слоници – Kurir.mk

Слониците Дуња и Даела ќе бидат во карантин пред да се сретнат со посетителите во Зоо Скопје

Катерина Бојаџиева — Wed, 26 Sep 2018 14:37:43 +0000

Се` е подготвено за дочек на новите слоници во скопската Зоолошка градинка. Од Зоолошката градина известуваат дека слониците неколку дена ќе престојуваат во карантин во нивното живеалиште, пред да се сретнат со посетителите. Таму тие ќе бидат под постојан надзор на нивните негуватели кои ќе спијат со нив, со цел слониците да се навикнат на новото живеалиште. Овие критериуми се поставени од ЕАЗА (Европска асоцијација на зоолошки и аквариуми). Официјално посетителите ќе можат да се запознаат со слониците во сабота. Инаку, ззиската слоница Дуња, е најголемата од нејзиниот вид во Европа и заедно со африканската слоница Даела доаѓаат во Македонија од Белгија. Прва слоница жителка на Скопје Зоо, била слоницата Цица која во Скопје живеела од 1963- 1970 год. Втората слоница која живеела во скопската Зоолошка е Анка, која починала во длабока старост во 1992 година.

Конечно: Слониците Дуња и Даела на 29 септември доаѓаат во Зоо Скопје

Ивона Петрова — Fri, 07 Sep 2018 12:26:52 +0000

Зоолошка градина Скопје информира дека двете слоници конечно пристигнуваат кај нас. Зоо Скопје за првпат после 26 години станува дом на слонови. -На 29-ти септември им посакуваме ДОБРЕДОЈДЕ на слониците Дуња и Даела кои ќе ни раскажат една емотивна приказна и ќе ги освојат срцата на сите посетители на Зоолошка градина Скопје, велат од Зоо Скопје. Азиската слоница Дуња, е најголемата од нејзиниот вид во Европа и заедно со африканската слоница Даела доаѓаат во Македонија од Белгија. Прва слоница жителка на Скопје Зоо, била слоницата Цица која во Скопје живеела од 1963- 1970 год. Втората слоница која живеела во скопската Зоолошка е Анка, која починала во длабока старост во 1992 година.

Одложено доаѓањето на двете слоници во Зоо Скопје

Ивона Петрова — Tue, 14 Aug 2018 09:30:25 +0000

-Поради екстремно високите температури, доаѓањето на двете слоници е одложено. Топлиот бран кој ја зафати Европа не е погоден за транспорт на Дуња и Даела. Нивното здравје е најважно, а штом се стаблизираат временските услови и се создадат услови, слониците ќе пристигнат во Скопје, објави Зоо Скопје на Фејсбук.