Рекорден број жени во словенечкиот Парламент

Тале Кристо — Mon, 16 May 2022 13:24:13 +0000

Словенечкиот Парламент ќе има најголема родова рамнотежа досега, бидејќи 36 од 90 пратеници во новиот состав ќе бидат жени, вклучително и новата претседателка. Поранешната судијка и една од основачите на Движењето за слобода, Уршка Клакочар Жупанчич е избрана за претседател на Парламентот, чиј мандат започна во петокот, на 13 мај. – По добри 30 години независност, жена го презеде Државниот збор и ова е можеби првата најава за промената што очајно и е потребна на оваа земја, изјави Клакочар Жупанчиќ. Парламентарната партија со најголема родова еднаквост е Движењето за слобода, со повеќе од половина пратенички. Меѓу двајцата помлади коалициски партнери на идната влада, Социјалдемократската партија и Левица, жените сочинуваат повеќе од 40 отсто од пратениците. Во претходниот парламентарен состав беа избрани 22 жени, но до крајот на мандатот тој број се зголеми со смената на пратениците кои ја презедоа извршната власт. Родовата рамнотежа најверојатно ќе биде поголема и во новата словенечка влада. Досега беше најавено дека жени ќе раководат со седум од 18 министерства, наспроти само две министерки во претходната конзервативна влада. – Еднаквоста на жените во општеството треба да се подразбира, рече претседателот на Движењето за слобода и веројатно иден премиер Роберт Голоб. На изборите на 24 април, Движењето Слобода освои 35,5 отсто од гласовите и 41 пратенички мандат, додека Словенечката демократска партија на поранешниот премиер Јанез Јанша освои 23,5 отсто од гласовите и 27 пратенички мандати.

Владата го вози претседателот на словенечкиот парламент Дејан Жидан во „Мерцедесот“ за кој Груевски беше осуден на 2 години затвор

Дарко Андоновски — Tue, 25 Sep 2018 15:25:11 +0000

Претседателот на словенечкиот парламент Дејан Жидан при денешната посета на Македонија се возеше со мерцедесот вреден 600 илјади евра набавен од страна на претходната влада за која експремиерот и бивш лидер на ВМРО-ДПМНЕ Никола Груевски беше осуден на 2 годишна затворска казна.

Денеска тој во Скопје има средби со државниот врв а низ градот е вози со „Мерцедесот“ кој Зоран Заев во изборната кампања на локалните избори на митинг во Скопје ветуваше дека кога ќе дојде на власт ќе го продаде и ќе купи амбулантни возила.

За овој мерцедес на обвинение покренато од СЈО Никола Груевски беше осуден на казна затвор од 2 години, Ѓоко Поповски како помошен министер за јавни набавки на 6, 6 години затвор, додека постапката за поранешната министерка за внатрешни работи Гордана Јанкуловска се уште трае.

Имено „Мерцедесот“ освен за возење се користеше и за одржување на прес конференции од страна на Оливер Спасовски за замачкување на очите на јавноста и прикажување дека владата на СДСМ нешто работи.

Досега со „Мерцедесот“ се возеа и Столтенберг, Тереза Меј, Себастијан Курц, Хан и други високи претставници.

словенечки парламент – Kurir.mk

Рекорден број жени во словенечкиот Парламент

Владата го вози претседателот на словенечкиот парламент Дејан Жидан во „Мерцедесот“ за кој Груевски беше осуден на 2 години затвор