слоган – Kurir.mk

„Слоганот со кој излезе СДСМ е ист како на ВМРО-ДПМНЕ од пред десетина години“

Тале Кристо — Sun, 12 Jul 2020 21:24:22 +0000

„Кај СДСМ не видов емоција, која што ќе понуди надеж кај граѓаните. Да речат понудата е добра и буди емоција на надеж. Напротив буди емоција би рекол на одбивање, да не употребам потежок збор на гласање. Тоа е првата работа. А, втората работа е што се однесува до пораката е стварно не знам која порака би ја издвоил, бидејќи самиот слоган, самата кампањска порака „Можеме“ е украден слоган од кампањата на ВМРО-ДПМНЕ за локалните избори во 2009-тата година“, појасни лидерот на ВМРО-ДПМНЕ, Христијан Мицкоски при своето гостување на емисија на телевизија Алфа. Мицкоски додаде дека украдениот слоган на СДСМ е од ВМРО-ДПМНЕ кој гласеше „Заедно можеме повеќе“. „Тоа е класична како да кажам, класична кражба. Мислам кога станува збор за СДСМ, нема ништо нема да ме изненади. Но начинот на кој што тие се однесуваат во оваа кампања е истиот наратив, се обидуваат да прават реминисенција во минатото, а од друга страна зборуваат за иднината“, истакна Мицкоски.

Мисајловски: „Оставени сме сами на себе !!!“, Дали ова е слоганот што полека се наметнува во каква ситуација не носи власта и нивната суета?

Тале Кристо — Tue, 07 Apr 2020 12:09:51 +0000

После вчерашната изјава на кумановскиот градоначалник Максим Димитриевски за една национална телевизија, во која тој вели дека „Оставени сме сами на себе, со реакција излезе потпретседателот на ВМРО-ДПМНЕ Владо Мисајловски, повикувајќи ја власта дека време е за разум и заедничка работа, а не да бидеме сите оставени сами на себе. Во продолжение ви ја пренесуваме целата реакција на потпретседателот на ВМРО-ДПМНЕ Владо Мисајловски: Оставени сме сами на себе !!! Дали ова е слоганот што полека се наметнува во каква ситуација не носи власта и нивната суета? Со ваков однос од страна на власта во Куманово станува се појасно дека локалната власт е оставена на милост и немилост, докторите мака мачат да помогнат, а граѓаните сами ќе се борат за да го победат вирусот и пандемијата. Сведоци сме на гужви пред банките, народ насобран пред продавниците и аптеките и за тоа воопшто не се криви граѓаните, туку негрижата на власта кон народот и нивните лоши економски мерки што го остава секој поединец со празни чебови. Секој ден слушаме како угостителите се доведени до колапс, отпуштаат вработени бидејќи немаат друга алтернатива, занаетчиите апелираат дека ќе изумрат чаршиите, малите дуќанчиња незнаат дали ќе извадат средства за трошоци да покријат, фабриките полека се затвараат, а увозот и извозот ги снемува. Завршете ги сите итни јавни набавки за респиратори и за сите медицински потреби и нема да ве критикуваме за цената, бидејќи секој нареден изгубен ден ќе се качуваат цените во светот, а многу повеќе е вреден било кој човечки живот да го спасиме, отколку било која ваша цена постигната на вашите тендери. Дајте им на фирмите добри финансиски средства веднаш и верувајте, не само што работниците ќе ве поздрават, туку со овој чекор тие фирми ќе ја помогнат државата да се врати на добра патека. Време е за разум и заедничка работа, а не да бидеме сите оставени сами на себе. #ЗаЗаедничкаИднина?? #СедиДома

Левичарот Стево и слоганот го украде

Ивана Ефремовски — Sat, 23 Mar 2019 13:38:08 +0000

Стево Пендаровски, кандидат за претседател на СДСМ и владејачката коалиција, во кампања оди со слоганот „Заедно напред“.

Слоганот е копија од парламентарните избори во Велика Британија на Конзервативната партија на Тереза Меј и Демократската Партија на Хилари Клинтон, која по изгубените претседателски избори за претседател на САД најави дека ќе создаде ново движење наречено „Заедно напред“ што ќе пропагира политичка ангажираност и ќе се спротивставува на активностите на американскиот претседател Доналд Трамп.

Но, ако се земе во предвид дека овој слоган е веќе искористен во некои кампањи од страна на Хилари Клинтон и Тереза Меј, се појасно станува дека принципот на работа на СДСМ кој се базира на бледо копирање на начинот на работа од другите партии е се поочигледен, со што на дело се покажува безидејноста да создадат нешто реално и автентично за граѓаните на Република Македонија.

Но, ова не е прв таков пример, во 2016 година за време на предвремените парламентарни избори СДСМ и Зоран Заев го копираа слоганот „За живот во Македонија“ од српската партија Двери чиј слоган гласеше „За живот во Србија“.