слетување – Kurir.mk

Драма на аеродромот „Никола Тесла“ во Белград, авион принудно слетал, еве ја причината

Ристе Здравков — Sun, 16 Oct 2022 11:01:55 +0000

Авион принудно слетал на белградскиот аеродром „Никола Тесла“, меѓу чии патници имало и десетгодишно дете, кое, е во несвест. Како што пренесуваат медиумите, на лице место бил згрижен од екипи на итната помош, како и од медицински персонал кој работи во амбулантата во Аеродром.

НАСА избра потенцијални локации за слетување на Месечината

Магдалена Андонова — Mon, 22 Aug 2022 11:06:50 +0000

Американската вселенска агенција НАСА избра 13 потенцијални локации за слетување на Месечината и воспоставување долгорочно присуство на површината на Месечината. Целта на НАСА е да ги врати астронаутите на Месечината до 2025 година, а потенцијалните зони за слетување се наоѓаат во близина на лунарниот јужен пол. - Изборот на овие региони значи дека сме еден огромен чекор поблиску до враќање на луѓето на Месечината за прв пат по мисиите Аполо, рече Марк Кирасич, еден од администраторите на програмата Артемис. Последен пат луѓето биле на површината на Месечината во 1972 година. Кирасич истакна дека мисијата од програмата „Артемис“ „ќе се разликува од сите претходни“, бидејќи астронаутите ќе се најдат во темните и претходно неистражени делови на Месечината и ќе ги постават темелите за идните „подолги престој“. Големината на секоја локација е 15 x 15 километри, а тие се наоѓаат на шест степени географска широчина од јужниот пол на Месечината и имаат различни геолошки карактеристики. Кога НАСА избираше зони за слетување, научниците и инженерите се потпираа на податоците собрани од Lunar Reconnaissance Orbiter, беспилотно вселенско летало што сега орбитира околу Месечината, и податоци собрани со децении. Регионите беа избрани земајќи ги предвид многу аспекти, вклучувајќи го времето на лансирање, шансите за безбедно слетување, наклонот на теренот, леснотијата на комуникација со Земјата и условите на осветлување. Сите 13 локации обезбедуваат континуирано осветлување во период од 6,5 дена, колку што е планираното времетраење на мисијата Артемида III на Месечината. Сончевата светлина е клучна за долгорочен престој на површината на Месечината бидејќи служи како извор на енергија и ги минимизира температурните флуктуации. НАСА планира да испрати астронаути на Месечината со помош на системот Starship развиен од SpaceX. Првата орбитална мисија на системот е планирана за оваа година.

ВИДЕО: На авион му откажа моторот, пилотот слета на автопат

Ивона Петрова — Thu, 14 Jul 2022 06:35:19 +0000

Пилот на мал авион, успеал да избегне сериозни последици, и сигурно да се приземји на прометен автопат во Северна Каролина. Ваквата реакција на пилотот следувала откако се јавиле проблеми со моторот на авионот. При слетувањето, како што се наведува, никој не е повреден. Авионот и автомобилите кои биле на автопатот не се оштетени.

The pilot of a small plane was able to safely land on a North Carolina highway earlier this month after the aircraft's engine lost power, avoiding cars and power lines. No one was injured, nor was the plane damaged. pic.twitter.com/uoDfhJ9aJK
— CBS News (@CBSNews) July 13, 2022

Опасно слетување во Сочи – доколку се плашите од летање со авион, од оваа глетка ќе ви се заврти во умот (ВИДЕО)

Дарко Андоновски — Tue, 18 Jan 2022 16:59:24 +0000

Авион не можеше да слета во Сочи и отиде да направи уште еден круг поради силниот ветар, а од вториот обид слета странично! На аеродромот во Сочи авион не можеше да слета првиот пат поради силниот ветар на бурата. Неуспешното слетување е забележано на видеоснимката објавена на инстаграм-профилот @sochi__today, посветен на животот на овој туристички град. На снимките објавени на интернет се гледа како авионот се доближува до земјата, но му пречат налетите на ветрот кои достигнуваат 30 метри во секунда. Откако речиси ја допира пистата, авионот повторно се крева и заминува да направи уште еден круг.

View this post on Instagram

A post shared by СОЧИ СЕГОДНЯ (@sochi__today)

Опасното слетување ги импресионираше корисниците на интернетот. „Вистински професионалци, за инает на ветриштата!“, „Да се направи уште еден круг е вистинската одлука во ваква ситуација“, „Ми запре здивот. Секоја чест на пилотите кои во неколку секунди успеаја да ја донесат вистинската одлука“, напишаа тие.

ВИДЕО: НАСА со нова објава, еве како роверот слета на Марс

Ивона Петрова — Tue, 23 Feb 2021 08:05:01 +0000

Американската Национална воздушно-вселенска агенција (НАСА) објави видео од слетувањето на своето робот-возило „Упорност“ на Марс. Тоа е прво од ваков вид, по што мисијата на Црвената Планета започна во четвртокот. Видеото кое трае нешто повеќе од три минути има сцени направени со неколку камери поставени на различни места на роверот, откако тој влезе во атмосферата на Марс… Но, ниту еден звук не можеше да се сними при „вртоглавото“ спуштање, како што објави НАСА. – Ова е првпат да можеме да снимаме спуштање на Марс. Ова е навистина фантастично, изјави Мајкл Ваткинс, директор на Лабораторијата за млазен погон, каде што е изграден роверот. Спуштањето на робот-возилото беше ризичен потфат, а местото каде што слета – кратерот Језеро, е најнесигурното кога било, каде што некое вселенско летало се обидело да слета. Роверот со шест тркала таму ќе мине најмалку две години во потрага по знаци и предзнаци на живот. Во седиментите на подрачјето што ќе го истражува роверот, научниците ќе бараат знаци на биолошка промена. Езерото е широко 45 километри и содржи разни видови карпи, вклучувајќи глина и седиментни карпи кои можеби да содржат органски молекули што може да доведат до развој на живи организми на Марс. „Упорност“ ќе ги спакува наодите во мали контејнери, а НАСА и Европската вселенска агенција – ЕСА имаат план тие цилиндри да ги вратат на Земјата до крајот на ова десетлетие. Кратерот Језеро на Марс го доби своето име поради сличноста на местото каде што реката Плива, во БиХ, се влева во Пливското Језеро.

ВИДЕО: Љубителите на авиони ќе нема да трепнат, на паничарите ќе им замрзне крвта- еве како изгледа слетување на скопскиот аеродром

Дарко Андоновски — Tue, 03 Mar 2020 20:51:04 +0000

Иако видеото е поставено во месец јули минатата година, многумина не ни претпоставуваат како изгледа слетување на авион на скопскиот аеродром и тоа ни повеќе ни помалку од пилотската кабина. Според информациите под видеото авионот слетал на скопскиот аеродром по четиричасовен лет од Белгија. Невообичаената видео снимка ги наежи љубителите на авионите, додека ги преплаши патниците кои имаат страв од авиони, уживајте.

Авион принудно слетал среде автопат во Хрватска – патниците излегле од него преплашени (ФОТО)

Дарко Андоновски — Sat, 17 Aug 2019 11:54:07 +0000

На автопатот Загреб-Ријека авион од типот „цесна 150 М“ слетал среде коловозна лента. Читателите на 24сата.хр кои во тој момент биле во автомобилот, го снимиле принудното слетување. Сите биле шокирани. „Почна да кружи по небото над нас, се спушти многу ниско, но и понатаму мислевме дека тоа е нормално, потоа сфативме дека тој навистина ќе слета. Малку се движеше по средина на патот додека со крилото не се заби во оградата и остана на лентата, а од авионот излегоа жена и маж преплаштени“, рекол читател за 24сата.хр кој ги снимил и видел.

Проблеми со слетувањата на аеродромот во Солун

Ивона Петрова — Thu, 03 Jan 2019 14:03:41 +0000

Поради ниска облачност утрово имаше проблеми со летовите на аеродромот „Македониа“ во Солун. Авионите кои требаше да слетаат на солунскиот аеродром беа пренасочени, два лета беа откажани, додека пак полетувањата се одвиваат без проблеми, јави дописничката на МИА од Атина. Четири летови беа пренасочени кон Кавала и еден кон Атина, додека пак летовите од Доха и Баден Баден до Солун беа откажани. МИА

ВИДЕО: Што се случува ако авион слета во пустина?

Ивона Петрова — Thu, 22 Nov 2018 17:11:49 +0000

Боинг 727-200 во сопственост на Сингапур ерлајнс е искористен во 2012 година за потребите на експериментално слетување на авион во пустина. Овој експеримент првично бил планиран да се изврши во Америка, но тамошните власти тоа не го дозволиле, па истиот се одржал во Мексико. Како што се наведува авионот полетал од аеродромот Генерал Рудолфо Санчез Табоада, а со него до еден момент управувал пилотот Џим Боб Солкум, професионален пилот кој го напуштил кокпитот и скокнал со падобран. Во тој момент контролата на леталото ја преземал Чим Шанл со помош на компјутер. Експериментот бил спроведен под строго контролирани услови, а според резултатите доколку дојде до принудно слетување, авионот би се распаднал, но голем дел од патниците имаат шанса да преживеат.

Четири чилеански авиони принудно слетаа поради лажни закани за поставена бомба

Ивона Петрова — Fri, 17 Aug 2018 06:00:22 +0000

Четири авиони принудно слетаа синоќа во Чиле и во Перу поради закани од поставена бомба, испратени до чилеанските авиациски власти. Два од авионите на „Латам ерлајнс“ и два од нискобуџетската чилеанска авиокомпанија „Скај“ принудно слетаа откако беа предупредени дека е поставена бомба. Авионите, патниците и багажот се прегледани, при што не е утврдено дека заканите биле лажни. МИА