славје – Kurir.mk

ВИДЕО: Лудница во Севиља, се слави седмата титула во Лига Европа

Ивона Петрова — Fri, 02 Jun 2023 09:35:53 +0000

Десетици илјади навивачи на фудбалскиот клуб Севиља, предводени од градоначалникот Антонио Муњоз, излегоа вчера вечер на улиците на овој град на југот на Шпанија да го прослават освојувањето на трофејот во Лига Европа. Севиља во средата во финалето одиграно во Будимпешта ја совлада Рома по подобро изведување пенали и по рекорден седми пат триумфираа во второто по ранг европско клупско натпреварување. „Ви благодариме што ја исполнивте Севиља со радост“, рече Муњоз на приемот што за освојувачите на фудбалската Лига на Европа го организираше во градскиот совет. Претседателот на шпанскиот прволигаш Хозе Кастро рече дека во минатото морепловецот Кристофер Колумбо носел сребро од Америка во градското пристаниште во Севиља, а сега тоа го прават неговите фудбалери. „Ви благодарам на сите што ни помогнавте да го освоиме овој трофеј“, изјави пред насобраните навивачи тренерот на Севиља, Хозе Луис Мендилибар, кој седна на клупата на Севиља на средина од сезоната како привремено решение, а по големиот успех доби потврда од клупскиот претседател дека ќе ја предводи екипата и во следната сезона.

Меси: Не ми се допаѓа славјето против Холандија, но тоа е…

Ристе Здравков — Tue, 31 Jan 2023 09:54:53 +0000

Лео Меси за прв пат проговоре за медиумите по освојувањето на Светското првенство во Катар. Аргентинскиот великан во интервју за „TyC Sports“ говореше на повеќе теми како и за контроверзното славеје во четвртфиналето против Холандија. Меси кој го подели мислењето на јавноста со славјето пред клупата на Холандија вели дека не планирал такво славје, но моментот на страст реагирал на таков начин. „Не планирав да биде така, но тоа е. Знаев што збореа пред натпреварот, се што Ван Гал кажа за мене. Дури и соиграчите ми приоѓаа и ме прашуваа дали прочитав што кажал. Не ми се доаѓа како реагирав, јас не сакам такви работи. Меѓутоа тоа беше момент на голема напнатост, многу нервоза и единствено се случи. Човек реагира како ќе реагира, тоа е“, изјави Меси.

ФИФА почна постапка против Хрватска за славјето за третото место

Ристе Здравков — Sat, 14 Jan 2023 13:47:16 +0000

Меѓународната фудбалска федерација ФИФА покрена постапка против фудбалската федерација на Хрватска, за случувањата за време и после натпреварот за трето место на Мундијалот во Катар. „Асошијетед прес“ наведува дека ФИФА почнала процедура поради можни кршења на членовите 13 и 16 од дисциплинскиот кодекс кои се однесуваат на дискриминација, односно ред и сигурност на натпреварите. Наведено е дека спорна е прославата на Хрватите од едно кафуле во Загреб, каде што се гледа дека дефанзивецот Дејан Ловрен со соиграчот Марсело Брозовоиќ ја извикуваат паролата „За дом спремни“ и пеат шовинистички песни. Сепак, наведува листот, шансите за суспензија или казна се мали, со оглед дека станува збор за приватна прослава со што можно е федерацијата само да добие опомена.