слободан милошевиќ – Kurir.mk

Месиќ: Србите го мразат Милошевиќ не затоа што предизвика војни, туку затоа што беше поразен во нив

Ивана Ефремовски — Sun, 13 Feb 2022 08:20:05 +0000

Поранешниот претседател на Република Хрватска, Стјепан Месиќ вели дека државите кои произлегоа од некогашна Југославија можеа да се осамостојат без војни и крвопролевања, но политиката на поранешниот српски претседател, Слободан Милошевиќ „беше таа која им предизвика трагедии на несрпските народи“ во регионот. Месиќ, кој престојува во официјална посета на Приштина, по вчерашната средбата со претседателот на Собранието на Косово, Глаук Коњуфца, изјави дека, како член на Претседателството на тогашна СФР Југославија во периодот пред распадот на таа држава имал големи судири со Милошевиќ, за кого вели дека е виновен за војните и трагедиите на просторите на поранешната заедничка држава. Според соопштението од кабинетот на Коњуфца, Месиќ изјавил дека во Србија „продолжуваат да го мразат Милошевиќ, но не затоа што ги предизвика сите крвави војни во регионот, туку затоа што во тие војни беше поразен“. -Југославија можеше да се распадне без војна, меѓутоа шовинистичката политика на Милошевиќ беше таа која им предизвика трагедии на несрпските народи на овие простори. Тој мислеше дека ќе го излаже светот за „српската правдина“, но се излажа себеси и ги излажа Србите. Србите продолжуват да го мразат Милошевиќ, но не затоа што ги предизвика сите крвави војни во регионот, туку затоа што во тие војни беше поразен, изјави Месиќ.

Министерот за правда на Милошевиќ бара одложување на изборите: Креаторот на законот кој го предлага СДСМ наместо со правото, се занимаваше со политиката

Ивана Ефремовски — Tue, 28 Jan 2020 15:02:32 +0000

Поранешниот министер за правда на Слободан Милошевиќ, Владо Камбовски кој е еден од креаторите на законот за Јавно обвинителство кој го предлага СДСМ ја злоупотреби Собраниската говорница на денешната комисиска расправа за политички говор, наместо со правни аргументи истиот да го одбрани. Тој отиде дотаму, па дури побара и одложување на изборите за да се донесе законот кој тој работел да се состави. Камбовски држеше предавање за тоа што барала меѓународната задница од Македонија и не се откажува од идејата за Специјално јавно обвинителство во нашата држава. -Целата меѓународна заедница бара тешките злоупотреби на власта, криминалот од висок профил, корупцијата итн. да бидат опсервирани од страна на специјални јавно обвинителски тела, специјални јавни обвинителства ги имаме низ целото наше опкружување, рече тој. Според него, државата не се грижи премногу за капацитетите на јавното обвинителство со кое раководи Јовески. -Без да го реформираме јавното обвинителство, без да го опремиме, без да го обучиме, без да го специјализираме, му дадовме огромна надлежност, му дадовме огормен товар кој што не можеше да го поднесе и како што гледаме и ден денес потклекнува. Јовески не спомена дека тоа работи со недостаток од 80 јавни обвинители за кој државата не се грижи многу да го пополни, што пак говори каков е односот кон јавното обвинителство, истакна тој.

Синот и ќерката на Милошевиќ не даваат мајка им да биде погребана покрај него- ова била нејзината последна желба

Предраг Кукиќ — Mon, 15 Apr 2019 09:46:55 +0000

Марко и Марија, синот и ќерката на Мирјана и Слободан Милошевиќ. не дозволуваат нивната мајка да биде погребана во Србија. Мирјана Марковиќ, сопруга на поранешниот претседател на Србија и Југославија, Слободан Милошевиќ, починала вчера во Москва, во болница каде се лекувала скоро еден месец. Времето и местото за погреб не се познати, но постои нодоумица каде ќе биде погребана - дали покрај сопругот до липата во Пожаревац, или во Москва каде ги поминала изминатите 16 години. Нејзината последна желба сепак била да биде погребана покрај нејзиниот сопруг.

Почина сопругата на Слободан Милошевиќ

Ивана Ефремовски — Sun, 14 Apr 2019 15:22:45 +0000

Како што јавуваат белградските медиуми, Мирјана Марковиќ, сопругата на некогашниот претседател на Србија и на СР Југославија, Слободан Милошевиќ, починала денеска во Русија, каде што живееше во последните 16 години. Според информациите кои ги објавија медиумите, имала четири операции во болница во Сочи. Апелацискиот суд во Белград неодамна ја укина пресудата со која Марковиќ е осудена на една година затвор поради злоупотреба на службената положба при доделување на државни станови. Судот наложи судењето да се повтори.

Цеца и Аца Лукас на црната листа, забранет влез во САД и за починатиот Милошевиќ

Ивана Ефремовски — Thu, 11 Jan 2018 18:32:59 +0000

САД ја објави црната листа на српски државјани на кои им е забранет влез во земјата. На неа се наоѓа фолк ѕвездата Цеца Ражнатовиќ поради нејзините врски со подземјето и бракот со Аркан. Забранет влез има и пејачот Аца Лукас поради “шурувањето“ со земунскиот клан. Традиционален непријател на САД е и радикалот Војислав Шешељ, како и бизнисменот Милорад Мишковиќ, а интересно е што на црната листа и натаму фигурира Слободан Милошевиќ кој почина уште во 2005 година.