славе андонов – Kurir.mk

Андонов: Василево го наследив со долг од 100 милиони денари и блокирани сметки, работиме на исполнување на ветувањата кон граѓаните

Ивона Петрова — Sat, 17 Dec 2022 10:41:00 +0000

Буџетот на Општина Василево е креиран во транспарентна постапка и отворен процес заедно со граѓаните, а преку секојдневните средби добиени се одлични предлози и идеи кои ќе бидат земени во предвид, а дел ќе бидат внесени и во буџетот за 2023 година. Ова е една од поентите од обраќањето на Славе Андонов, градоначалник на Општина Василево на регионалната средба на градоначалниците од Југоисточниот регион од редовите на ВМРО-ДПМНЕ. Тој на трибината се осврна на тешката светска економска и енергетска криза, кои го отежнуваат нормалното функционирање на општината. - Креирањето на буџетот за Општина Василево беше вистински предизвик бидејќи се наоѓаме во голема светска економска и енергетска криза, а самата општина ја наследив со задолженост од околу 100 милиони денари и блокирана сметка. За потсетување, нашиот основен буџет е околу 70 милиони денари, што значи дека ние не треба да работиме ништо една и пол година само за да го вратиме долгот. Сепак, ова не не спречи преку домаќинско работење да започнеме со стабилизирање на општината – кажа Андонов. Тој додаде дека во текот на 2022 година веќе започнале со реализација на повеќе капитални проекти, како што се изградбата на патот Ново маала – Добрашинци за што се инвестирани околу 10 милиони денари, како и реконструкцијата на околу 4 километри од локалната патна инфраструктура за што се инвестирани околу 40 милиони денари. - За идната 2023 година исто така имаме амбициозна програма, каде планираме асфалтирање на околу 15 улици, а за две поголеми улици имаме обезбедено и финансиски средства. Тоа е асфалтирање на патот до манастирот „Свети Ѓорѓи“ во Дукатино, како и асфалтирање на патот до црквата „Свети Илија“ во Радичево. Обезбедени се средства и за партерното уредување на просторот пред домот на културата во Нова Маала. Една од главните барања на граѓаните е изградбата на канализациони системи, нешто што претставува голем проблем за нашата општина и е област каде многу малку е инвестирано во изминативе години. Од наредната година ќе започнеме со изградба на првите краци на канализационите системи во Василево, Ангелци, Градашорци, Пиперево, а ќе работиме и за завршување на изградбата на водоводниот систем во Дукатино- додаде градоначалникот Андонов. Регионалната средба беше организирана од страна на Комисијата за локална, Комисијата за инфраструктура, урбанизам и транспорт и Комисијата за финансии при ВМРО-ДПМНЕ.

Во Василево се гради повеќенаменски објект

Ивана Ефремовски — Thu, 07 Jul 2022 09:10:25 +0000

Градоначалникот на општина Василево, Славе Андонов, денес во населеното место Нова Маала, присуствуваше на бетонирањето на повеќенаменскиот објект кој се гради во партнерство со Турската владина агенција ТИКА. Просторот на кој се гради е лоциран веднаш наспроти џамијата. На површина од околу 410 м² ќе бидат поставени различни реквизити кои на граѓаните од ова населено место ќе им овозможат задоволување на повеќе потреби од културен, спортски и социјален карактер. Дел од просторот е наменет за бина, а на останатиот ќе бидат поставени кошеви, лулашки, лизгалки и клацкалки. Планирано е поставување и на четири клупи, како и четири рефлектори со што ќе се овозможи негово користење и во ноќните часови. Целиот објект ќе биде заграден со заштитна ограда. Уредувањето просторот и изградбата на повеќенамнескиот објек е продолжување на успешната соработка што општина Василево ја има со ТИКА, која во изминатиот период во повеќе наврати има реализирано повеќе проекти на територијата на општинса Василево, во населените места во кои живее турско население.

Андонов: Продолжува изградбата на улиците во населените места Градашорци и Василево

Катерина Бојаџиева — Tue, 15 Mar 2022 17:42:20 +0000

Продолжува изградбата на улиците во Градашорци и Василево. Тековно се гради на две локации во населеното место Василево и тоа улицата која води покрај каналот, чија должина е 420 метри и истата започнува од спојот со постоечка улица во центарот на Василево, и завршува јужно од Василево, кај индустриската зона кон Добрејци и Струмица. Другата улица во изградба во Василево е улицата од црквата Пресвета Богородица до ООУ „Гоце Делчев“ односно спојот со главната улица кај училиштето црквата во должина од 720 метри. Во населеното место Градашорци, пак се гради улицата која води од Домот на културата кон индустриската зона во должина од 432 метри, објави на социјалната мрежа на Фејсбук Славе Андонов, градоначалник на општина Василево.

Андонов: Инвестирањето во спортската инфраструктура е врвен приоритет во работата на општина Василево

Тале Кристо — Mon, 14 Mar 2022 15:00:39 +0000

Вложувањето во спортот, особено инвестирањето во спортската инфраструктура е врвен приоритет во работата на општина Василево. Фудбалскиот стадион во Василево повторно ќе го добие посакуваниит лик и ФК Василево според можностите на општината ќе го користи истиот за одржување на подготовки и првенствени натпревари, пишува во својата Фејсбук објава градоначалникот на општина Василево Славе Андонов.

Андонов: Сериозно инвестирање во инфраструктурата и образованието за овие 100 дена се само почеток и вовед во она што во континуитет ќе се случува во општина Василево

Ивана Ефремовски — Wed, 02 Mar 2022 13:47:53 +0000

„Општина Василево почна да се движи. Сериозно, обмислено, плански. Чекор по чекор во склад со можностите и ставање приоритет на најнеопходното. И од првиот ден заедно со граѓаните, максимално почитувајќи ги нивните барања и сугестии. 100 дена исполнети со предизвици и обременети од енормно големиот затекнат долг, поради кој е отежнато дури и секојдневното функционирање на локалната самоуправа. Најголем предизвик со кој се соочив во почетокот на мојот мандат е катастрофалната финансиска состојба“, истакна Славе Андонов, градоначалник на општина Василево при регионалниот отчет во Гевгелија насловен „Промени што носат иднина - 100 дена локална власт отчет на ВМРО-ДПМНЕ“.

Андонов додаде дека пред неколку недели по изборите следуваше сериозна можност за исклучување на струјата. Но како резултат на максималната ангажираност на вработените во општината, кои беа на висина на задачата до тоа не дојде.

„Затекнав долг од преку 80 милиони денари, блокирана сметка од преку 10 милиони денари. Но ние почнавме да ги враќаме долговите, повеќето фирми кои ја блокираа сметката на општината, ги исплативме и ветувам овде и денес дека општина Василево во мојот мандат ќе биде општина без блокирана сметка како и што доликува“, рече Андонов.

Андонов посочи дека во соработка со ЈПКД „Турија“ уште од првиот ден се започна битката со депониите. Се исчисти и просторот околу детската градинка во Василево, се исчистија и дивите депонии на влезовите од населените места Сушево и Нова Маала. Исчистени се каналите во населените места Седларци, Ангелци и Градашорци, со што им ја вративме првобитната намена.

„Извршивме проширување на мрежата на атмосферската канализација во с. Василево. Во населените места Чанаклија и Дукатино спроведовме активности на порамнување и уредување на улици и земјени површини. Населеното место Добрашинци доби две новоасфалтирани улици, едната во должина од 100 а другата од 165 метри. Нов асфалт во должина од 250 метри поставивме и на пристапниот пат што води до населеното место Нова Маала“, нагласи Андонов.

Андонов рече дека во делот на локалната патна инфраструктура тековно се работи на три големи проекти: целосна реконструкција на локалниот пат Ново Владевци-Старо Владевци во должина од околу 2 км, и буџет од речиси 20 000 000 денари, како и две улици во Василево, од црквата до училиштето Гоце Делчев, во должина од 720 метри и улицата покрај каналот чија должина е 420 метри.

„Во овој краток период успеавме да инвестираме и во образованието. Со бекатон го уредивме дворот на подрачното училиште во населеното место Дукатино. Во централното училиште во Василево каде наставата се одвива во две смени го осветливме училишниот двор. За поквалитетна настава двете основни општински училишта во Василево и Нова Маала добија кабинети по биологија и хемија“, појасни Андонов.

Андонов истакна дека овие 100 дена се само почеток и вовед во она што во континуитет ќе се случува во општина Василево, а тоа е работа во функција на доброто на сите граѓани на општина Василево. Осмислено, плански ќе се продолжи и понатаму.

Андонов: Се уредува дворот на подрачното училиште „Гоце Делчев“ во село Дукатино (ФОТО)

Тале Кристо — Wed, 12 Jan 2022 21:05:00 +0000

Ветеното го реализираме - се уредува дворот на училиштето во с. Дукатино. Во подрачното училиште „Гоце Делчев“ во с. Дукатино во тек се активности за уредување на училишниот двор со бекатон плочки. Плочките се поставуваат околу училишната зграда на предниот, влезен дел од објектот со што влезната партија добива сосема нов лик и дополнително придонесува за подобрување на хигиената во и околу училиштето. Деновите додека учениците се на зимски распуст училиштето ги користи за реализација на оваа активност, која е планирана токму за овој период кога учениците не се на настава, со цел градежната активност да се одвива непречено и без да има негативно влијание врз нормалното одвивање на наставниот процес, пишува на Фејссбук Славе Андонов - Градоначалник на Општина Василево.

Андонов: Во населеното место Чанаклија во општина Василево се спроведува порамнување на улиците и чистење на дива депонија

Ристе Здравков — Mon, 27 Dec 2021 19:08:28 +0000

Во населеното место Чанаклија, се спроведе активност на порамнување на улиците и чистење на дивата депонија. Конкретно сe работеше на отстранување на земјени наноси од локалниот пат Чанаклија – Нова Маала наталожени по обилните врнежи во изминатиот период. Со нивното отстранување сеобезбедува поголема сигурност во одвивањето на сообраќајот за сите негови учесници. Со оваа активност опфатено е и чистење на отпадот од дивата депонија во ова населено место, напиша на Фејсбук градоначалникот на општина Василево, Славе Андонов.

Се асфалтира улицата „Нова Маала“ во општина Василево

Тале Кристо — Thu, 16 Dec 2021 13:31:02 +0000

Се асфалтира улицата „Нова Маала“ во општина Василево, објави градоначалникот Славе Андонов. Денес на денот на општина Василево се асфалтира улицата во Нова Маала. Нека е за многу години овој ден и со вакви и слични проекти да го одбележиме идниот период. Да Ни е вечна општина Василево!, пишува во својата објава на Социјалната мрежа на Фејсбук Андонов.

Андонов: Василево ќе добие канализациони мрежи во сите населени места, субвенции за термофасади и клима уреди, повеќенамесни игралишта и филтер станици

Тале Кристо — Sun, 10 Oct 2021 17:30:17 +0000

Кандидатот за градоначалник на општина Василево од ВМРО-ДПМНЕ, Славе Андонов, на вечерашниот митинг во Василево истакна дека на Василево му се потребни промени и нова иднина, а вети дека ќе реализира бројни проекти како канализациони мрежи во сите населени места, субвенции за термофасади и клима уреди, повеќенамесни игралишта и филтер страници, нови паркови и општина без кал на улиците. Општина Василево е нашиот заеднички дом, во кој секој од нас треба да ја гледа својата иднина и својата шанса, јавно се обврзувам дека нема да делам, туку ќе обединувам. Дека немам предрасуди спрема никого. Дека ги препознавам и почитувам разликите. Бидејќи мојата цел е да бидам градоначалник, без исклучок на сите граѓани на општина Василево, истакна Андонов. За промени затоа што во изминатите четири години ништо не се направи и затоа да бидеме сложни и обединети, да бидеме здружени , за општина Василево повторно да биде општина како што заслужуваат сите граѓани. Да ја започнеме таа промена со изгласување на нов Совет составен од овие луѓе чесни и храбри, кои што ќе водат сметка за својата општина како што водат сметка за своите семејства, рече Андонов. На вечерашниот митинг во Василево, Андонов истакна дека власта иако многу ветуваше ништо не направија освен оставајќи празни зборови и големи долгови, замислете општина Василево е една од најзадолжените во Македонија. Општината е должна околу 80 милиони денари. Комуналното претпријатие околу 16 милиони денари. Но, што видовме на дело. Не направија ниту еден метар канализација, а ја ветуваа во Василево Градашорци и Добрашинци.Ветуваа чиста околина наместо тоа диви депонии на секој чекор, истакна Андонов. -ВМРО-ДПМНЕ има што да понуди на престојните избори, со програма и кадри кои умеат да работат.Нам ни е потребна општина без кал, со нови асфалтирани улици,ф игралишта, нови паркови, канализирање и чистење на речните корита и чистење на дивите депонии но од се најмногу изградба на што повеќе нови канализациони системи. Се обврзуваме дека ќе изградиме канализациони мрежи во Василево, Градошорци, Ангелци, Пиперево, Владевци, Седларци, Радичево и други населени места, вети Андонов. -Во првите 100 дена ќе донесеме одлука за субвенции за изведба на термофасади, субвенции за клима уреди. Ќе ги реновираме постојните повеќенаменски игралишта. Висока Маала и Дукатино конечно ќе добијат вода за пиење; -Се обврзуваме дека ќе го реконструираме водоводот во Пиперево; -Добрашинци конечно ќе го добие Мултифункционалниот центар; -Повеќенаменски игралишта ќе се изградат во Чанаклија , Владевци и Висока Маала; -Нови филтер станици ќе се изградат во Нова Маала и Сушево, наброи Андонов. Андонов вети работа и беспоштедна битка за повеќе резултати и порача дека на 17-ти октомври граѓаните на Василево треба да донесат одлука за себе,и за подобра општина Василево.

Интервју со кандидат за градоначалник на општина Василево, Славе Андонов: Граѓаните бараат нова сила која ќе го подобри животот на сите

Дарко Андоновски — Sun, 10 Oct 2021 12:02:23 +0000

Кој беше мотивот да се кандидирате за прв човек на општината? Главен мотив да се кандидирам за градоначалник на општина Василево е желбата повторно во работата на општинатаприоритерда бидат индустриските зони, да се разговара за намалување на невработеноста, да се градат канализациони системи, да се донесат детални урбанистички планови едноставно враќање на епитетот економски развиена општина и овозможување услови младите да останат во Василево и тука да оформат свои фамилии. Василево има голем потенцијал за раст и развој. Што велат граѓаните на средбите на терен? На средбите со граѓаните добив низа укажувања за лошо менаџирање на локалната самоуправа од актуелниот градоначалник , како и за лоша реализација на ветените проекти. Граѓаните нагласуваат дека на општината и е неопходна промена , како и нова сила и енергија која што ќе работи за подобрување на животот на сите граѓани на Василево. Времето застанало одамна во сите населени места. Последен пат градоначалникот или некој од функционерите биле пред минатите избори. Граѓаните препознаваат дека нивниот глас ,значи глас и поддршка за сите проекти кои заедно ќе ги испишеме во победничката програма. Оттука со што би стартувале во вашата работа? Следуваат четири години напорна работа, големи промени и предизвици, а ветувањата кои се дадени остануваат главен мотив и уште од првиот ден ќе се работи на нивна реализација.Неопходно е да се направи ревизија на досегашното работење, па потоа ќе се започне со реализирање на суштинските проекти за општина Василево. Главен проблем во сите населени места се канализационите системи.Актуелниот градоначалник воопшто не посвети внимание на овој проблем. Голем дел од нашата енергија и време ќе посветиме на решавање на овој проблем. Ние го знаеме овој проблем бидејќи сме постојано меѓу народот и изборната програма за настап на престојните локални избори во Василево ќе ја подготвуваме заедно со граѓаните. Ќе создадеме тим кој ќе работи на проекти за прекугранична соработка и обезбедување на средства од ИПА фондовите. Во изминатите четири години воопшто не се работеше на тоа поле . Од кои начела ќе се водите во работата? Едноставно е. Станува збор за следните принципи по кои ќе работам: отчетност, чесност, отворена општина за сите граѓани.