словенец – Kurir.mk

Словенец се вакцинирал дури 23 пати против коронавирус

Тале Кристо — Thu, 23 Sep 2021 08:23:48 +0000

Словенечките медиуми вчера објавија афера во врска со вакцинацијата против коронавирус, затоа што наводно поединци наплаќале да се вакцинират во туѓо име. Станува збор, за бездомници или лица со послаба материјална состојба, притоа на тој начин обезбедувајќи за себе еден вид на егзистенција. Словенечкиот портал Дело.си објави дека на Клиниката за заразни болести во Љубљана, зависник од хероин се вакцинирал дури 23 пати во име на други лица кои што не сакале да се вакцинират, но на овој начин се обезбедиле со документ за вакцинација. Момче кое што било вакцинирано четири пати, тврди дека во Словенија потрагата по лица кои ќе се вакцинират во туѓо име постои уште од мај месец. Како што пишува порталот Дело, ваквиот пропуст фрла сомнеж на начинот на кој се врши проверката на личноста која се вакцинира. Надлежните во словенија се уште не се огласиле за ваквите наоди во медиумите, а се очекува приказната да добие продолжение во следните денови.

Македонец и Словенец под истрага за трговија со дрога во Тетово

Тале Кристо — Sat, 07 Aug 2021 11:25:29 +0000

Основното јавно обвинителство Тетово донесе Наредба за спроведување истражна постапка против еден македонски и еден словенечки државјанин за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. Осомничените, на 5 август, во автомобил со тетовски регистарски ознаки пренесувале наркотична дрога – 100,49 грама кокаин и 3,2 грама хашиш. Дрогата ја пронашле полициски службеници кои го запреле автомобилот на наплатната станица Желино. За двајцата осомничени надлежниот јавен обвинител достави предлог за определување мерка притвор заради можноста да се дадат во бегство, да влијаат врз сведоци или да го повторат делото. Судијата на претходна постапка го прифати предлогот и на осомничените им определи притвор во траење од 30 дена.

Словенец агресивно се однесувал со македонски полицајци па бил уапсен

Дарко Андоновски — Mon, 24 Feb 2020 14:19:36 +0000

На 23.02.2020 околу 19.00 часот на Граничен премин „Меѓународен Аеродром Скопје“, полициски службеници го лишиле од слобода Д.Ѓ.(37) од Словенија затоа што се однесувал агресивно и навредувал полициски службеници кои вршеле службени дејствија. Тој бил задржано во Полициското одделение Петровец и по целосно документирање на случајот против него ќе биде поднесен соодветен поднесок.

Словенецот Примож Роглич победи на 19-та етапа на „Тур де Франс“

Дарко Андоновски — Fri, 27 Jul 2018 17:34:29 +0000

Словенечкиот велосипедист Примож Роглич од тимот Лото НЛ-Џамбо победи на 19-та етапа од трката „Тур де Франс“, која се возеше од Лурд до Ларанс со должина од 200 километри. Втор етапата ја заврши водечкиот во генералниот пласман Британецот, Герајнт Томас од тимот Скај, а на третата позиција заврши францускиот велосипедист Ромен Барде од тимот АГ2Р-Ла Мондијал. Бранителот на титулата британскиот велосипедист Кристофер Фрум од Скај етапата ја заврши на осмото место. Во генералниот пласман на првата позиција е Герајнт Томас од Скај, втор е холандскиот велосипедист Том Димулан од тимот Сунвеб, а Фрум е третопласиран. Следната етапа во должина од 31 километар се вози утре, а трката завршува во недела.

Словенецот Иличиќ на чекор од Интер

Дарко Андоновски — Wed, 16 May 2018 14:38:58 +0000

Тимот на Интер е блиску до финализирање на договорот за привлекување на офанзивниот играч од средниот ред Аталанта - Јосип Иличиќ. За да го остварат трансферот, „нероазурите“ ќе се разделат со двајца фудбалери од Примавера, тврди „Премиум Спорт“. Иличиќ ќе помине медицинските прегледи во Интер следната недела, кога сезоната во Серија А ќе заврши. Словенечкиот репрезентативец се приклучи на Аталанта од Фиорентина минатото лето и запиша 15 гола и 10 асистенции во 40 натпревари. Иличиќ ќе биде четврто ново засилување за тимот на Интер по Стефан де Фрај, Лаутаро Мартинез и Квадво Асамоа.

Трагикомично: Слеп Словенец барал работа, нема да верувате што му понудиле

Ивана Ефремовски — Sat, 03 Mar 2018 12:04:40 +0000

Невработен Словенец добил порака од Заводот за вработување да се јави на натпревар за возач на автобус, но надлежните веднаш му се извиниле, откако тој ја објавил пораката на социјалните мрежи, истакнувајќи дека е целосно слеп и како таков неспособен за некој вид на работа. Себастијан Каменик од Цеље изјави за медиумите дека во младоста навистина сакал да стане возач на автобус. Таа желба му се исполнила. „Наречете го тоа како трагикомичен или морбиден случај, како сакате", рече тој. - Јас разбирам дека службениците во заводот само си ја вршат својата работа и рутински испраќаат информации за слободни работни места, бидејќи треба да ги исполнат своите квоти. Сепак, би било пологично, тој што ги дистрибуира понудите да ги испраќа само на оние кои се соодветни за секоја личност", вели Каменик. Откако ја информирал јавноста за својот случај, му се јавиле и други лица со попреченост кои исто така добивале понуди несоодветни на нивните способности.