Славен Билиќ – Kurir.mk

Славен Билиќ се сели во Саудиска Арабија

Бошко Тасиќ — Mon, 10 Jul 2023 04:46:28 +0000

Поранешниот селектор на хрватската фудбалска репрезентација Славен Билиќ е нов тренер на Саудиска Ал-Фатех. Билиќ веќе работеше во Саудиска Арабија, откако во сезоната 2018/19 беше на чело на Ал-Итихад, но доби отказ по дваесет натпревари, односно по само шест забележани победи. Во својата тренерска кариера работеше и во Хајдук од Сплит, Локомотив од Москва, Бешикташ, Вест Хем, Вест Бромвич Албион, Пекинг и Вотфорд. Хрватската репрезентација ја водеше од 2006 до 2012 година. Како играч одигра 44 натпревари во репрезентацијата и постигна три гола.

Славен Билиќ доби отказ од Вотфорд

Бошко Тасиќ — Wed, 08 Mar 2023 05:41:16 +0000

Славен Билиќ доби отказ од управата на Вотфорд. Хрватскиот тренер пред помалку од половина година дојде во англискиот второлигаш. Како главна причина за отказот се наведува заостатокот од четири бодови до шестото место на табелата, кое води во разигрувањата за пласман во елитниот фудбалски ранг, Премиер лигата. Вотфорд моментално е деветти во Чемпионшип, а новиот тренер се очекува да биде претставен до крајот на оваа недела.

Славен Билиќ се враќа на клупата на Хрватска?

Бошко Тасиќ — Sun, 20 Jun 2021 07:05:33 +0000

Хрватскиот селектор Златко Далиќ по заввршување на Европското првенство ќе си замине од клупата ма репрезентацијата и ќе го преземе истанбулскиот гигант Фенербахче.

Иако засега нема ништо официјално околу иднината на Далиќ, иако јавноста бара негово заминување после слабите настапи во изминативе година ипол и лошите два меча на Еуро 2020, многу поизгледно е дека ќе дојде до разделба на актуелниот селектор и федерацијата, иако актуелниот договор трае до крајот на Мундијалот во Катар наредната година. Сега, во ХНС веќе имаат замена, кој да го наследи Далиќ и тоа е легендарниот Славен Билиќ, кој веќе беше еднаш селектор на „коцкестите“, но сето ова засега се само шпекулации, зашто нема никаква потврда, а сѐ е оставено после завршување на континенталниот шампионат.

Славен Билиќ нов тренер на кинескиот прволигаш Пекинг Гуан

Магдалена Андонова — Wed, 06 Jan 2021 10:10:58 +0000

Хрватот Славен Билиќ е нов тренер на Пекинг Гуан, објави денеска кинескиот фудбалски прволигаш. Билиќ најде нов тренерски ангажман само три недели по отказот во премиерлигашот Вест Бромвич Албион. На тренерското место во екипата на Пекинг, хрватскиот стратег го замени Французинот Бруно Женесио, со кого прволигашот од кинеската престолнина не ја продолжи соработката. Пекинг минатата сезона заврши како третопласиран во кинеската Супер лига. Билиќ (52) е вториот хрватски тренер, кој зимава се пресели во Кина, откако претходно Иван Леко седна на клупата на Шангај Сипг. (МИА)

Билиќ доби црвен картон, неговиот ВБА загуби од Евертон

Ивона Петрова — Sat, 19 Sep 2020 14:50:57 +0000

Тренерот на Вест Бромвич Албион, Славен Билиќ е исклучен за време на полувремето на мечот од 2. коло во Премиер лигата против Евертон. После свирежот за паузата, главниот тренер на ВБА влезе во пресметка со главниот судија на средбата, Мајк Дин. Судијата му покажа црвен картон на специјалистот за неспортско однесување. Евертон го доби мечот со 5:2. За „карамелите“ ова беше втора победа, додека за ВБА втор пораз во новата сезона.