следење – Kurir.mk

Тинејџерот кој го следеше приватниот авион на Маск, по Твитер забраната, се префрли на Тредс

Ристе Здравков — Wed, 12 Jul 2023 09:59:08 +0000

Долго време „на мета“ од страна на сопственикот на Твитер, профилот @elonmuskjet сега го следи приватниот авион на Илон Маск преку ривалната социјална мрежа Тредс, јавува „Гардијан“. Студентот чиј Твитер профил го мониторираше движењето на приватниот авион на Илон Маск, го префрли својот профил на Тредс – најновата социјална мрежа под капата на „Мета“. Вчера, во вторникот, Џек Свини, студент од Флорида и ентузијаст за авијација, ја објави својата прва објава под името @elonmusksjet, откако Твитер го отстрани неговиот профил минатиот декември.

Post by @elonmusksjet

View on Threads

„ИлонЏет пристигна на Тредс“, напиша Свини во објавата која оттогаш собра над 10.000 допаѓања и над 250 коментари. Веќе во наредната објава, студентот се обрати до Марк Зукенберг, сопственикот на Тредс велејќи „@zuck дали ќе ми дозволиш да останам?“ што треба да е суптилна навреда кон сопственикот на Твитер, Илон Маск, кој го отстрани профилот откако воведе нови правила за сите твитерџии, според кои споделувањето на нечија моментална локација е забрането. Пред да биде отстранет од Твитер, Свини стоеше раководеше се автоматски профил кој користејќи ги податоците од јавните веб-страни, ги следеше дестинациите на кои летаат приватните авиони на познатите, како Илон Маск, Џеф Безос, Бил Гејтс и Марк Зукерберг. Дополнително, по руската инвазија и војна во Украина, автоматскиот профил на Свини следеше дел и од патувањата на бројни руски олигарси. Одлуката на Маск да се отстрани профилот на Свини се случи многу брзо откако Маск вети дека нема да го направи тоа, велејќи „мојата посветеност кон слободата на говорот е толку голема, што нема да го отстранам профилот, иако тоа е директен ризик за мојата лична безбедност“. Но само малку подоцна, Маск се премисли. „Информациите на моменталните локации за било која личност ќе бидат отстранети, бидејќи се закана за физичката безбедност. Оваа одлука вклучува и објавување линкови до веб-страни кои споделуцаат информации за локацијата на личности во одреден момент“, напиша Маск, дополнувајќи дека ќе покрене тужба против Свини, поради „штета кон неговото семејство“.

Приватните детективи во Србија со полни раце работа – се лажете доколку мислите дека мажите ги изнајмуваат за да си ги следат жените!

Дарко Андоновски — Tue, 07 Mar 2023 16:19:25 +0000

Приватните детективи со полни раце работа во Србија. Србите изнајмуваат приватни детективи за да си ги следат љубовниците дали ги изневеруваат, во своите жените најверојатно имаат полна доверба. „Клиентите најчесто ни се јавуваат кога сакаат да ги проверат своите емотивни партнери. Она што е логично е да се проверуваат сопружниците, но се почесто мажите проверуваат дали и нивната љубовница е верна. Жените не се толку екстремни и досега само проверуваа дали сопругот ги изневерува. Доживуваме секакви работи на теренот, многу тешки и непријатни ситуации. Понекогаш кога не би се посомневале во таа жена или маж, се случува тие да се прељубниците“, вели за РИНУ приватен детектив од Чачак. Но, не се следат само емотивните, често на мета се и деловните партнери, но и децата. „Родителите сакаат да проверат дали нивните деца се дрогираат или се членови на некои секти. „Тоа е можеби најтрауматичното искуство за детективот кога треба да им каже на таткото и на мајката дека нивното дете е наркоман, но тоа им помага на родителите бидејќи потоа ги упатуваат на лекување, на клиники или манастири“, додава тој.

Израел ќе преземе мерки доколку НСО групата е одговорна за следење на новинари

Ивона Петрова — Tue, 20 Jul 2021 05:57:30 +0000

Израелското Министерство за одбрана синоќа соопшти дека ќе преземе „соодветни мерки“ во случај групата НСО да ги прекршила условите за дозволата за извоз, бидејќи меѓународната истрага покажа дека производите на оваа компанија за компјутерски надзор биле користени ширум светот за покривање на политички дисиденти и новинари, а некои биле и убиени. Според соопштението, Израел им дозволува на компаниите да извезуваат вакви производи „на владите за легални цели и со цел да спречат и истражат злосторства и да се борат против тероризмот“, под услов земјата што го купува софтверот тоа и да го почитува. Израелското министерство не соопшти дали ќе ги испита тврдењата објавени неделава во весниците „Вашингтон пост“, „Ле Монд“, „Цајт“, „Гардијан“, „Харетс“ и другите светски медиуми кои соработувале во истрагата за информациите за злоупотреба на овој израелски софтвер. Информации протекоа од над 50.000 мобилни телефони до чии бројки дојде непрофитната новинска организација со седиште во Париз -„ Забранети приказни“ (Forbidden Stories), како и Амнести Интернешнл. „Доколку се утврди дека (производите на групацијата НСО) биле користени спротивно на условите за (извозна) дозвола или изјавите на земјите купувачи, ќе преземеме соодветни мерки“, соопшти министерството, додавајќи дека државата Израел нема пристап до информации собрани од клиенти на компанијата. Во фокусот на вестите за групата НСО е програмата за шпионирање „Пегасус“, што ја користеле десетици влади, пренесуваат израелските медиуми. Програмата самостојно се инсталира на телефон, а корисниците не мора да ја активираат линк и на хакерите да им даваат комплетен пристап до целосната содржина на телефонот, како и можност незабележано да ги користат камерите и микрофоните од телефоните. Анализата на телефонските броеви покажува дека сопственици на телефони биле цел на владите на Азербејџан, Бахреин, Казахстан, Мексико, Мароко, Руанда, Саудиска Арабија, Индија и Обединетите Арапски Емирати. НСО одбива да открие кои земји го купиле софтверот и ги негира повеќето тврдења во извештаите, за кои тврди дека се лажни, и дека се работи за непотврдени теории кои ја доведуваат во прашање веродостојноста на изворите и основаноста на приказната, како што е наведено во пораката испратена до новинарите.

Нова платформа на Фејсбук за следење на американските претседателски избори

Магдалена Андонова — Thu, 13 Aug 2020 09:22:02 +0000

Компанијата Фејсбук лансира платформа „Изборен информативен центар“ со цел на американските гласачи да им овозможи без потешкотии да ги следат и учествуваат во предизборните активности пред претседателските избори во САД, што ќе се одржат во ноември. – Платформата ќе им овозможи на гласачите лесно да се поврзат со Фејсбук и со Инстаграм и лесно да дојдат до сигурни информации за работата на изборните единици, како и да ја избегнат изложеноста на лажни информации, соопшти Фејсбук. (МИА)

СЗО ги отфрли обвинувањата дека стратегијата за следење контакти е неефикасна

Тале Кристо — Tue, 30 Jun 2020 07:07:32 +0000

Генералниот директор на Светската здравствена организација (СЗО), Тедрос Аданом Гебрејесус ги отфрли обвинувањата од страна на некои земји дека стратегијата за следење на контактите на заразените со коронавирус е премногу тешка за спроведување и дека е неефикасна во контролата на пандемијата. СЗО повеќе пати ги советуваше земјите дека запирањето на епидемијата на Ковид-19 бара силна стратегија за следење контакти, интензивен процес за пронаоѓање луѓе кои биле во контакт со заразените и нивна изолација. Во последните месеци, земји со голем број заразени лица, вклучително и Велика Британија и Соединетите Американски Држави, посочија дека има премногу контакти за да се најде ефикасен систем што може да се воспостави. Британија се обврза да воспостави систем за следење контакти на почетокот од овој месец, но на крајот се откажа од дигиталната апликација што ја разви за таа цел, а политичарите признаа дека програмата сè уште не работи целосно и покрај тоа што се ангажирани илјадници работници. Во последните неколку недели, британските здравствени власти соопштија дека нивните трагачи за контакти не успеале да дојдат до четвртина од луѓето заразени со вирусот, оставајќи така илјадници заразени да ја пренесат инфекцијата. На прес-конференција, Гебрејесус го наведе директорот за вонредни состојби, д-р Мајкл Рајан, како пример на некој кој е подготвен да започне со долга потрага по контакти, посочувајќи го ангажманот на Рајан за време на епидемијата на ебола во дел од Конго каде вооружени групи напаѓале и убивале здравствени работници. – Тој веруваше дека треба да стори сé за да ја запре еболата и покажа дека спасувањето животи навистина го бара тоа ниво на посветеност, рече Гебрејесус. Тој истакна дека тврдењата на некои земји дека има премногу контакти за пребарување и дека самиот процес е претежок, не се прифатливи. Гебрејесус претходно ги пофали програмите за барање контакти што ги воведоа земји како Јужна Кореја, Сингапур и Кина, во кои беа вклучени тимови здравствени работници кои набљудуваа десетици илјади луѓе и се грижеа оние кои се изложени на вирусот да бидат изолирани. Тој рече дека денеска се навршуваат шест месеци откако Кина првпат го извести СЗО за невообичаени случаи на пневмонија, првиот знак на коронавирус. Оттогаш, повеќе од 10 милиони луѓе се заразени низ целиот свет, а повеќе од 500.000 починаа. СЗО наведе дека пандемијата се „забрзува“, посебно во Америка. – Суровата реалност е дека ова не е ниту приближно до крајот, рече генералниот директор на СЗО, додавајќи дека „најлошото допрва следи“.

Дваесет и три држави побарале технологија за следење од Епл

Тале Кристо — Thu, 21 May 2020 08:34:12 +0000

Властите на 23 држави во светот побарале пристап до технологија за следење контакти од компаниите Епл и Гугл. Двете компании соопштија дека неколку американски сојузни држави и 22 други земји побарале пристап до нивните технологии, но засега не се знае колку на крајот ќе објават мобилни апликации кои ги користат. Употребата на апликациите за брзо следење на контакти, во кои властите идентификуваат и тестираат луѓе кои неодамна биле во близина на носители на коронавирусот, се појави како потенцијална алатка за спречување нови епидемии. Тоа би можело да им помогне на властите да тестираат повеќе потенцијално заразени лица, отколку што може со евентуално сеќавање на пациентите за неодамнешните интеракции.

Дебар бара да се отвори пункт за тестирање и апарати за следење на состојбата на заразените

Тале Кристо — Fri, 27 Mar 2020 14:07:47 +0000

Се уште нема пункт за тестирање, а потребни се и апарати неопходни за следење на состојбата на заразените во Дебар – првото жариште на Ковид-19 во земјава. – Иако Владата најави отворање 14 пунктови за тестирање од коронавирус, во Дебар тоа сè уште не е направено. Покрај отворањето пункт за тестирање, од Владата бараме да бидат доставени повеќе апарати кои се неопходни за мониторирање на заразените лица со Ковид-19, изјави градоначалникот на Дебар Хекуран Дука, кој раководи и со општинскиот Оперативен штаб, на денешната редовна седница. Во врска со барањето за еден гинеколог, еден анестезиолог-реаниматор и четворица медицински техничари обучени за лекување лица од инфективни болести, Дука рече дека реализацијата е во тек. – Безбедносната состојба на територијата на нашето подрачје е мирна, нема регистрирани непочитувања на полицискот час. Препораките на Владата со превентивни мерки за спречување на ширење на коронавирусот во глобала се почитуваат. Сè уште има инцидентни случаи на групирања на граѓани во центарот на градот кои не ја почитуваат препораката за социјална дистанца, рече Дука. Соопшти дека денеска нема дијагностицирани на Ковид-19 во Дебар и во Центар Жупа. Досега вкупно се заразени 43 лица, од кои двајца се починати, а еден е излекуван. Тринаесет се на лекување во Клиниката за инфективни болести во Скопје и 28 на домашно лекување. Додаде дека вчера се направени 20 тестови во Дебар и Центар Жупа. Во домашна изолација се 210 лица. Во врска со затекнатите 114 лица, македонски и странски државјани, кои вчера попладне беа вратени од пунктот кај Бошков Мост (на патот кон Маврово) и кај ХЕ „Глобочица“ (кон Струга) рече дека се вратени бидејќи имале само потврда од епидемиолог дека не се болни, а не им било извршено тестирање. Во координација со надлежните служби, рече, очекува проблемот да биде надминат, но сите тие треба да бидат тестирани. Лицата за кои станува збор се повторно сместени во хотелските капацитети на Дебарски бањи-Цапа, во објектот во Бањиште, каде што беа во изминатите 14 дена, по прогласувањето на кризната сосотојба во Дебар и Центар Жупа, а беа затекнати во Дебар.