слободен удар – Kurir.mk

Барселона две години нема постигнато гол од слободен удар, последен пат тоа го направи Меси

Тале Кристо — Tue, 02 May 2023 15:20:44 +0000

Барселона нема постигнато директен гол од слободен удар во последните две години, објави „АС“. Каталонците последен пат постигнаа гол од слободен удар на 2 мај 2021 година. Автор на постигнатиот гол беше аргентинскиот екс напаѓач на тимот Лионел Меси. Меси моментално игра за ПСЖ. Актуелниот договор на 35-годишниот играч со парижаните е со важност до летото 2023 година. Меси оваа сезона настапи на 37 натпревари во сите натпреварувања, постигнувајќи 20 гола и 19 асистенции.

После точно 20 години: Бекам првпат го слушна легендарниот коментар за неверојатниот гол на „Олд Трафорд“ (Видео)

Ристе Здравков — Thu, 07 Oct 2021 09:19:56 +0000

Дејвид Бекам долги години беше капитен на англиската репрезентација и главна ѕвезда во тимот на „Гордиот албион“, но дефинитивно, Бекси стана национален херој во квалификациите за Светското првенство во 2002-ра година, кога погоди во судиското продолжение во последниот меч со Грција. Англија обезбеди директен пласман на завршниот турнир поради магијата на Бекам во 93-та минута од средбата, кога успеа да испрати неодбранлив удар од слободен во мрежата на грчкиот голман. Ремек-делото на „Олд Трафорд“ денеска наполни точно 20 години, а Бекси ја долови неговата реакција за голот кој првпат го виде со легендарниот радио коментар на Алан Грин. – Пред точно 20 години на денешен ден, а јас првпат го слушам овој коментар….. Да ја претставуваш својата земја, да бидеш капитен на својата земја, да постигнеш гол за фановите и да го направиш тоа на „Олд Трафорд“……, – гласи емотивната порака на Бекси која експресно стана вирален хит. Инаку, со неговиот гол, Англија тогаш израмни на 2:2, а ремито беше доволно да заврши пред Германија во групата и директно да се пласира на мундијалот.

View this post on Instagram

A post shared by David Beckham (@davidbeckham)

Роналдо: Ми требаше гол од слободен удар за да ја зголемам самодовербата

Тале Кристо — Sat, 04 Jul 2020 19:57:09 +0000

Фудбалерот на Јувентус, Кристијано Роналдо ги сподели своите впечатоци по натпреварот од 30. коло на Серија А против Торино (4:1). Португалецот го постигна третиот погодок за својот тим во 61. минута од слободен удар. – Знаевме дека натпреварот ќе биде тежок, но победивме и создадовме притисок врз Лацио. Сега треба да гледаме напред и да го победиме Милан во следното коло. Мене ми требаше гол од слободен удар за да добијам на самодоверба. Не е важно дека јас и Дибала постигнавме гол. Најважна е победата и трите бода. Вистината е дека соработувам добро со Дибала како и со целиот тим, потенцира Роналдо. Јувентус е лидер на табелата со 75 бода од 30 натпревари, пред Лацио кој има 68 бода од 29 средби.

Голманот Еверсон постигна гол од слободен удар (видео)

Ристе Здравков — Thu, 06 Sep 2018 08:22:10 +0000

Чуварот на мрежата на Сеара, Еверсон Фелипе постигна прекрасен гол ноќеска во триумфот над Коринтианс со 2:1. Еверсон погоди од слободен удар во 19. минута. Голот на Еверсон може да има големо значење, бидејќи со него Сеара освои три важни бодови во битката за опстанок во бразилската Серија А.