словачка влада – Kurir.mk

Падна словачката влада за скандал со набавка на вакцини, но Заев и Филипче се уште не се даваат

Магдалена Андонова — Thu, 01 Apr 2021 10:34:14 +0000

Деновиве по медиуми излезе вест во јавноста дека словачкиот премиер Игор Матович и целата негова Влада поднесоа оставки со цел да ја ублажат политичката криза предизвикана откако се откри дека тајно набавиле вакцини против КОВИД-19 од рускиот производител. Со оваа вест во македонската јавност произлезе прашање дали министерот за здравство Венко Филипче и Владата ќе го следат тој чекор и тие исто ќе постапат, бидејќи нивната неспособност има влијание врз здравствениот систем во државата но и се одразува по животите на македонските граѓани. Скандал со набавка на кинески вакцини, барање на провизии за набавување на истите преку фантом фирми, неспособност да се набават вакцини против КОВИД-19 со што македонските граѓани отидоа во соседството за да се вакцинираат, полни болници, немање доволно кревети, тоа е низа од скандалите со кои што македонското здравство се соочува, но министерот за здравство Венко Филипче од крајот од денот во изјава за медиуми само ќе каже - „Состојбата во Македонија е под контрола“. Но, во Европа тоа така не е, Словачка е првата европска влада која паѓа поради пандемијата. Коалициските партнери на Матович ќе останат како дел од владата, за да се избегне организирање на нови предвремени парламентарни избори. Претседателката на земјата, Зузана Чапутова ги прифати оставките и мандат за формирање на нова влада му даде на досегашниот министер за финансии, Едуард Хегер. До политичката криза во словачката влада дојде откако на почетокот на март беше обелоденето дека преку таен договор владата договорила да набави 2 милиони дози од руската вакцина „Спутник В“. За овој договор не биле известени коалиционите партнери на Матович, па под нивни притисок тој прифати да даде оставка од премиерското столче. Оставка и одговорност од министерот за здравство Венко Филипче и премиерот Зоран Заев бара и опозициската партија ВМРО-ДПМНЕ. - Сликата на македонското здравство е поразителна. Според проценките околу 10 илјади граѓани заминаа за соседна Србија за вакцинирање. Луѓе кои цел свој живот плаќаат здравствено осигурување, сега беа приморани да бараат спас во друга држава.Вакцините кои стигнаа во Македонија се само една капка во морето. За кого попрво тие вакцини? Се уште не се имунизирани здравствени работници, доктори, сестри, болничари, лаборанти, фармацевти, стоматолози и луѓе кои работат во здравството. Вакцини чекаат и повозрасните граѓани, чекаат и хронично болните. Ваквата катастрофална состојба во здравството е резултат единствено на неспособноста на Филипче и Заев кои наместо грижа за граѓаните и организирање на системот си се возат безгрижно со мотори, уште и бесрамно си се сликаат, вели Марија Андоновска, член на ИК на ВМРО-ДПМНЕ на прес конференција одржана на 29.03.2021.

Падна владата на Словачка поради скандал со вакцините

Дарко Андоновски — Wed, 31 Mar 2021 07:14:39 +0000

Владата на премиерот на Словачка Игор Матович денеска поднесе оставка со цел да ја ублажат политичката криза предизвикана откако се откри дека тајно набавиле вакцини против ковид-19 од рускиот производител. Тоа е првата европска влада која паѓа поради пандемијата. Коалициските партнери на Матович ќе останат како дел од владата, за да се избегне организирање на нови предвремени парламентарни избори. До политичката криза во словачката влада дојде откако на почетокот на март беше обелоденето дека преку таен договор владата договорила да набави 2 милиони дози од руската вакцина „Спутник В“. За овој договор не биле известени коалиционите партнери на Матович, па под нивни притисок тој прифати да даде оставка од премиерското столче. Словачка е сериозно погодена од пандемијата на коронавирусот. Досега се регистрирани над 359 илјади случаи на ковид-19, од кои 9 624 починаа. Во моментов имаа околу 95 илјади активни случаи.

Словачката Влада одлучи да се затворат училиштата и повеќето продавници

Магдалена Андонова — Wed, 09 Dec 2020 19:29:23 +0000

Словачката Влада нареди да се затворат училиштата и повеќето продавници во следните три недели, бидејќи бројот на новозаразени со коронавирусот продолжува да расте, изјави денеска словачкиот министер за здравство Марек Крајчи. Покрај тоа, од 11 декември ќе биде забрането седење во кафулиња и ресторани, дури и на отворени тераси, но доставувањето храна ќе биде дозволено. Од 14 декември во Словачка ќе биде задолжителен негативен тест за Ковид-19 за сите гости на хотелите и ски-лифтовите во скијачките центри, а од 28 декември ќе се наложи редовно тестирање во сите поголеми словачки компании. (МИА)