слободан праљак – Kurir.mk

Решена мистеријата со самоубиството во хашката судница: Откриено како е внесен цијанидот за Слободан Праљак

Ивана Ефремовски — Sun, 21 Apr 2019 13:22:26 +0000

Поранешната портпаролка на Хашкиот трибунал, Флоренс Артман, проговорила за смртта на Слободан Праљак и открила кој го внесол отровот во судницата. -Се знае дека тоа го направила екипа која влегла да присуствува на судењето бидејќи Праљак не можел во притвор да има цијанид, и тоа фрла сомнение на неговиот адвокатски тим, или евентуално на некој од амбасадата. Во главно отровот го внесол некој што имал пристап до Прељак пред влегувањето во судницата, рекла Артман. Да потсетиме, Слободан Праљак, пензиониран генерал на хрватската војска, се убил поради пресудата на Трибуналот за воени злосторства. Тој испил цијанид, во судница на Трибуналот на 29-ти ноември 2017-та. Праљак оставил две проштални писма кои ги пронашле службеници на ОН и кои докажуваат дека генералот внимателно го испланирал убиството. Двете писма биле напишани на 27-ми ноември, два дена пред правосилната пресуда во предметот "Херцег-Босна". -Одлуката да се самоубијам во случај да бидам осуден ја донесов одамна - смирено, промислено, самосвесно, напишал Праљак во првото писмо, наменето за неговото семејство, а во другото се обратил до сопругата. -Кача,мислам дека писмото "За семејството" ќе мора да го обелодениш за да спречиш бескрајни лаги, лоша психологија и друго, напишал Праљак. Ника Пинтер, неговата адвокатка, порачала дека Праљак не направил ништо под влијание на моментални емоции, туку дека се, почнувајќи од одбраната на сопствениот живот, работел многу прецизно, одлучно и смирено. Холандското обвинителство не успеало да докаже како Праљак го добил цијанидот со кој се убил во судницата по изрекувањето на пресудата.

Писмата на Праљак се „штури, јасни и без патетика“- еве што пишува во нив

Катерина Бојаџиева — Thu, 01 Mar 2018 08:26:24 +0000

Истражителите на Обединети нации неодамна доставија две писма од Слободан Праљак, кој се уби во судница на Хашкиот трибунал. Тој напишал две писма на 27 ноември, две дена пред објавувањето на правосилната пресуда во предметот против Праљак и другите пред Трибуналот. Според хрватската „Нова ТВ“ писмата се „штури, јасни и без патетика“. Во првото писмо Праљак напишал дека „одлуката за прекин на животот во случај да биде прогласен за виновен ја донел одамна - смирено, промислено и самосвесно. Во второто писмо тој се обраќа до сопругата. - Каќа, мислам дека писмото до „семејството“ ќе мора да го објавиш, за да се спречат бескрајните шпекулации и лаги, напишал генерал Праљак. Праљак испи отров во хашката судница на 29 ноември минатата година откако Меѓународниот кривичен суд за поранешна Југославија ја потврди казната од 20 години затвор поради воени злосторства. Поради неговото самоубиство во живо покрената е истрага во Трибуналот. која треба да одговори на прашањето како Праљак го внел отровот во судница. Но, по завршување на истрагата утврдено е дека „немало пропусти“ од страна на судските стражари и оти не е прекршена процедурата на проверка при влезот на генералот во судница. Што значи дека се уште не е познато како Праљак го внел отровот во судница.

Хашкиот трибунал вели дека самоубиството на Праљак не можело да биде спречено

Дарко Андоновски — Mon, 01 Jan 2018 12:43:32 +0000

- Не беа откриени проусти во правната рамка и во начинот на кој се третирани притворениците. Никакви дополнителни безбедносни мерки немаше да гарантираат дека отровот ќе биде откриен, пишува во заклучоците на трибуналот. Праљак, генерал на босанските Хрвати во време на балканските војни, се самоуби непосредно по изрекувањето на казна затвор. Тој се уби со калиум цијанид, отров за кој трибуналот во Хаг вели дека е многу тешко да биде идентификуван бидејќи може да се прошверцува во затворот и како прашок и растворен во вода, а многу мало количество е доволно за да предизвика смрт. Судењето на Праљак и другите пет воени и политички водачи на босанските Хрвати беше последниот процес на Хашкиот трибунал.