Славе Николов – Kurir.mk

Начевски и Николов главни судии на неделното дерби помеѓу Еурофарм Пелистер и Вардар

Бошко Тасиќ — Wed, 18 Oct 2023 19:06:03 +0000

Maкедонската ракометна федерација ги објави судиите за претстојното осмо коло од Суперлигата во кое се игра дербито помеѓу Еурофарм Пелистер и Вардар. Големото дерби ќе им припадне на Ѓорѓи Начевски и Славе Николов, а се игра во Битола в недела од 18:00 часот. Исто така Начевски и Николов не судеа во минатогодишното дерби на 24. март во кое имаше и инциденти со публиката, но беа на теренот во Битола на 6. мај кога Еурофарм Пелистер ја запиша најважната победа за освојување на титулата.

Начевски и Николов ќе ја делат правдата на ЕП во Германија

Бошко Тасиќ — Tue, 26 Sep 2023 04:22:38 +0000

Европската куќа на ракометот ги објави судиите кои што ќе бидат дел од претстојниот шампионат во јануари следната година. Очекувано, на списокот на арбитри се најдоа и нашите најдобри судии Славе Николов и Ѓорѓи Начевски кои подолго време се при самиот врв кога во прашање е квалитетното судење. Европскиот шампионат ќе се одржи од 10 до 28 јануари во Германија, а Македонија ќе биде во групата А заедно со домаќинот, Франција и Швајцарија.

Начевски и Николов добиваат парична награда од РФМ за мундијалската арбитража

Бошко Тасиќ — Sat, 02 Sep 2023 14:14:02 +0000

Собранието на Ракометната федерација (РФМ) одлучи да ги награди судиите Ѓорѓи Начевски и Славе Николов, за нивната арбитража во финалето на Светското првенство во Полска о Шведска. Македонските судии ја имаа огромната чест да ја делат правдата во едно финале на ракометен Мундијал, а претседателот на федерацијата, Живко Мукаетов, предложи двајцата да бидат наградени со по 1.000 евра. Делегатите на собранието гласаа и ја потврдија одлуката на претседателот. Македонија имаше свои претставници во финалето на Светското првенство, а Начевски и Николов добија одлични оценки за начинот на кој го „судеа“ натпреварот за светската титула.

Николов и Начевски ќе судат на турнирот во Добој

Бошко Тасиќ — Sun, 23 Jul 2023 06:45:24 +0000

Покрај Еурофарм Пелистер, Македонија ќе биде претставена и од најдобрата судиска двојка Славе Николов и Ѓорѓи Начевски на ракометниот турнир во Добој. Најстариот ракометен турнир на Балканот оваа сезона ќе биде можеби најсилен досега. На турнирот ќе настапат каталонскиот гигант Барселона, поранешниот европски првак Монпелје, силниот Ал Ахли, како и шампионите од екс-ју земјите – Еурофарм Пелистер, Целје, Загреб и Војводина.

Начевски и Николов ќе ја делат правдата на дербито за титулата во Битола

Бошко Тасиќ — Tue, 02 May 2023 17:22:07 +0000

Викендов ракометна Македонија ќе го следи дербито кое ќе ја одлучи титулата во Суперлигата помеѓу Еурофарм Пелистер и Вардар. Иако вардарци убедливо славеа во првиот натпревар, потоа си дозволија пораз од Алкалоид, па така повторно се израмнети со битолчани и во „Боро Чурлевски“ в сабота во Битола ќе се игра директната пресметка за титулата во шампионатот, Ракометната федерација на Македонија ги потврди и официјалните лица за мечот. За разлика од првото „вечно дерби“ во Скопје, кое го судеше дуото Митревски-Тодоровски, сега на центарот ќе застанат најдобрите мак-судии, Славе Николов и Ѓорѓи Начевски. Дербито за титулата во Битола е на програмата в сабота во 19:00 часот.

Николов и Начевски дел од Азиската Лига на шампиони

Бошко Тасиќ — Mon, 17 Apr 2023 06:09:15 +0000

Македонските судии Славе Николов и Ѓорѓи Начевски повторно добија потврда за нивниот светски квалитет, и сега од страна на ИХФ се номинирани да бидат дел од Азиската Лига на шампионите. Нашите судии ќе бидат единствените „странци“ меѓу делителите на правдата на тој турнир. Тие натпревари се важни бидејќи се квалификации и за настап на Супер Глоуб, неофицијалното светско клупско првенство. Азиската Лига на шампиони ќе биде на почетокот на јуни, во Ешфахан во Иран. Азиската ракометна федерација побарала од Светската ракометна федерација (ИХФ) да им додели врвни судии кои ќе можат да ги судат важните дуели од нивната лига на шампионите.

Николов и Начевски ќе судат меч од осминафиналето на машката ракометна ЛШ

Бошко Тасиќ — Sat, 18 Mar 2023 08:08:06 +0000

Најдобрата судиска двојка, Славе Николов и Ѓорѓи Начевски доби ново делегирање од Европската ракометна федерација. Николов и Начевски ќе го судат првиот осминафинален натпревар од Лигата на шампионите меѓу полската Висла и францускиот Нант. Овој натпревар ќе се игра во градот Плоцк на 22 март со почеток во 20:45 часот, а делегат ќе биде Предраг Павичевиќ од Црна Гора. Во другите осминафинални двојки ќе се сретнат Алборг - ГОГ Гудме, Динамо Букурешт - Кил и ПИК Сегед-Веспрем.

Начевски и Николов ќе го судат финалето на СП 2023

Тале Кристо — Sun, 29 Jan 2023 09:56:17 +0000

Светската ракометна федерација (ИХФ) одлучи финалето на Мундијалот 2023 да го судат Ѓорѓи Начевски и Славе Николов. Така, ИХФ покажа дека македонската судиска двојка е меѓу најдобрите на светот. Начевски и Николов заслужено го добиваат финалето со оглед на тоа како ја делеа правдата на натпреварите на СП на кои беа делегирани, а некои од нив беа вистиснки дерби. Натпреварот за златото ќе се игра во Стокхолм вечер со почеток во 21 часот а во него ќе учествуваат Франција и Данска. Претходно, од 18 часот, дуел за третото место ќе имаат Шведска и Шпанија. Во натпревар за 5. место Германија се среќава со Норвешка (почеток 13 часот), додека за 7. место играат Египет и Унгарија (15:30 часот).

Начевски и Николов ќе судат уште едно големо дерби на СП

Бошко Тасиќ — Sun, 22 Jan 2023 09:48:03 +0000

Македонската судиска двојка доби нова задача на Светското првенство кое се одржува во Шведска и Полска. Ѓорѓи Начевски и Славе Николов ќе го судат дербито меѓу Франција и Шпанија. Ова е последен меч од главната рунда во рамките на групата 1. Двете селекции имаат по четири победи од стартот на Мундијалот и победникот ќе стартува од првото место во четвртфиналето. Мечот меѓу Франција и Шпанија се игра во „Таурон Арена“ во Краков од 21:00 часот

Трет меч за македонските судии Начевски и Николов на Светското ракометно првенство

Ристе Здравков — Fri, 20 Jan 2023 14:10:19 +0000

Најдобрата македонска судиска двојка Ѓорѓи Начевски и Славе Николов добија нова задача на Светското ракометно првенство кое се одржува во Полска и Шведска. Денеска од 20.30 часот нашите арбитри ќе ја делат правдата на натпреварот меѓу Шведска и Исланд кој ќе се игра во Гетеборг во Скандинавиум арената во рамките од главната фаза. Во групата „2“ Шведска води моментно со шест бодови, пред Исланд кој има четири, по три Португалија и Бразил, два има Унгарија, без бодови е селекцијата на Зеленортски острови. Швеѓаните и Исланѓаните стартуваа со триумф во вториот круг, играчите на Глен Солберг со нови бодови би го обезбедиле пласманот во четвртфиналето. Претходно во прелиминарната фаза Начевски и Николов на Мундијалот ги судеа мечевите Бахреин – Тунис (27:27) и Португалија – Унгарија (27:20).