слон – Kurir.mk

ВИДЕО: Слон преврте автомобил во Тајланд

Ивона Петрова — Fri, 10 Mar 2023 21:12:18 +0000

Необичен настан е снимен во заштитеното подрачје на засолништето за диви животни Као Анг Ру Наи во Тајланд. На видеото се гледа како слон се приближува до автомобил, по што почнува да го турка. Слонот ја искористил својата огромна сила за лесно да го преврти автомобилот. Очевидци го снимиле овој инцидент и ги повикале на помош надлежните од заштитеното подрачје. Потоа го оддалечиле слонот и му помогнале на возачот да излезе од возилото. Причината поради која слонот решил да го преврти автомобилот останува мистерија. Тамошните медиуми пишуваат дека можеби барало храна, но очевидец наведува дека животното се побунило затоа што возачот немал намера да го пушти да го помине патот. Слоновите лесно можат да убијат луѓе. Статистиката на индиското Министерство за шуми, животна средина и климатски промени покажува дека 3.310 луѓе биле убиени од слонови во земјата помеѓу 2014 и декември 2020 година.

Слон му приреди непријатна ситуација на новинар, по што видеото стана хит (ВИДЕО)

Ристе Здравков — Wed, 16 Nov 2022 18:58:59 +0000

Kенискиот новинар Алвин Каунда стана хит на социјалните мрежи, откако снимал телевизиски прилог во засолниште за слонови. Додека зборува го прекинува слонче кое со сурлата му го покрива лицето. Новинарот се обидува да продолжи, но сепак не може да се воздржи и почнува да се смее. Ова се случи во главниот град Најроби. Каунда говореше за важноста на таквите засолништа за слонови, посебно во услови на суша.

VIDEO: A baby elephant called Kindani tickles a Kenyan journalist working for local channel KBC with his trunk during a standup for a report at the Sheldrick Elephant Nursery in Nairobi pic.twitter.com/Uc3TufI2fU
— AFP News Agency (@AFP) November 16, 2022

Слончето кое си игра со балони од сапуница ги воодушеви социјалните мрежи (ВИДЕО)

Ристе Здравков — Fri, 26 Aug 2022 18:14:39 +0000

Зоолошката градина во американскиот град Форт Ворт неодамна на социјалните мрежи објавила симпатично видео од едно слонче кое си игра со балони од сапуница. Вработениот во зоолошката градина стои покрај оградата и го држи апаратот кој произведува балони, а веселото слонче се обидува да ги улови со сурлата или да ги изеде. Од зоолошката градина напишале дека слончето се вика Бразос и дека е старо само 10 месеци. Ова му е прва средба со балони од сапуница, а во играта го следела и неговата мајка, Блубонет. Видеото е објавено пред неколку дена, а досега го прегледале десетици илјади корисници кои биле воодушевени од преслаткото животно. „Ова е навистина прекрасно“, „Каква љубов“, „Го обожувам“, „Пресладок е“, пишувале луѓето во коментарите.

Just 🫧popping🫧 by! pic.twitter.com/xvCwazrEFm
— Fort Worth Zoo (@FortWorthZoo) August 18, 2022

Редок бел слон роден во Мјанмар

Ивона Петрова — Wed, 03 Aug 2022 10:39:30 +0000

Редок бел слон е роден во западен Мајнмар, јавуваат локалните медиуми. Малиот слон кој е роден минатиот месец, тежи 80 килограми и висок е околу 70 сантиметри. Објавена била и видео снимка на која се гледало како слончето ја следи својата мајка до реката, а потоа таа го храни. Global New Light пишува дека малиот слон има седум до осум карактеристики поврзани со ретките бели слонови, како на пример очи со боја на бисер и големи уши. Во главниот град на Мјанмар се наоѓаат во моментов шест бели слонови.

Убаво е во домот да имате фигура на слон, а еве каде треба да ја поставите

Ивана Ефремовски — Wed, 27 Jan 2021 10:31:33 +0000

Слон во близина на влезната врата привлекува среќа и сила за станарите, додека слонот во двор ја штити куќата од негативни влијанија. Фигурната на слон во спалната соба претставува љубов меѓу двајца и го чува бракот, додека фигурата мајка слон со своите малечки го чува односот меѓу родителите и децата. Паровите кои сакаат бебе треба да го стават слонот во спалната соба, но не заборавајте едно во детската соба за креативност и знаење. За да привлечете пари и успех во работата фигурата слон со жаба или мајмун на врвот ставете ја на северната страна од куќата. Слон со дигната сурла значи успех, а со спуштена долговечност.

ФОТО+ВИДЕО: Најосамениот слон на светот доби ново живеалиште во Камбоџа

Ивона Петрова — Tue, 01 Dec 2020 11:33:17 +0000

Каван, „најосамениот слон на светот“ откако години минуваше сам во пакистанска зоолошка градина, денеска беше пречекан во Камбоџа со радост од будистички монаси во Камбоџа, а потоа и испратен на патување во резерват за животни. Настанот е организиран од групата „4 шепи“ – со седиште во Виена. Како и сите други „патници“ на денешнинава, и слонот мораше да се тестира за Ковид-19 пред авионскиот лет. По качувањето, Каван при седумчасовното патување доби и 200 килограми „грицки“. – Слонот не беше под стрес за време на летот, јадеше, па дури и поспа додека стоеше во неговиот кафез, рече Амир Калил, ветеринар кој го придружуваше животното на летот. Со помош на Халил, Каван изгуби 1.000 килограми во последниве три месеци. Животното е старо 36 години. Каван е всушност подарок од Шри Ланка за Пакистан, дарен во 1985 година. Тој живееше во Зоолошката градина во Исламабад со неговата партнерка Сахели, која почина 2012 година. Зоолошката потоа, последниве години падна во тешка криза, а условите станаа толку ужасни што судот во пакистанскиот главен град нареди Зоолошката да се затвори во август. Состојбата на слонот го привлече светското внимание, вклучително и интересот на американската пејачка и глумица Шер, која учествуваше во неговото спасување и беше во Камбоџа поради доаѓањето на Каван. Според здружението, многу малку возрасни слонови претходно биле преместени со авион, па затоа подготовките за ова биле тешки. Откако ќе се навикне во новата природна, но сепак – контролирана средина, Каван ќе биде пуштен во засолниште за диви животни во северна Камбоџа, каде што околу 600 азиски слонови живеат „во мир и тишина“, соопштија тамошните власти.

Од оваа приказна можете многу да научите: Ако не сте успеале во минатото…

Ивана Ефремовски — Tue, 13 Oct 2020 07:50:58 +0000

Еден човек поминувал покрај слонови и одеднаш застанал, збунет од фактот дека овие огромни суштества се чувани со само едно мало јаже заврзано на нивната предна нога. Тие немале ниту синџири, ниту кафези. Беше очигледно дека доколку сакале, тие би можеле во кое било време да се ослободат од своите окови, но поради некоја причина не го правеле тоа. Тој во близина го забележал нивниот тренер и му пристапил со прашањето зошто овие животни воопшто не се ни трудат да избегаат. „Па“, почнал да зборува тој. „Кога беа многу млади и многу помали од сега, ги користевме истите јажиња за да ги врземе и на тие години беа доволни за да ги задржат. Како што растеа, така тие сè повеќе веруваа дека не можат да избегаат. Затоа сега, како возрасни, воопшто не се ни обидуваат да го направат тоа.“ Човекот останал без зборови. Овие животни би можеле во кое било време да се ослободат од своите јажиња, но не го прават тоа бидејќи веруваат дека не можат и дека се заглавени онаму каде што се. Исто како животните, колкумина од вас поминуваат низ животот држејќи се за верувањето дека не можете да направите нешто само затоа што не сте успеале во минатото?

Се израдува како мало дете: Прекрасна реакција на слон кога го виде својот пензиониран неговател (ВИДЕО)

Ивана Ефремовски — Sun, 06 Sep 2020 09:28:57 +0000

Слоницата Али во зоолошката градина во тајванскиот град Каосиунг, не можеше да ја сокрие својата среќа кога повторно го виде својот старател, кој се пензионираше во 2018 година. Али пристигнала во зоолошката градина кога имала само пет години и уште тогаш го запознала својот негувател. Поради нивната посебна врска, луѓето негувателот го нарекувале таткото на Чеунг Али. Тој работел таму од 1979 година, а се пензионирал пред две години, а Али доби нов старател. Откако не се виделе две години, Чеунг решил повторно да го посети својот пријател и на нејзината среќа и немаше крај.

Евакуирана скопската зоолошка – слон турнал столб за електрична енергија

Дарко Андоновски — Sat, 25 Jul 2020 11:39:57 +0000

Денеска во зоолошката градина се случил инцидент откако еден од слоновите удрил во столб, предизвикувајќи прекин на струјата. Веднаш реагирало обезбедувањето и посетителите биле безбедно евакуирани. Репортерот на ТВ21 јавува дека сè се случило многу брзо и за 5 минути сите биле надвор од зоолошкаде и тргнале кон дома, откако им било кажано дека не е познато кога можат да се поправи ситуацијата. Од Зоолошката градина велат дека немало целосни прекини на електрична енергија, дека слонот само го турнал столбот, а дел од градината останала без електрична енергија. Посетата во Зоолошката градина продолжува, а прекинот траел само 15 минути.

Човек удри слон со стап, па трчаше преплашен од реакцијата на животното (ВИДЕО)

Ивана Ефремовски — Thu, 02 Jan 2020 21:08:50 +0000

Селаните ги воочиле слоновите на нивните полиња како им ги јадат посевите па одлучиле да ги избркаат. Еден од нив зел стап и почнал да го удира слонот. Но, наместо да го избрка како што планирал, слонот се завртел и почнал да трча по него. -Очевидецот раскажал дека мажот бегал од слонот сè додека случајно не скокнал во некоја дупка и ползејќи избегал од лутото животно, пишуваат од „Daily Mail“. Експерт за диви животни, Субхенд Малик, рекол дека луѓето не треба да им се приближуваат на слоновите затоа што често не се свесни за нивната брзина и ги потценуваат мислејќи дека поради нивната тежина тие споро се движат, но всушносст не е така.