слатки – Kurir.mk

„Забава“ на Миконос: Собарки пробале слатки оставени од гостите, завршиле во болница со халуцинации

Ивона Петрова — Tue, 04 Oct 2022 09:12:17 +0000

Грчките медиуми јавуваат дека на Миконос пет лица завршиле во болница откако консумирале слатки кои во собите ги оставиле гостите, а кои биле полни со халуцигени супстанци. Дека Миконос е остров познат по лудите забави на кои се користи и дрога не е нов податок. Во изнајмените вили, остануваа се и сешто по заминувањето на богатите гости. Како што јавува Прототема, пет собарки се хоспитализирани откако јаделе чоколади и слатки кои останале во фрижидерите по заминувањето на гостите. Се утврдило дека слатките содржеле псилоцибин, супстанца со сличен ефект како и ЛСД, која може да предизвика еуфорија, нагла промена на емоциите и халуцинации.

Без ова нема да намалите килограми: Kако да ја намалите желбата за слатки?

Ивана Ефремовски — Fri, 10 Dec 2021 20:08:39 +0000

Кога ќе се одлучиме да слабееме, најтешко ни е да се откажеме од слатките. А без нив процесот за намалување на килограмите би бил многу побрз и поефикасен. Затоа нутриционистите препорачуваат во секојдневното мени да вметнете некои од намирниците кои ќе ја задоволат потребата за слатки, а притоа се здрави. Домати: Содржат високо ниво на триптофан, материја која телото ја претвора во серотонин, а исто така богати се и со хром, минерал кој ја намалува желбата за храна и го регулира нивото на глукоза во крвта, па се одличен сојузник во борбата против слатките. Пченка: Содржи високо ниво на антиоксиданти, витамини, минерали и растителни влакна, поради кои е повеќекратно корисна. Варен компир: Оваа намирница нема само да ја задоволи потребата за чоколадо, туку и организмот ќе го снабди со витамин Ц, Д и Б6 и железо. Јаболко: Ова е едно од најдобрите овошја за задоволување на желбата за слатките, богато е со прехрамбени влакна, кои даваат чувство на ситост и го намалуваат гладот. Цимет: Овој зачин, со пријатен мирис и вкус, спречува нагли осцилации во нивото на глукоза, со што ја регулира потребата за шеќер.

ФОТО: Погон за слатки претворен во луксузен стан

Тале Кристо — Fri, 15 Jan 2021 12:27:13 +0000

Стан вреден 24,95 милиони фунти се појави на пазарот во Лондон, Англија. Се наоѓа на плоштадот Тревор, а занимливо е тоа што живеалиштето е всушност дел од зграда што некогаш била фабрика и складиште за чоколади „Хародс“. Богатата историја на овој објект, како и неговата местоположба, се причина за високата цена. Големиот двокатен стан е составен од четири дела споени во еден, а зафаќа површина од 595 квадратни метри. На горниот, петти кат има просторија за прием чии прозорци нудат поглед на плоштадот Тревор, а покрај неа има трпезарија, како и работна соба што може да послужи и како мини-кино. На горниот кат има добро опремена кујна со излез до тераса. Има и соба за гости, којашто лесно може да се претвори во, на пр. вежбалница, а во рамките на тоа има и туш. Скалите надолу, до четвртиот кат, водат кон голем гардеробер, две бањи и сауна. На овој кат има и четири спални соби, од кои едната има мала тераса. Подот е модерно опремен. Зградата во која се наоѓа станот има и приватна градина, за станарите. А, за нивната безбедност пак, обезбедувањето се грижи 24 часа на ден.