Славиша Кајевски – Kurir.mk

СЕЌАВАЊЕ: Една година од смртта на актерот Славиша Кајевски

Ивона Петрова — Fri, 02 Dec 2022 07:02:34 +0000

Денеска се одбележува една година од смртта на младиот актер Славиша Кајевски, кој на 2 декември 2021 трагично го загуби животот. Кајевски е роден на 01 февруари 1982 година, во Скопје. Дипломира на Универзитетот „Св. Кирил и Методиј“, на Факултетот за драмски уметности, Скопје, на отсекот за актерска игра, во класата на проф. Владимир Милчин, во 2005 година. Од 2010 година е актер во Македонски народен театар – Скопје. Кајевски глумеше во повеќето претстави на МНТ што се играа изминативе десет години. На сцената беше Клег во „Бесачи“, Ленокс во „Макбет“, Семјон Семјеевич Медведенко во „Галеб“, Миле Прлиќ од „Ничија земја“, Императорот во „Авантурите на Аладин“, Еснафот во „Силјан штркот шанца“, Таткото во „Соларис“, Сергеј Александрович во „Животот е прекрасен“, „Тероризам“, Агамемнон и Еврипид во „Електра“, Таткото Тил во „Сината птица“, Озрик и Цар Едип во „Аферата Елсинор“, Готфрид Најцзекер во „Вечната куќа“, Грен во „Подемот и падот на кабарето“, „Декамерон“, „Животот е сон“, Јован и Анѓеле во „Парите се отепувачка“, Корубин во „Свадбата на Фигаро“, Тибалт во „Ромео и Џулиета“, „Бесови“, „Немој ти мене Фауст“, „Троил и Кресида“, „Суд“, „Лет во три глави“, Рака во „Госпоѓа Министерка“, Џими во „Вејка на ветрот“, Гласникот во „Мара/САД“, Маро Мароев во „Дундо Марое“, Морис во „Дракула“… Играше и Фантом во филмот „Хомо “, Енди Гомез во „Baaghi“, Сурла во филмот „Еј“, Пики во „Црвената соба“, Павел Киров во „Последните Македонци“, Гласот во „Скопје Ремиксд“, Малиот во „Ова не е американски филм“, Јане во „Некои поинакви приказни“, Павел во „Превртено“, Војникот во „Караула“, Момчето со маска во „Бал-кан-кан“.

Пројковски се прости од Кајевски: Спиејќи да кажеш крај му ставив на срцеболот од животот што ова тело ги наследило

Ивона Петрова — Thu, 02 Dec 2021 12:06:58 +0000

Зборови полни со неверување, со тага објавуваат голем број актери и јавни личности кои се простуваат од актерот Славиша Кајевски кој трагично почина на 39 години. -Да се биде или не прашање е сега; да издржиш пред стрелите на бесната судбина... Да заспиеш и ништо повеќе , спиејќи да кажеш - крај му ставив на срцеболот од животот што ова тело ги наследило... Нека ти е светол патот пријателе! Имаше во тебе многу љубов, пријателство, посветеност и огромна верба во театарот и професијата. Vita brevis, ars longa, пишува на Фејсбук поранешен директор на МНТ и режисер, Дејан Пројковски. Актерот ќе биде погребан утре во 12 часот на гробиштата во Ѓорче Петров.

Беше дел од нејзиниот спот: Елена Ристеска со емотивни зборови по смртта на актерот Славиша (ВИДЕО)

Ивана Ефремовски — Thu, 02 Dec 2021 11:54:30 +0000

Пејачката Елена Ристеска се прости од актерот Славиша Кајевски чија смрт ја шокираше македонската јавност. Инаку, актерот беше дел од видеот спотот на Елена за песната „Опасно време“ каде ја имаше улогата на нејзино момче. -Господе зошто овој човек?! Зошто уште еден предобар човек, млад живот и преталентиран актер?! Во шок и неверување сум!!! Во солзи.. не постојат зборови да ја опишат тагата… Славиша, напиша Елена и го сподели видео-спотот во кој учествува и Кајевски.

View this post on Instagram

A post shared by ELENA RISTESKA ERA (@elenaristeska_era)

Весна Петрушевска се прости од Славиша: Каков удар сине, одмори се

Ивона Петрова — Thu, 02 Dec 2021 10:06:16 +0000

Актерката Весна Петрушевска се огласи на социјалните мрежи по веста за трагичната смрт на актерот Славиша Кајевски (39). -Каков удар сине, монструозен и подмолен шок. За мене ќе бидеш мојот син Раде од Министерка, те сакам убавецу...одмори се и поздрави ги другарите, пишува Весна на Фејсбук. Кајевски беше актер во Македонскиот народен театар. Комеморацијата е утре во МНТ во 10 часот, а погребот е во 12 часот, во капелата Ѓорче Петров.

ТАЖНА ВЕСТ: Почина младиот актер Славиша Кајевски

Ивона Петрова — Thu, 02 Dec 2021 09:15:27 +0000

Македонскиот народен театар информира дека нивниот актер Славиша Кајевски трагично го загуби својот живот. Кајевски е роден на 01 февруари 1982 година во Скопје. Дипломира на Универзитетот „Св. Кирил и Методиј“, на Факултетот за драмски уметности, Скопје, на отсекот за актерска игра, во класата на проф. Владимир Милчин, во 2005 г. Од 2010 г. е актер во Македонски народен театар – Скопје. -Не’ остави збунети, во болка и во неверување! Не остави во длабока тага! Остана да замислуваме што уште можеше да направиш во животот, на театарската сцена и пред камерите! Ти секогаш ќе бидеш дел од срцето на театарот и никогаш нема да бидеш дел од некое минато време, туку дел од нас, овде и сега. За оние кои те познаваат, остана празнина во душата и на сцената на МНТ поради твојата сеприсутност на сцената и како верен колега, пријател и човек. Останавме без твојата безрезервна љубов и поддршка, твојата емотивност и грижливост за сите колеги зад сцената. Ти на оваа сцена беше Клег во „Бесачи“, Ленокс во „Макбет“, Семјон Семјеевич Медведенко во „Галеб“, Миле Прлиќ од „Ничија земја“, Императорот во „Авантурите на Аладин“, Еснафот во „Силјан штркот шанца“, Таткото во „Соларис“, Сергеј Александрович во „Животот е прекрасен“, „Тероризам“, Агамемнон и Еврипид во „Електра“, Таткото Тил во „Сината птица“, Озрик и Цар Едип во „Аферата Елсинор“, Готфрид Најцзекер во „Вечната куќа“, Грен во „Подемот и падот на кабарето“, „Декамерон“, „Животот е сон“, Јован и Анѓеле во „Парите се отепувачка“, Корубин во „Свадбата на Фигаро“, Тибалт во „Ромео и Џулиета“, „Бесови“, „Немој ти мене Фауст“, „Троил и Кресида“, „Суд“, „Лет во три глави“, Рака во „Госпоѓа Министерка“, Џими во „Вејка на ветрот“, Гласникот во „Мара/САД“, Маро Мароев во „Дундо Марое“, Морис во „Дракула“... Остана да те гледаме како Фантом во филмот „Хомо “, Енди Гомез во „Baaghi“, Сурла во филмот „Еј“, Пики во „Црвената соба“, Павел Киров во „Последните Македонци“, Гласот во „Скопје Ремиксд“, Малиот во „Ова не е американски филм“, Јане во „Некои поинакви приказни“, Павел во „Превртено“, Војникот во „Караула“, Момчето со маска во „Бал-кан-кан“ и друго, информираат од МНТ. Комеморацијата е утре, петок, 03.12.2021 година во 10:00 часот, а погребот е во 12:00 часот, во капелата Ѓорче Петров.