ПРОПАДНА ПРИВАТНИОТ БИЗНИС НА ШЕРИФОВИЌ – кризата си го направи своето, сепак мајката на пејачката вели дека повторно ќе отворат нешто свое

Дарко Андоновски — Tue, 08 Nov 2022 21:04:01 +0000

Верица Шерифовиќ последниве години не се експонира во јавноста, а познато е и дека започнала приватен бизнис, кој за жал сега веќе пропаднал. Имено, пејачката ја затворила слаткарницата и сето тоа поради кризата која завладее на сите страни. -Да ви кажам искрено, порано подготвував разни работи, сега нема причина за тоа. Има толку добри домашни производи што можам да купам ајвар и краставици за Марија и за мене, а има и кисели краставички и се` на Земунскиот пазар, па нема зошто да складирам. На крајот на краиштата е за некој што има големо семејство - вели Верица и додава: - Секако дека поскапувањето ги погодува сите, но јас ја затворив мојата слаткарница „Маравера“. За време на короната, сите ја почувствувавме кризата што се однесува до тие мали бизниси, па секако тоа ми се случи и мене. Едноставно веќе не вредеше да се држиш за него. Не сум само јас единствена, што е, тоа е – открива пејачката за „24 седум“. Шерифовиќ се надева дека ќе се врати во бизнисот и покрај неуспешноста во него. - Можеби на пролет, не знам. Се зависи од ситуацијата. Веројатно повторно би отворила слаткарница, навистина уживам - заклучува Верица за споменатиот портал. Да потсетиме, Марија во една прилика додека снимаше за својот блог ја посети слаткарницата на нејзината мајка која е опремена по највисоки стандарди, а во таа прилика подготвија и разни специјалитети кои навистина ги сака Верица, како што и самата истакнала во неколку прилики.

ПО 212 ГОДИНИ СЕ ЗАТВОРА – илјадници туристи разочарани од тоа што веќе нема да можат да го јадат во Истанбул

Дарко Андоновски — Mon, 31 Oct 2022 09:10:13 +0000

Легендарната слаткарница „Лебон“, којашто се наоѓа во центарот на Истанбул, Турција, ги затвора вратите поради превисока кирија. Слаткарницата, според сопствениците, во Турската Држава работи веќе 212 години. Но, сега луѓето кои ја водат, се принудени да ја затворат, откако сопственикот на просториите на „Истиклал“ ја зголемил киријата. Претходната цена од 42.500 турски лири (околу 2.300 евра) е покачена на 185.000 лири (10.000 евра), според Абдурахман Џенгиз, еден од одговорните во слаткарницата. – Оваа слаткарница е прва во отоманската и републиканската историја на земјата. Би сакал брендот да опстои, но тоа не успеа. За да се преселам на друго место, пак, ми требаат 10 милиони турски лири. И тоа е невозможно, додаде Џенгиз. Според него, во слаткарницата се инвестирани 10 милиони евра, а по затворањето, 12-мина вработени ќе останат без работа. Слаткарницата „Лебон“ била отворена 1810 година, од Едуард Лебон во областа Бејоглу. Џенгиз и неговиот партнер Шаќир Екинчи го купиле брендот во 1985 година.

слаткарница – Kurir.mk

ПРОПАДНА ПРИВАТНИОТ БИЗНИС НА ШЕРИФОВИЌ – кризата си го направи своето, сепак мајката на пејачката вели дека повторно ќе отворат нешто свое

ПО 212 ГОДИНИ СЕ ЗАТВОРА – илјадници туристи разочарани од тоа што веќе нема да можат да го јадат во Истанбул