Блажевски: Владата ги остави селата без основни услови за живот, за сега наводно да се посветува на туризмот преку квази проект – тажна е приказната за селата поради СДС

Ивана Ефремовски — Thu, 31 Aug 2023 10:11:59 +0000

Владата која секоја година ги крати средствата за туризам, владата која е инфраструктурен срам за Македонија и владата која ги избрка буквално сите од државата, сега наводно се посветува на туризмот, со квази проект со име - 50 села, 50 приказни. Да беше сериозна владата, ќе знаеше дека веќе нема кој да ги раскажува приказните, зошто со години со криминалот и корупцијата кои ги прават успеаја да избркаат илјадници семејства како од урбаните средини, така и од руралните, вели Слободан Блажевски, претседател на Комисија за туризам на ВМРО-ДПМНЕ. -Селата во Македонија се без основни услови за живот, како што е водата за пиење и хигиена. А до градовите не може да се стигне затоа што парите за инфраструктура завршуваат за тендери во 4 очи, а патиштата кои се почнати од претходно 6 години не можат да ги завршат. Во селата кои истава власт ги остави без патни поврзувања, без вода, без жители, амбуланти, училишта, без брендирани локални производи, без заштитено културно наследство, исчезнуваат обичаите и нема рурално живеење. Тоа е тажната приказна на македонските села во кои оваа власт ЌЕ донесеше живот, но наместо живот, сега им нуди ПРИКАЗНИ, вели тој. „Не 50! Имаме 5050 тажни приказни за уништените села како што е Трпејца кое власта го остави без прочистителна станица, како што е Танушевци со целосно уништени улици, како што се шарпланинските села во кои власта на своите блиски дозволува безмилосна сеча и узурпација. Грижата за државата завршува онаму каде што започнува интересот на власта. И ова не е приказна, туку чиста и болна вистина. Затоа потребни се промени“ - порача Блажевски.

Блажевски: Владата на СДС и ДУИ воопшто не се грижи за туризмот, се е сведено на еден сектор во министерство предводено од ДУИ

Катерина Бојаџиева — Fri, 09 Jun 2023 17:54:32 +0000

Слободан Блажевски, претседател на Комисијата за туризам на ВМРО-ДПМНЕ на денешната дебата на тема култура и туризам што се одржува во Охрид рече дека туризмот е една од основните гранки за развој на Македонија и полнење на Буџетот. „Сега туризмот се сведува на сектор во министерство и го води кадар на ДУИ“, рече Блажевски. Тој посочи дека целта на партијата е да се издигне на ниво на министерство. „Ние ќе направиме стратегија за 10 години, планираме да отвориме посебен инспекторат. Државниот пазарен инспекторат води нешто од ова, но не е тоа тоа, има малку надлежности во оваа област“, рече Блажевски. Блажевски посочи дека ќе се донесат и основните закони. „Во првите четири години откако ќе дојдеме на власт исто така планираме да почнеме од приливот на туризмот, или 5 проценти од приливот би значело околу 20 милиони евра за субвенции годишно според сегашните бројки, па да дојдеме до 10 проценти за субвенционирање. Ќе направиме промен ана категоризација на објектите, бидејќи барањата не се исти од пред десеттина година и сега“, кажа Блажевски.

Слободан Блажевски – Kurir.mk

Блажевски: Владата на СДС и ДУИ воопшто не се грижи за туризмот, се е сведено на еден сектор во министерство предводено од ДУИ