Улицата во Тирана каде се наоѓа и руската амбасада го доби името „Слободна Украина“

Ристе Здравков — Mon, 07 Mar 2022 20:38:32 +0000

По предлог на градоначалникот Ерион Велиај, на попладневната вонредна седница, Советот на општина Тирана, доднесе одлука улица во албанската метропола да се именува „Слободна Украина“. Станува збор за дел од улицата во блокот каде што се наоѓаат амбасадите на Украина, на Русија, на Србија и на Косово. Велиај изјави дека солидарноста на Албанија со украинскиот народ е уште поголема поради искуството со војната во Косово. -Тоа е уште една симболика дека не можеме да стоиме со скрстени раце. Неслучајно на таа улица се наоѓаат и амбасадите на Русија, Србија и Косово. Важно е да се зборува со симболика. Но, треба да зборувате како што треба, треба да дејствувате правилно и да ги правите вистинските гестови за доброто на човекот. Тоа е симболичен знак на пријателство. На овој начин, прво јавно ја докажуваме нашата поддршка и второ, направивме хуман гест, рече меѓу другото Велиај. Додаде дека Република Албанија, во продолжение на својата политика на поддршка кон Украина, предложила заедничка резолуција со Соединетите Американски Држави за да се осуди рускиот напад врз Украина. Исто така, пред неколку дена премиерот Еди Рама во директен разговор со претседателот на Украина, Володимир Зеленски и ветил практична помош за народот на Украина. -Во оваа ситуација, како европска младинска престолнина, инспирирана од многу млади момчиња и девојки, но и полна со обични граѓани, решивме да не останеме рамнодушни. Затоа ги здруживме силите во солидарноста да собереме и испратиме што е можно поголема помош за Украинците. Веќе има 1.500 семејства кои искажаа подготвеност да примат бегалци. Тоа го докажавме и за време на војната во Косово, рече меѓу другото градоначалникот. Својето обраќање го заврши подвлекувајќи го фактот дека „нашата земја е оаза на надеж, можеби не на големо богатство но дефинитивно на дарежливост и големо срце“.

Албанија ќе го промени името на улицата каде што се наоѓа руската амбасада во Тирана во „Слободна Украина“

Тале Кристо — Mon, 07 Mar 2022 10:50:27 +0000

Албанија ќе го промени името на улицата во Тирана каде што се наоѓаат украинската и руската амбасада во „Слободна Украина“, со цел да им оддаде почит на украинскиот отпор, истакна вчера градоначалникот на албанскиот граг Ерион Велијај. Откако Русија изврши инвазија врз Украина, Албанија се придружи на европските земји во воведувањето на економски санкции и забрана за руските авиони за прелетување на нивниот воздушен простот. -Нашата генерација ќе ја одбележи оваа крвава руска агресија, а на херојскиот отпор ма Украина треба да се сеќаваме на нашите јавни места, рече Велијај за Ројтерс. Улицата и порано го носела името на Доника Кастриоти, поранешна сопруга на албанскиот национален херој Скендербег. Велијај рече дека новото име на улицата ќе биде потсетник за вработените во руската амбасада. „Русите ќе мора да работаат, живеат и доставуваат пошта на адресата Слободна Украина“. Русија, интервенцијата во Украина ја нарекува „Специјална операција“, и дека не е смислена за окупација, туку да ги униушти воените капацитети на јужниот сосед и да аги зароби оние кои ги смета за опасни националисти.

слободна украина – Kurir.mk

Улицата во Тирана каде се наоѓа и руската амбасада го доби името „Слободна Украина“

Албанија ќе го промени името на улицата каде што се наоѓа руската амбасада во Тирана во „Слободна Украина“