слалом – Kurir.mk

ЗОИ: Ноел најдобар во слаломот

Ивона Петрова — Wed, 16 Feb 2022 07:43:46 +0000

Французинот Клемент Ноел е победник во слаломот на Олимписките игри во Пекинг. Тој двете трки ги заврши со вкупно време 1:44.09 минута. Иако по првата трка беше на шестата позиција, Ноел со одлично второ возење успеа да дојде до златниот медал. Првопласираниот по првата трка, Јоханес Штролц од Австрија на крајот заостана за 61 стотинка и мораше да се задоволи со сребрениот медал. На победничкиот подиум место си обезбеди и Норвежанецот Себастијан Фос-Солеваг кој во вкупното време беше побавен за 70 стотинки од победникот. По денешната алпска дисциплина Франција се изедначи со Русија со по четири златни медали и во моментов е на 10.место во поредокот на земјите медалисти на ЗОИ 2022.

Клема Ноал победи на слаломот во Крањска Гора

Бошко Тасиќ — Sun, 14 Mar 2021 16:52:55 +0000

На денешната слаломска трка во Крањска Гора победата му припадна на Клема Ноал кој постави време од 1:47.51, што беше за 62 стотинки подобро од второпласираниот сонародник Виктор Муфа Жанде. Третото место му припадна на Рамон Цејнхојзер од Швајцарија кој доцнеше 71 стотинка зад времето на победникот. Австриецот Марко Шварц го обезбеди малиот кристален глобус во слалом иако денеска заврши само како седмопласиран.

Во генералниот пласман се взештува пред финалето во Светскиот куп кој почнува од среда во швајцарскиот Лензерхајде, откако водечкиот во генералниот пласман Алексис Пантуро не ја заврши денешната трка и во моментов има само 31 бода предност пред второпласираниот Марко Одермат.

Михаела Шифрин победи на денешниот слалом на патеката„Јасна”

Бошко Тасиќ — Sat, 06 Mar 2021 21:04:09 +0000

Михаела Шифрин од Соединетите Американски Држави, е победник на трката во слалом во женска конкуренција, што се возеше на патеката „Јасна“ во Словачка. Американската скијачка стигна до целта со време, 1 минута, 44 секунди и 28 стотинки, оставајќи ја зад себе Словачката Петра Влхова на второто место и Венди Холденер од Швајцарија на третото место. За Шифрин ова беше 45 – та победа во слалом. Во меѓувреме, трката за „Кристалниот глобус“ во слалом останува отворена, бидејќи Влхова има 480 бода пред Шифрин со 435 и Линсбергер со 410 бода.

Себастијан Фос-Солеваг го освои златниот медал во слалом на СП

Бошко Тасиќ — Sun, 21 Feb 2021 13:34:17 +0000

Норешкиот скијач Себастијан Фос-Солеваг е освојувач на златниот медал во слаломот на Светското првенство во Кортина Д’Ампецо. Во последниот настан на СП, Норвежанецот заврши прв пред Австриецот Адриан Пертл, додека трет беше уште еден Норвежанин Хенрик Кристоферсен. Ова е второ злато за Норвешка на ова СП, прво во индивидуална категорија. Ова е прв златен медал за Фос-Солеваг на Светските првенства, во четвртото учество.