случаи – Kurir.mk

Нови 183 случаи на коронавирус во земјава

Ристе Здравков — Mon, 28 Feb 2022 14:01:42 +0000

Министерството за здравство информира, согласно податоците од Институтот за јавно здравје дека во последните 24 часа: Направени се 1.362 тестови, а регистрирани се 183 нови случаи на КОВИД-19: Скопје – 135, Кавадарци и Струмица – по 7, Куманово – 6, Гевгелија – 5, Прилеп, Штип и Струга – по 4, Гостивар – 3, Охрид и Богданци – по 2, Битола, Кочани, Неготино и Крива Паланка – по 1. Од вкупниот број на позитивни (183), регистрирани се 24 реинфекции. Регистриран сe 845 оздравени пациенти од: Скопје – 451, Битола – 49, Велес – 42, Кавадарци – 36, Прилеп – 34, Куманово – 30, Тетово – 27, Кичево – 20, Охрид – 19, Струмица и Гевгелија – по 17, Неготино – 14, Ресен – 13, Радовиш – 12, Струга, Гостивар и Кочани – по 9, Крива Паланка – 8, Штип – 7, Валандово – 4, Дебар – 3, Делчево, Берово, Крушево, Демир Хисар, Македонски Брод и Демир Капија – по 2, Богданци, Свети Николе, Виница – по 1. Во текот на изминатите 24 часа, регистрирани се 6 починати лица: 3 починати лица од Скопје (60г, 69г и 89г) и по едно починато лице од Куманово (65г), Кочани (45г) и Тетово (78г). Од пријавените лица сите се починати во болнички услови. Согласно Регистарот на умрени лица со дијагноза КОВИД-19 од Мој Термин, дополнително се пријавени 3 починати лица од: Скопје (3). Починатите лица се на возраст од 68г. до 93г. Лицата за починати се пријавени во период од 23.02. до 26.02.2022. Сите лица се починати во болнички услови. Од вкупниот број на починати лица, кај 7 лица се регистрирани коморбидитети. Направени се 1.362 тестови преку: ИЈЗ-48, ЦЈЗ Скопје-0, ЦЈЗ Битола-0, ЦЈЗ Прилеп-0, ЦЈЗ Тетово-0, ЦЈЗ Куманово-4, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–130, Жан Митрев (Филип Втори)-45, Авицена-48, Биотек-69, Систина-54, лабораторија Лаор-0, Синлаб-0, Ремедика-0, Плодност-0, Генеа-0, Никоб Лаб-173, ВФВ Медикал-33, Ели Медика-16, Ројал Медика–0, Спектра-ММ-0, Рапид Лаб–8, Жан Митрев Струмица–0, Нова Лаб Дијагностика–0, Рамус-0, ЈЗУ и ПЗУ (рапид тест) – вкупно 734. Досега во земјата се направени вкупно 1.890.628 тестирања на КОВИД-19.Вкупната бројка на КОВИД-дијагностицирани лица во нашата земја од почетокот на епидемијата изнесува 297.262, бројот на оздравени пациенти е 284.756, на починати е 9.010 а бројот на активни случаи изнесува 3.496. Според епидемиолошки анализи во моментов, дистрибуцијата по градови е следна: Дистрибуција по градови Заболени (вкупно), Активни случаи (вкупно) Скопје 138381, Активни 1895 Куманово 16132, Активни 151 Битола 14267, Активни 191 Прилеп 13552, Активни 150 Тетово 13361, Активни 94 Кавадарци 10125, Активни 141 Велес 9426, Активни 158 Гостивар 9361, Активни 53 Охрид 8514, Активни 85 Струмица 7909, Активни 69 Штип 7892, Активни 50 Кичево 5409, Активни 74 Кочани 4952, Активни 21 Струга 4622, Активни 43 Гевгелија 4227, Активни 60 Неготино 3620, Активни 38 Свети Николе 2600, Активни 17 Ресен 2587, Активни 32 Радовиш 2467, Активни 25 Крива Паланка 2361, Активни 26 Делчево 1895, Активни 13 Берово 1710, Активни 5 Дебар 1625, Активни 27 Валандово 1465, Активни 9 Виница 1362, Активни 1 Пробиштип 1250, Активни 5 Богданци 1001, Активни 19 Кратово 923, Активни 6 Крушево 891, Активни 8 Демир Хисар 823, Активни 9 Македонски Брод 696, Активни 7 Демир Капија 562, Активни 10 Македонска Каменица 520, Активни 2 Пехчево 454, Активни 2 Дојран 320, Активни 0

Филипче: 70% од новодијагностицираните случаи се пациенти кои се заразени со британскиот сој на вирусот

Ивана Ефремовски — Fri, 26 Feb 2021 14:50:58 +0000

Министерот за здравство, Венко Филипче, во денешната изјава за медиумите истакна дека целокупниот здравствен систем и здравствените работници добро се справија со ковид кризата. Јавното здравство веднаш се реорганизираше и ниту еден пациент не остана без потребната здравствена услуга. Тој потенцираше дека во моментов сме во ситуација во која има лесно зголемување на бројот на заразени од коронавирусот, со што факторот Р0 се зголемува. -Не можеме да бидеме сигурни дали тоа ќе биде тренд и ќе продолжи и понатаму или мини бран кој се случува овие денови. Анализата на вирусот покажа дека 70 отсто од вкупно новодијагностицираните случаи се пациенти кои се заразени со британскиот сој на вирусот. Викендов ќе се анализира ситуацијата во одредени градови, посебно во Кавадарци, Прилеп и Охрид. Врз основа на тие анализи ќе видиме, ќе се препорачаат мерки, рече министерот Филипче. Во изјава за медиумите, тој информираше дека потпишан е договорот за набавка на руската вакцина и секојдневно течат разговорите како за вакцините од компанијата Фајзер, така и за кинеските вакцини. Во однос на вакцинацијата на здравствените работници, Филипче истакна дека завршена е имунизацијата на медицинскиот персонал од Скопје кој работи со ковид пациенти. -Сега продолжува и од другите болнички институции во државата. Следуваат и лабораториите кадешто се дијагностицира КОВИД-19, ќе следуваат матичните лекари, дел од стоматолозите со што ќе биде заокружен процесот од речиси 4000 здравствени работници, кои работат со ковид пациенти, посочи Филипче.

Во Македонија има 6.143 лица заразени со коронавирус, дознајте колку активни случаи има во вашиот град

Ивана Ефремовски — Mon, 15 Feb 2021 14:20:51 +0000

Вкупната бројка на КОВИД-дијагностицирани лица во нашата земја од почетокот на епидемијата изнесува 97.101, бројката на оздравени пациенти е 87.960, на починати е 2.998, а бројот на активни случаи изнесува 6.143. Според досега завршените епидемиолошки анализи во моментов дистрибуцијата по градови е следна: Дистрибуција по градови - Заболени (вкупно), Активни случаи (вкупно) Скопје 42418, активни 2785 Куманово 5364, активни 233 Тетово 5271, активни 217 Прилеп 4842, активни 306 Гостивар 3703, активни 118 Штип 3566, активни 75 Битола 3317, активни 124 Велес 3289, активни 231 Охрид 3040, активни 360 Кавадарци 2953, активни 419 Струмица 2626, активни 153 Струга 2321, активни 159 Кочани 1772, активни 48 Кичево 1749, активни 69 Свети Николе 1099, активни 25 Гевгелија 1074, активни 101 Неготино 1041, активни 82 Дебар 777, активни 41 Ресен 777, активни 67 Крива Паланка 757, активни 34 Радовиш 739, активни 46 Делчево 699, активни 212 Берово 624, активни 35 Пробиштип 521, активни 18 Виница 504, активни 22 Валандово 338, активни 12 Демир Хисар 255, активни 10 Кратово 251, активни 24 Македонски Брод 250, активни 9 Крушево 234, активни 39 Богданци 233, активни 10 Демир Капија 227, активни 39 Македонска Каменица 192, активни 4 Пехчево 183, активни 3 Дојран 95, активни 13

Во САД пораст на бројот на случаи на насилство од омраза

Тале Кристо — Tue, 17 Nov 2020 09:47:33 +0000

Најновиот извештај на американското Федерално биро за истраги (ФБИ) потврди дека во САД минатата година се регистрирани најголем број на злосторства од омраза. Во редовниот годишен извештај на ФБИ за злосторства од омраза се наведува дека минатата година се регистрирани 7.314 вакви кривични дела, најмногу од 2014 година. Од вкупниот број потврдени злосторства од омраза, 48,5 проценти биле извршени против припадници на афроамериканската заедница, 15,7 проценти против белци, 14,1 процент против латиноамериканци и 4,4 проценти против азијати. Групите за борба против злосторства од омраза предупредуваат дека расистичката реторика и расната нетолеранција се зголемуваат. Злосторство од омраза се дефинира како кривично дело „мотивирано од нетрпеливост кон одредена раса, етничко потекло, предци, вера, сексуална ориентација, лица со посебни потреби, род или пол“.

Два случаја позитивни на коронавирус денеска во Тиквешко

Магдалена Андонова — Sun, 23 Aug 2020 11:41:16 +0000

Два случаја позитивни на коронавирус се регистрирани денеска во Тиквешко. Се работи за дваесетгодишна росоманка и 47-годишен неготинец. Двајцата не знаеле од каде се заразиле, за МИА потврди доктор Ристе Јовановски, специјалист епидемиолог при кавадаречкиот Центар за јавно здравје. Новозаболените биле со лесна клиничка слика и на домашно лекување. Се утврдуваат нивните контакти, со цел нивна изолација.

РКИ: Во Германија најголем број „увезени“ слуачаи со Ковид-19 се од Косово

Магдалена Андонова — Thu, 13 Aug 2020 12:09:47 +0000

Германскиот Институт за заразни болести Роберт Кох (РКИ) подготви листа на земји во кои се заразиле најголем број Германци. РКИ наведува дека од средината јуни, по пртвото отворање на границите, забележан е раст на лица кои се заразиле со новиот коронавирус додека престојувале во среанство. Пред „затворањето“ во средината на март, уделот на увезени случаи, според РКИ, изнесувал 46 проценти, а по затворањето на границите истиот се намалил на 0,4 отсто. По отворањето на границите, уделот на „увезени“ случаи повторно се искачи на 31 процент. На прво место на листата од 15 држави, се наоѓа Косово, од каде 1.096 лица го „донеле“ вирусот во Германија. На второ место е Турција со 501 случај, а потоа Хрватка со 260. На четврто место е Србија со 196 случаи, Бугарија – 166, БиХ – 156, Романија со 113, Полска – 112, Шпанија – 107, Македонија – 92, Албанија – 86, Холандија – 50, Австрија – 44 и Франција и Украина со по 43 сличаи. Германските власти не знаат зошто е висока бројката на инфицирани повратници од Косово, но претпоставуваат дека тоа е поради тоа што голем број муслимани од Германија отпатувале во земјата на потекло за празникот Бајрам. Од 8 август е во сила задолжителното тестирање на лицата кои се враќаат во Германија од ризичните региони, како и двонеделен карантин. (МИА)

Одложени сите културни манифестации во Кавала поради зголемен број случаи на Ковид-19

Магдалена Андонова — Tue, 04 Aug 2020 10:14:20 +0000

Локалните власти во грчкиот град Кавала ги откажаа сите културни манифестации закажани за оваа седмица, донесоа одлука задолжително да се носи маска и на пазарите, а затворени се и општинските спортски објекти поради зголемениот број случаи на Ковид-19, јави дописничката на МИА од Атина. Како што објави грчката новинска агенција АНА-МПА, заменикот префект и градоначалникот на Кавала, Костас Андониадис и Тодорор Муриадис, по одржаниот состанок со надлежните ги соопштија одлуките, објаснувајќи дека се очекува да се откажат и закажаните фестивали, но и концерти. Паралелно, до 16 август ќе бидат затворени општинските спортски објекти со одлука на заменикот градоначалник на Кавала задолжен за спорт. Националната организација за јавно здравје на Грција, веќе започна масовно тестирање на блиските контакти на веќе потврдените случаи. Во изминатите денови, во грчкиот град беа откриени над 25 позитивни случаи во фабрика за месо. (МИА)

Охрид и Дебар по 16, во Струга 48 потврдени случаи на КОВИД-19 измината седмица

Магдалена Андонова — Sat, 01 Aug 2020 12:37:24 +0000

Седмичниот билтен на Центарот за јавно здравје од Охрид што ги опфаќа општините Охрид, Дебрца, Струга, Вевчани, Дебар и Центар Жупа покажува дека во периодот од 25 до 31 јули лабораториски е дијагностицирано присуство на КОВИД-19 кај 16 лица од Охрид, 48 лица од Струга и исто 16 лица од Дебар. Изминатата седмица од вкупно земените 263 материјали за испитување 185 се собрани според епидемиолошки индикации, а 78 материјали зе земени при скрининг тестирањето со упат од матичен лекар. Во Охрид има 84 активни случаеви на КОВИД-19, во Струга 195, а во Дебар 108 пациенти. Во односниот период оздравени се 37 лица од Охрид, 43 лица од Струга и 17 лица од Дебар. Изминатата седмица се регистрирани два смртни случаи поврзани со КОВИД-19, и двата од Општина Струга. Кога станува збор за вкупниот биланс од почетокот на епидемијата заклучно со вчерашниот ден КОВИД-19 е регистриран кај вкупно 916 лица во односните општини и тоа 272 лица во општините Охрид и Дебрца, 449 лица во општините Струга и Вевчани и 195 лица во општините Дебар и Центар Жупа. Оздравени пациенти од Охрид се 186, од Струга се 225, а од Дебар и Центар Жупа се 79 пациенти. Во Охридско починати се седум лица, во струшко 43, а во Дебар и Центар Жупа пет лица. (МИА)

Една третина од смртните случаи во Шпанија се жители на старечки домови

Тале Кристо — Thu, 26 Mar 2020 20:20:52 +0000

Вкупно 1.307 жители на шпански старечки домови починале од коронавирусот, што е околу една третина од вкупниот број на смртни случаи во земјата, објавија денеска локалните медиуми. Само во мадридскиот регион се пријавени 855 смртни случаи. Шпанската Влада соопшти дека сè уште собира податоци од сите региони за смртност во старечките домови и не може да ги потврди или негира податоците на медиумите. Регионалната влада на Мадрид соопшти дека податоците не се официјални, додавајќи дека официјалниот извештај за смртност на старите лица ќе биде објавен кога ќе биде готов.

Потврдени над 81.000 случаи на коронавирус во светот

Ивона Петрова — Thu, 27 Feb 2020 06:18:34 +0000

Потврдени се повеќе од 81.000 случаи на новиот коронавирус во 40 земји во светот, а Светската здравствена организација (СЗО) објави дека за првпат од избувнувањето на епидемијата, бројот на заразени лица надвор од Кина во еден ден го надмина бројот на заразени во Кина. Според дневниот извештај на СЗО, Кина објавила 412 нови случаи, со 459 пријавени надвор од Кина. Најголем број заразени лица во Кина се во провинцијата Хубеи, каде до синоќа беа пријавени 401 нови случаи. Пријавени се шест случаи надвор од континентална Кина, од кои четири се во Хонг Конг. Повеќе од половина од новите случаи надвор од Кина се пријавени во Јужна Кореја – 284 случаи. Италија, со околу 447 заразени лица, побара меѓународна поддршка за напори за спречување на епидемијата на вирусот корона во државата. Откриени се седум нови случаи на вирусна корона во Бахреин, што го зголеми бројот на заразени во земјата на 33, соопшти Министерството за здравство. Летовите до и од меѓународниот аеродром во Дубаи се прекинати за следните 48 часа, соопшти националната агенција за авијација Цивилно воздухопловство. Емирот на Катар, Шеик Тамим бин Хамад ал-Тани, нареди евакуација на државјаните од Катар и Кувајт од Иран, поради ширењето на коронавирусот. Иранскиот претседател Хасан Рухани изјави дека Иран нема планови за карантин „градовите и окрузите“ како одговор на епидемијата во земјата, во која досега живот загубија 19 лица додека 139 се заразени. Ирак ги забрани сите јавни собири и влез во земјата за патници од Кувајт и Бахреин поради страв од ширење на вирусот со што се зголеми бројот на земји од кои е забрането влегувањето во Ирак на девет, изјави министерот за здравство на земјата. Во Норвешка е потврден и првиот случај на Ковид-19, соопшти Норвешката агенција за јавно здравје, додавајќи дека заразеното лице е во изолација дома. Грузија соопшти објави за првиот случај на заразен како и Пакистан, кој ги потврди првите два случаи. Во Франција, бројот на заразени лица се искачи на 18, изјави францускиот министер за здравство. „Нема епидемија во земјата, само изолирани случаи“, рече Оливие Веран за време на прес-конференција, додавајќи дека ќе бидат обезбедени 15 милиони заштитни маски. Висок здравствен службеник додаде дека од 18 случаи, двајца починале, 12 биле излекувани, а четири се уште се во болница. Пријавени се уште пет случаи на заразени на западниот и јужниот дел на Германија, со што бројот на заразени е околу 20, што значи дека болеста се пренесува во нова фаза, изјави министерот за здравство Јенс Шпан. Тој предупреди дека Германија е на почетокот на епидемијата на коронавирус. САД ги советуваа своите граѓани да внимаваат кога патуваат во Иран, Италија и Монголија, предупредувајќи ги за ризикот од коронавирусот или нарушувања поврзани со напорите за контрола на ширењето на болеста. Во Естонија е потврден првиот случај на заразен со новиот коронавирус. Во Романија исто така, е потврден првиот случај на заболен од Ковид-19. Во меѓувреме, американската компанија за биотехнологија Модерна произведе експериментална вакцина за вирусот и ја испрати до американските владини научници за тестирање, јави Си-Ен-Ен. Руски научници развија пет прототипови на вакцината против новиот коронавирус што се уште се во почетни фази на истражување, рече рускиот вицепремиер Татјана Голикова. Таа рече дека Москва ќе ги прекине летовите меѓу Русија и Јужна Кореја од 1 март освен за летовите на авиокомпаниите „Аерофлот“ и „Аурора“. Голикова исто така рече дека Русија ќе престане да издава визи за иранските граѓани од 28 февруари и ги советувале Русите да не патуваат во Италија.