следна сезона – Kurir.mk

Следната сезона во Ла Лига ќе се игра пред гледачи

Тале Кристо — Thu, 24 Jun 2021 13:24:52 +0000

На гледачите ќе им биде дозволено да присуствуваат на натпреварите од шпанската Ла Лига следната сезона. Шпанската влада објави дека навивачите ќе можат да ги посетуваат стадионите од почетокот на новата сезона на шампионатот. Во моментов не е прецизирано дали на клубовите ќе им биде дозволено целосно или делумно да ги полнат стадионите. На крајот на минатата сезона во одредени региони на Шпанија, на ограничен број гледачи веќе им беше дозволено да присуствуваат на фудбалски натпревари.

УЕФА го објави распоредот на Лигата на шампионите за следната сезона, финалето ќе се одржи во Истанбул

Тале Кристо — Sat, 04 Jul 2020 15:48:20 +0000

Европската фудбалска асоцијација го објави распоредот за Лигата на шампионите во сезоната 2020/21. Ждрепката е одложена поради пандемијата на коронавирус, која не дозволи завршување на сезоната 2019/20 во предвидената временска рамка. Ново извлекување започнува на 20 октомври, кога ќе се играат натпреварите од првото коло од групната фаза (20 и 21 октомври). Второ коло на 27-28 октомври, трето на 3-4 ноември, четврто на 24-25 ноември, петто на 1-2 декември и последно (6. коло) на 8-9 декември. Плејоф-натпреварите ќе започнат на 16 февруари 2021 година. Првите четвртфинални натпревари ќе се одржат на 6 и 7 април, возвратните натпревари на 13 и 14 април. Полуфиналето е закажано за 27 и 28 април (први натпревари) и 4 и 5 мај (реваншите). Финалниот натпревар на турнирот ќе се одржи на 29 мај во Истанбул. И годинашното финале требаше да се одржи во турскиот град, но заради коронавирусот последните средби се преместени за во Португалија.

Милан суспендиран од учество во евро-куповите за следната сезона

Дарко Андоновски — Fri, 28 Jun 2019 12:00:20 +0000

Арбитражниот суд за спорт во Лозана (CAS) го одобри отстранувањето на Милан од учеството на европските натпреварувања во сезоната 2019/20. Италијанскиот тим нема да игра во Лигата на Европа поради повреда на финансискиот фер плеј (ФФП). Така, на местото на Милан во квалификациите за ЛЕ ќе го игра Торино, додека Рома ќе започне од групната фаза. Милан суспензијата ја доби заради прекршување на своите обврски за запазување на ФФП претходните три сезони. Мнатата сезона „росо-нерите“ ја завршија на 5. место во Серија А.

Познати пилотите на тимовите во Формула 1 за следната сезона

Дарко Андоновски — Mon, 03 Dec 2018 13:59:24 +0000

На официјалниот Твитер на Формула 1 објавени се возачите на тимовите за сезоната 2019. За титулата светски шампион во Ф1 ќе се борат 20 пилоти, а во конкуренција на конструктори 10 тима: Мерцедес: Луис Хамилтон и Валтери Ботас; Ферари: Шарл Леклерк и Себастијан Фетел; Ред Бул: Пјер Гасли и Макс Верстапен; Рено: Нико Хулкенберг и Даниел Рикиардо; Хаас: Роман Грожан и Кевин Магнусен; Мекларен: Карлос Саинс и Лендо Норис; Расинг Поинт: Серхио Перез и Ленс Строл; Заубер: Кими Раиконен и Антонио Џовинаци; Торо Росо: Даниел Квајт и Александар Албон; Вилијамс: Роберт Кубица и Џорџ Расел.

Кеита Балде следната сезона ќе настапува за Интер

Дарко Андоновски — Mon, 13 Aug 2018 18:49:58 +0000

Сенегалскиот фудбалер Кеита Балде следната сезона ќе настапува за Интер. Балде доаѓа на „Сан Сиро“ како позајмен играч од Монако, со опција за откупување на неговиот договор. Договорот за позајмицата е вреден шест милиони евра, а за дополнителни 42 милиони евра Интер на крајот на сезоната може да го откупи 23-годишниот фудбалер. Белде претходно настапуваше за Лацио, а минатата сезона ја помина во Монако, каде постигна осум гола на 23 натпревари. Тој настапи и за репрезентацијата на Сенегал на Светското првенство во Русија.