славески – Kurir.mk

Славески: ВМРО-ДПМНЕ ќе обезбеди помош од 200 евра за сите лица кои ги изгубиле своите работни места поради кризата

Тале Кристо — Tue, 30 Jun 2020 09:44:25 +0000

Денес ќе презентирам дел од преодната стратегија на ВМРО-ДПМНЕ за справување со здравствено-економската криза, кој се однесува на мерки поврзани со консолидирање на јавните финансии и финансиско консолидирање на земјата, како и мерки кои се однесуваат на финансиска поддршка за граѓаните кои на некој начин се погодени од кризата, истакна на денешната прес кон-конференција членот на ИК на ВМРО-ДПМНЕ Трајко Славески. Во продолжение интегрално целата прес-конференција на Славески: Во изминатите неколку месеци бевме сведоци на низок капацитет на Владата во менаџирањето со јавните финанасии за што говори податокот дека во првите 5 месеци од годината имаме буџетски дефицит од 307 милиони евра, од кој само во мај буџетскиот дефицит изнесува 110 милиони евра. Според проекциите на МФ годинава ќе ја завршиме со буџетски дефицит од 750 милиони евра што ќе го приближи јавниот долг на Република Македонија до 60% од БДП на земјата. Она што е позагрижувачки е тоа што најголем дел од овие трошења се за непродуктивни цели, а многу помалку за справување со кризата. Поради сето ова е потребна сериозна консолидација на јавните финансии што ВМРО-ДПМНЕ ќе ја направи веднаш по формирањето на новата Влада: - За таа цел ќе подготвиме итен ребаланс на буџетот со кој ќе се изврши целосно кратење на сите непродуктивни и неприоритетни трошоци кои не се во насока на справување со кризата и немаат дополнителна додадена вредност за економијата; - Ќе се подготвиме план за реализација на сите планирани капитални инвестиции за 2020 година со цел стимулирање на домашната економија преку поддршка на градежниот сектор и сродни на него сектори; - Дополнително, во буџетот за 2021 година ќе бидат планирани капитални инвестиции во износ поголем од 3,5% од БДП. Исто така, ќе се разгледа можноста за натамошно одложување на кредитните обврски за оние граѓани кои сè уште ги чувствуваат ефектите од кризата и евентуално олеснување на кредитните услови за нив. Државата ќе ја разгледа можноста за покривање на дел од трошоците за камата за најзагрозените граѓани до крајот на 2020 година. Дополнително, новата Влада на ВМРО-ДПМНЕ ќе обезбеди сериозна поддршка за сите граѓани кои на некој начин се погодени од оваа економска криза. Мерката која се однесува на еднократна парична помош за една ограничена категорија на граѓани преку платежни картички е проблематична од повеќе аспекти. Прво, временскиот момент за нејзино имплементирање непосредно пред избори го поставува прашањето за намерите – дали истата е креирана вистински да се помогне на нашите граѓани или да се манипулира предизборно со нив. Второ, таа е технички проблематична за што потврда се негативните реакции на голем број граѓани за нефункционалноста и неприменливоста на системот. Трето, дискутабилно е селектирањето и ограничувањето на потенцијалните корисници на еднократната помош. ВМРО-ДПМНЕ смета дека поддршката треба да биде многу посеопфатна, со оглед на фактот што речиси сите граѓани во Македонија се економски и финансиски погодени од кризата. За таа цел, мерката ќе биде проширена и поедноставена со цел поголем број граѓани да добијат парична помош од државата за полесно справување со кризата. Во таа насока, предвидуваме: - Обезбедување дополнителна еднократна парична помош во висина од 100 евра за сите вработени лица во државата чии примања не надминуваат 15.000 денари. - Обезбедување еднократна парична помош во висина од 150 евра за сите невработени лица кои не добиле помош со мерката за национални платежни картички. - Обезбедување еднократна парична помош во висина од 200 евра за сите лица кои ги изгубиле своите работни места поради кризата. Со овие мерки вистински ќе им помогнеме на нашите граѓани, но истовремено ќе им помогнеме на домашното стопанство и на туризмот со поттикнување на домашната потрошувачка, што, пак, ќе има дополнителни мултипликативни ефекти за националната економија. Дополнително, ќе обезбедиме помош и поддршка за граѓаните во форма на поволни (бескаматни) кредити и грантови за сопствениците на приватни куќи и станови за поставување нови енергетски ефикасни фасади, прозорци, изолација на покрив и под, со цел намалување на потрошувачката на енергија.

Славески: СДСМ создава неизвесност затоа што не може да одлучи дали е за прогресивен или рамен данок

Тале Кристо — Mon, 29 Jun 2020 19:40:35 +0000

Професорот Трајко Славески, член на ИК на ВМРО-ДПМНЕ на вечерашното гостување на дебатата на телевизија 24 се осврна на проектите од програмата со која ВМРО-ДПМНЕ настапува на овие предвремени парламентарни избори. „Она што е клучно во програмата на ВМРО-ДПМНЕ, Проект обнова, е што тука започнуваме со она „се обврзуваме“. Тоа е клучно, затоа ние се од напишаното во програмата имаме план да го реализираме. За периодот во меѓувреме ќе мора да се санираат последиците предизвикани од корона вирусот, и ние имаме преодна стратегија или како во 100 дена да ги решиме тие проблеми за да стартуваме со реализација на програмата. Во програмата има четири столба и започнуваме со ефикасна држава и силни институции тука се поволни услови за бизнис, јавните финансии, потоа втор столб, тука акцент е на конкурентен приватен сектор бидејќи преку 80 проценти од граѓаните тука заработуваат за својата живеачка. Трет столб е интегрирана, стабилна и безбедна држава, како и четврт но многу важен столб се подобри услови за живот на граѓаните и тука е здравство, образование, уметност, млади граѓански сектор и слично“, рече Славески. Тој посочи дека програмата на ВМРО-ДПМНЕ е одговор на новото време, ова е понуда на модел на раст. Професорот Славески се осврна и на тоа како компаниите не издржаа ниту на краток рок откога се појави корона кризата. „Се покажа дека не можат компаниите да издржат ниту месец - два ако не работат. Прва грешка која се направи беше тоа што немаше помош за март, а ние укажавме на тоа. По наши укажувања помошта продолжи и во јуни. Ние предвидуваме таа помош што им беше дадена на претпријатијата да не се враќа, а ќе биде неопходно помошта да продолжи и во летниот период или и во јули и август“, рече Славески. Професор Славески на дебатата се осврна и на даночниот систем, укажувајќи дека едно од правилата за дaночната политика е дека таа треба да биде предвидлива. „СДСМ заговара неизвесност, тоа ќе го прекине ВМРО-ДПМНЕ и ќе го врати рамниот данок. СДСМ воведе прогресивен данок, создадоа неизвесност, па го укинаа по девет месеци и сега повторно во програмата велат воведување, па ќе имало и дискусии. Кој може да и даде на една партија десет години да не може да се одлучи какви даноци треба да има во државата. Таквата политика создава неизвесност“, рече Славески.

Славески: Ребалансот на Буџетот е доказ дека економската ситуација не е приоритет на оваа влада, туку приоритет беше грабежот и делењето на тендери

Тале Кристо — Fri, 15 May 2020 17:55:51 +0000

Конечно владата предложи ребаланс на Буџетот на Република Македонија за 2020 година, како што разбравме од пресот кој што пред малку се одржа од страна на министерката за финансии Нина Ангеловска. Најпрво да кажеме дека овој ребаланс на буџетот доаѓа со задоцнување од најмалку месец и половина. На јавноста и е познато дека ВМРО-ДПМНЕ преку дополнителниот заменик министер за финансии Гордана Кочоска Димитриеска уште во март веднаш откако се увидоа првичните негативни ефекти од здравствената и економска криза предизвикани од корона вирусот предложи или укажа на потребата од прекројување на државната каса, истакна на денешната прес-конференција Трајко Славески од ВМРО-ДПМНЕ. Во продолжение интегрално ви ја пренесуваме целата изјава на Славески: Но, тоа како и многу други наши предлози не беше прифатено. Значи, сегашниот предлог доаѓа со големо задоцнување. Во меѓувреме владата продолжи со трошењето на буџетски средства како ништо да не се случува, претежно за тековни расходи од кои добар дел беа насочени за предизборен поткуп на гласачите. Значи продолжение на практиката од периодот од јануари – март 2020 година кое како што е познато се реализира буџетски дефицит во износ од 7,4 милијарди денари или 120 милиони евра што претставуваше 42,6 проценти од вкупниот планиран дефицит за 2020 година. Ова ба потрошени пари без ниту еден денар да се насочи кон поддршка на претпријатијата засегнати од кризата од кои голем дел престанаа со работа со воведувањето на вонредната состојба во земјава. Оттаму не треба да зачудува фрапантната цифра што ја изнесе министерот за финансии Ангеловска од планираните 750 милиони евра буџетски дефицит со овој ребаланс што претставува историски највисоко ниво на планиран буџетски дефицит во историјата на Република Македонија и со ова како што исто така беше потврдено на новинарско прашање од страна на министерката јавниот долг на Република Македонија се доближува или ќе се доближи ако се ова се реализира до критичното ниво од 60 проценти од БДП. Ова е нашата првична реакција по повод овој ребаланс на Буџетот, во нормални околности затоа што прекројувањето на државната каса е сериозна работа особено во услови на криза народните избраници во парламентот и од опозицијата и оние кои што ја претставуваат власта односно партиите на власт со денови дебатираат по собраниските комисии и на пленарна седница во македонското собрание предлагаат и дискутираат по амандмани со цел да се добие посоодветен предлог на ребаланс на буџетот. Ние ја немаме таа привилегија во овие околности и нашите информации до овој момент се единствено тие што ги изнесе на денешниот прес министерот за финансии Нина Ангеловска и оттаму нашата реакција ќе биде за основните контури на буџетот и некои од клучните мерки кои што беа спомнати особено оние за поттикнување на потрошувачката во Република Македонија. Имено може уште веднаш да се заклучи а тоа јавноста уште веднаш го детектира во таа насока беа и поставените новинарски прашања по пресот на министерот за финансии. Приходите во буџетот се преоптимистички планирани. Имено, кога гледаме и слушаме дека она што ние го укажавме уште на почетокот на март пред да дојде налетот на кризата дека може да дојде до колапс на приходите во буџетот особено даночните приходи. Значи, кога сето ова се случува планирање пад или подреализација или недоволна реализација на приходите во буџетот од само 11, 5 проценти, сметаме дека ова е преоптимистичко и нема шанса да се реализираат приходите со оваа динамика или обем со кој што владата планира, секако тоа може да има одраз и на буџетскиот дефицит. Она што по малку зачудува е што расходите на кои што своевремено кон крајот на минатата година кога беше предложен и донесен буџетот на Република Македонија за 2020 година јавноста реагираше дека беа планирани некаде околу или нешто испод 4 милијарди евра историски највисоко ниво, сега како што слушнавме дополнително овој износ се зголемува и прашање е дали е тоа зголемување оправдано. Факт е дека имаме зголемени трошоци за борба против пандемијата од корона вирусот, здравствени пред се за поддршка на здравствениот сектор, имам секако зголемени расходи за мерките кои што се преземаат за поддршка на претпријатијата но прашање е на оценка дали е тоа вистинскиот обем. Кај расходите повторно ќе се оградам во недостиг на подетални информации, она што може да се забележи е речиси останувањето на истиот износ планиран за плати и други надоместоци во текот на 2020 година, што значи дека владата нема намера да прекине договори кои што истекле на лица вработени во предизборието, партиски активисти за кои што се наменети значителни средства. Понатаму зошто толку мало намалување на средствата за плати и други надоместоци кога знаеме дека со владина уредба некои од надоместоците коишто се покрај платата на државни функционери на државни службеници, вработени во јавната администрација, меѓу коишто се и надоместоци за патни трошоци, дневни трошоци и тн. се сведени речиси на минимум во изминатиов период. Но она што најмногу зачудува е тоа што ставката стоки и услуги којашто редовно нели кога имаме можност за посериозна анализа на оваа ставка, значи ставката за стоки и услуги во овој период се намалува за само 1.5 % од она што беше предвидено. Секому е јасно и ќе си го постави тоа прашање зошто не се бараат заштеди токму во оваа ставка каде што влегуваат непродуктивни расходи, трошоци, а делумно имаме одговор затоа што сме реагирале на јавни набавки коишто се во тек и се за непродуктивни расходи, за потрошувачка на владата и министерствата. Зошто тука не се оди на заштеди, коишто би го намалиле буџетскиот дефицит како што е проектиран близу 7% од БДП, а со тоа и зголемувањето на задолжувањето за финасирањето на тој буџетски дефицит. Понатаму голем број на државни институции на пример во образованието тргнувајќи од предшколското згрижување на деца, градинките, средните училишта, универзитетите таму затоа што активностите се прекинати и ќе останат во догледно време прекинати, а не гледаме дека ќе има некои од вообичаените расходи за стоки и услуги, ова се однесува на другите органи државни институции. Значи овдека е пропуштена можност за да се направат сериозни кратења со цел да се намали буџетскиот дефицит да се намали потребата од задолжување и ние во наредниот период ова будно ќе го следиме. Од она што го слушнавме од пресот беа наведени низа мерки со префиксот Ковид коишто се насочени или намерата е да ја поттикнат потрошувачката во Република Македонија во периодот којшто следи, затоа што владата тргнува од претпоставка дека на тој начин ќе се одржува во живот добар дел од економијата посебно во оние засегнати сектори. Имено предвидени се некаде 18 милиони евра за невработени и приматели на социјална помош коишто би добиле извесна сума на средства, 9,000 денари како што беше и претходно спомнато од владата и претставници на СДСМ кои што би се внесувале на платежни картички ќе треба да се емитираат да се издадат, со кои што граѓаните кои ќе бидат корисници би ги трошеле за домашни стоки и услуги. Исто така значителна сума средства се предвидува за емитирање на ваучери кои би се доделиле на граѓани со понизок доход за користење во хотелско угостителски објекти во Република Македонија со цел поддршка на гранката туризам. Овде веднаш се поставуваат прашања, на пример како владата планира да обезбеди заштита од злоупотреба на дебитните картички? Дали постои можност за контрола дека средствата навистина ќе ги користат примателите на социјална помош и лицата со ниски приходи? Имено станува збор за потреба од многу прецизно планирање на мерката, што ќе одземе неколку месеци додека дојдат првите ефекти, но постојат сериозни ризици од злоупотреба средствата да не завршат кон оние кои се насочени. Како ќе се обезбеди предвидените 18 милиони евра за оваа намена да отидат токму за домашни производи и услуги? Многу е лесно да се стави нешто на хартија, но како тоа ќе се спроведе во практика. Кога велам дека е лесно нешто да се стави на хартија еве гледаме од извештаите за реализација на одредени мерки кои се досега преземени од владата, каде што има сериозни потфрлања во однос на очекувањата. Еве последното, денес дознавме, заклучно со вчерашниот ден за мерката поддршка за исплата на плати, во износ на минимална плата од 14.500 денари, беше најавувано дека таа ќе покрие 35.000 компании, разбравме дека има само 10.103 претпријатија од нив најголемиот дел релативно мали под 10 вработени и беше, најавувано дека ќе бидат помогнати на овој со начин со исплата на плати 250.000 работници. Владата намерно не држи во темнина, не го кажува точниот број на вработени, затоа што тој најверојатно тој е многу помал од оваа цифра очекувана од 250 илјади работници кога имаше сериозно потфрлање кај бројот на компаниите, па структурата релативно мали компании и така натаму. Така што, ова што се става на хартија најверојатно или тешко ќе се реализира или ќе се реализира со големи недостатоци во практиката. Понатаму кога станува збор за идејата да се емитираат некакви платежни картички, кои што ќе ги користат корисниците на овие дополнителни средства со кои требало да се зајакне потрошувачката за домашни производи, а се сомневам дека добар дел од овие средства ќе отидат за увозни производи затоа што свесни сме дека добар дел од нашата кошничка на стоки е од увозни производи. Значи, тие платежни картички би биле посебно обележани, ќе бидат сосема различни од оние кои секојдневно ги користиме во продавниците, во маркетите. И сега прашувам дали владата е свесна плаќајќи за стоки и услуги со овој посебен вид картички, корисниците не се на некој начин обележани со што се нарушува нивната приватност и се декларира нивниот социјален статус. Ова е препорака сериозно да се размисли за оваа мерка која не е добро обмислена. Понатаму, за ваучерите. Повеќе од сигурно е дека ќе се препродаваат, доколку нема сериозни инструменти за контрола. Лицата со ниски примања кога ќе добијат ваучери имаат други низа потреби пред да одат на годишен одмор во некој наш хотел. Затоа кај нив ќе постои силна мотивираност да ги продаваат ваучерите по дисконт на трети лица. Дали постои проценка за вкупни трошоци за администрирање на ваквите мерки? Ова е дополнително прашање. На крај, ребалансот на буџетот вака како што е сега предложен е доказ за неуспешните економски политики на актуелната влада кои што предизвикаа сериозни дисторзии во македонската економија и со големо задоцнување се најавуваат некои мерки кои во старт се проблематични во нивната реализација. Овој ребаланс е доказ дека економската ситуација не е приоритет на оваа влада, туку приоритет беше грабежот, делењето тендери и концесии на пријатели, роднини и партиски послушници. Ребалансот на буџетот е доказ дека за се што ВМРО-ДПМНЕ тврдеше изминатиов период, а највеќе за неспособноста на економскиот тим на владата. Кога предлагавме мерки, кога апелиравме навремено да се делува, суетата и незнаењето на СДСМ беше поважно од спасувањето на економијата. Затоа сега се соочуваме со предлог, со ризикување на отворање на уште поголема буџетска дупка, за која ќе ни треба години да ја надоместиме. Повторно гледаме пренамена на средства од капиталните инвестиции во пари кои треба да му послужат на Зоран Заев за предизборен поткуп.