 +0000

Република Македонија, како и на сите останати полиња, така и на полето на социјалната заштита и вработувањетo бележи критики од Европската Комисија. Извештајот на Комисијата е доказ дека власта во изминативе две години нема направено ништо за подобрување на социјалната заштита, реагира Слаѓана Митовска, пратеник на ВМРО-ДПМНЕ и Коалицијата „За подобра Македонија“. -Европската Комисијата констатира дека државата е половично подготвена на полето на социјаната политика и вработувањето. Тоа значи дека се потребни уште многу мерки и реформи за да имаме било каков резултат. Наместопразни ветувања, власта треба да се насочи во она малку време кое и преостанува на реформи и подобрување на условите на сите полиња. Комисијата посочува дека недостасува поголемо финансирање на програмите за вработување и социјалните реформи, истакна Митовска. Таа анализира дека во време на ВМРО-ДПМНЕ програмите за вработување беа посеопфатни и поголеми, што допринесе за разлика од сега да се вработат над 150.000 луѓе. -Од ЕУ констатираат и тоа што ВМРО-ДПМНЕ веќе подолг период го предупредува, а тоа е дека сиромаштијата останува и е сериозен проблем. Имено на ова поле според одредени истражувања над половина милион граѓани живеат на прагот на сиромаштија. На виделина излегува и неспособноста на функционерите на власта, кои наместо да ги менаџираат институциите со кои раководат си ги вработуваат роднините на места во јавната администрација. Имено Комисијата нотира дека соработката помеѓу институциите кои го спроведуваат законот за работни односи е многу слаба. Во целост овој извештај посочува на низа пропусти и неспособности на оваа власт во доменот на социјалата и вработувањето. Зоран Заев и Мила Царовска мора да понесат одговорност за ваквите состојби и треба да бидат први на удар на метлата, која мора да го исчисти СДСМ од власта, посочува таа.

Митовска до СДСМ: Зголемување од 100 денари не значи зголемување на животниот стандард на потполно глувите лица

Предраг Кукиќ — Tue, 21 May 2019 13:14:44 +0000

Слаѓана Митовска пратеник од редовите на пратеничката група на ВМРО-ДПМНЕ и Коалицијата „За подобра Македонија“ рече дека СДСМ допринесе само минимално зголемување од 100 денари на паричен допринос на потполно глувите лица што е срамота. Навистина е разочарувачки тоа што не поддржавте амандман со кој што ние предлагаме износот кој што ќе го добиваат лицата потполни глуви лица да се зголеми од 4.117 денари како што предвидувавте со предлог законот, ние предлагаме да се зголеми на 5.200 денари, нагласи Митовска. Митовска истакна дека со зголемување на месечниот износ барем малку ќе се помогне на потполно глувите лица. Ова право за првпат беше донесено во декември 2013 година, потполно глуви лица со навршена 26 годишна возраст имаа можност од 2014 година да го остварат овој паричен надоместок. А, вие предлагате само минимално зголемување од 100 денари. За вакво зголемување на ваков начин не можеме да зборуваме за зголемување на животниот стандард на потполно глувите лица, додаде Митовска.

Митовска: Владата не направи ниту една вистинска реформа во системот на социјална заштита

Предраг Кукиќ — Mon, 20 May 2019 17:24:51 +0000

Слаѓана Митовска пратеничка од ВМРО ДПМНЕ на собраниската седница кажа дека системот на социјална заштита не претрпел ниту една вистинска реформа со која ќе се подобри животот на корисниците на социјални парични давања. Таа додаде дека владата освен празни ветувања не придонесла ништо за корисниците на социјална парична помош а и на другите видови на материјални примања и дека овие корисници немаат почувствувано реално зголемување ниту зголемување на нивниот животен стандард.

Митовска: СДСМ уште еднаш ги ставија партиските интереси пред интересите на пензионерите

Дарко Андоновски — Wed, 15 May 2019 12:58:42 +0000

Власта на чело со СДСМ повторно го покажа своето лицемерие кон пезионерите, ова денеска го истакна Слаѓана Митовска, пратеник на ВМРО-ДПМНЕ во Собранието на Република Македонија. -На денешната седница на Комисијата за труд и социјална политика пратениците на СДСМ гласаа против предлог законот за изменување на Законот за пензиското и инвалидското осигурување поднесен од ВМРО-ДПМНЕ и колицијата. Со нашиот предлог закон се предвидува враќање на старата методологија за усогласување на пензиите, со цел пензионерите да добијат вистинско покачување на пензиите. Со одбивањето на ова законско решение СДСМ уште еднаш го покажа своето вистинско лице. СДСМ ветуваше зголемување на пензиите, но наместо тоа пензионерите добија единствено усогласување на пензиите, но не и реално зголемување. Денеска СДСМ им го скрати правото на поголеми пензии на повеќе од 310.000 корисници на пензија, вели Митовска. Таа додава дека денеска пратениците на СДСМ уште еднаш ги ставија партиските интереси пред интересите на пензионерите. -ВМРО-ДПМНЕ и Коалцијата како досега така и во иднина ќе продолжат да работат во интерес на пензинерите. Пензинерите имаат право на поголема пензија. ВМРО-ДПМНЕ ќе го врати достоинтвото на пензионерите во истиот момент кога оваа ненародна власт на СДСМ и Заев ќе замине, а со нив ќе заминат и сите штетни политики и закони кои ги донесоа. Ова законско решение ќе биде вратено на сила и пензионерите ќе добијат повисоки пензии.