слајм – Kurir.mk

Оваа играчка ја има речиси секое дете, а полна е со штетни хемикалии

Ивана Ефремовски — Thu, 06 May 2021 07:11:42 +0000

Според низа истражувања, слајмот кој е најпопуларната играчка помеѓу младите содржи големо количество од хемикалијата бор. Тестовите кои беа спроведени во Велика Британија покажуваат дека во овие „лигавци“ има 4 пати концентрација на оваа хемикалија од дозволеното според Европскиот стандард. Борот се користи со цел играчката да биде леплива, а надлежните ги повикуваат родителите да внимаваат што и каде купуваат. Родителите треба да бидат внимателни и доколку одлучат на децата да им дозволат да направат дома слајм, бидејќи некои од состојките од кој се прави оваа лигава играчка како растворот за контактни леќи содржи боракс кој е напаравен од бор. Низ скопските продавници оваа играчка може да се купи од 10 до 50 денари зависност од нејзината големина и пакување, но има и слајмови кои чинат и по 200 и 500 денари. Слајмот стана хит одамна, а на Јутјуб каналите станаа популарни видеата “направете сами лигавци“ кои од милиони луѓе беа шерувани и гледани. -Големата колична на бор може да предизвика кожна иритација, диареја, главоболка, повраќање како и депресија. Исто така може да наштети на плодноста како и на плодот во стомакот на мајката, наведуваат од Европската комисија. Родителите треба да внимаваат и да проверуваат на кутиите дали ја имаат ознаката СЕ, која означува дека е помината контролата на ЕУ. Повеќето играчки кои доаѓаат од Кина содржат токсични бои и олово кои можат да го нарушат здравјето на детето.

Родители внимавајте, секое дете ја носи во џеб: Оваа популарна играчка чини 50 денари, а е полна со штетни хемикалии

Катерина Бојаџиева — Wed, 20 Mar 2019 16:06:57 +0000

Според последните истражувања слајмот најпопуларната играчка помеѓу младите содржи големо количество од хемикалијата бор. Тестовите кои беа спроведени покажуваат дека во овие „лигавци“ има 4 пати концентрација на оваа хемикалија од дозволеното според Европскиот стандард. Борот се користи со цел играчката да биде леплива, а надлежните ги повикуваат родителите да внимаваат што и каде купуваат. Родителите треба да бидат внимателни и доколку одлучат на децата да им дозволат да направат дома слајм, бидејќи некои од состојките од кој се прави оваа лигава играчка како растворот за контактни леќи содржи боракс кој е напаравен од бор. Низ скопските продавници оваа играчка може да се купи од 10 до 50 денари зависност од нејзината големина и пакување, но има и слајмови кои чинат и по 200 и 500 денари. Слајмот стана хит пред една година, на Јутуб каналите станаа популарни видеата направете сами лигавци кои од милиони луѓе беа шерувани и гледани. Големата клична на бор може да предзивика кожна иритација, диареја, главоболка, повраќање како и депресија. Исто така може да наштети на плодноста како и на плодот во стомакот на мајката, наведуваат од Европската комисија. Родителите треба да внимаваат и да проверуваат на кутиите дали ја имаат ознаката СЕ, која означува дека е помината контролата на ЕУ. Повеќето играчки кои доаѓаат од Кина содржат токсични бои и олово кои можат да го нарушат здравјето на детето. На пазарот во земјава има голем број сомнителни играчки што може да содржат опасни хемикалии по здравјето на децата, колкава контрола се врши врз увозот на играчките, колку често се земаат мостри од одредени играчки присутни во продавниците и се испитуваат нивните евентуални штетни супстанци, можноста за дигитално известување за составот и потеклото на играчката, беше во фокусот на дебатата „Институционална одговорност за хемиски безбедни играчки“. Oд информациите на терен и од тестовите што ги извршивме на неколку играчки, дојдовме до сознанија дека 70 отсто од играчките што се увезени во земјава се опасни, а често се дојдени и по нелегален пат, особено на пазарите, каде што немаат ниту декларација. Еве да појдеме на пазарите, ќе видиме дека ниту една играчка нема декларација, не знаеме како дошла тука и кој ја продава, рече Наташа Доковска од организацијата „Новинари за човекови права“. Доковска смета дека заради евтината цена, родителите купуваат се повеќе играчки, кои, заради лошиот квалитет, и брзо се кршат и завршуваат на депонии. Посочи и дека Новинари за човекови права и РАДАР со помош на овој проект на граѓаните ќе им понуди да избираат меѓу небезбедните и првата македонска еко играчка. Истакна дека во земјава нема многу од брендираните играчки кои се сметаат за безбедни за децата, и го посочи податокот дека во 2013 година на македонскиот пазар имало 50 видови брендирани играчки, а сега само 20.

Француските здравствени власти предупредуваат на ризиците од слајмот

Дарко Андоновски — Fri, 14 Dec 2018 14:31:50 +0000

Француските здравствени власти испратија предупредување пред божиќните празници од ризиците по детското здравје што ги носи играњето со еластичната смеса слајм. која е многу популарна кај децата и младите. Како што јави дописникот на МИА, според здравствените власти, смесата може да предизвика сериозна иритација на кожата и алергии. Во заедничката изјава, Генералниот директорат за здравство, Министерството за конкуренцијата и Агенцијата за здравствена безбедност на Франција повикаа на „будност“ по контролата на 44 производи од кои биле земени мостри во 2018 година, при што кај 14 од нив е утврдено присуство на хемискиот елемент бор над дозволената граница и тие биле повлечени од пазарот. Борната киселина, составена од бор, водород и кислород, е супстанција која може да има штетни последици по здреавјето, пред се да влијае на плодноста и развојот на ембриони. Во извештајот објавен се вели дека бројот на пријавени случаи на лица кои се жалеле на воспаление на кожата и ноктите, изгореници, црвенило, егзема и чешање како резултат на контакти со смесата, двојно е зголемен во текот на првите пет месеци на 2018 година во споредба со истиот период лани. Смесата се продава веќе подготвена или пак во кутии во кои има состојки за подготвка. Властите предупредуваат дека повторното и продолжено мешање на слајмот „не е без здравствени ризици”. Првото предупредување на ризиците од слајмот беше објавено во мај, а во септември француската Организација на потрошувачи ги советуваше родителите да не ги купуваат овие смеси, откако кај 13 производи беше утврдено присуство на штетни супстанци, како жива, арсен или бор, кои и даваат еластичност на смесата. Оваа смеса беше многу популарна во 1984 година по филмот „Истерувачи на духови“, од каде и го доби името според еден од духовите Слајмер. Таа повторно стана популарна кај младите, пред се во САД во 2016 година, откако на Јутјуб се појавија видеа на кои млади си играат со слајм.