случај „двојник“ – Kurir.mk

Заврши судењето за „Двојник“ – вкупно 16 години затвор за осудените

Магдалена Андонова — Fri, 11 Jun 2021 11:19:07 +0000

Судскиот случај „Двојник” заврши со 16 години и 1 месец затвор за седум од вкупно единаесетмина обвинети. Со денешната пресудата за Фарук Буки (3 години затвор) и за Весна Колевска и Бранислава Шпишиќ (условни казни), во Кривичниот суд Скопје, заврши првостепената постапка за судскиот пред „Двојник”. Во судската постапка иницирана од ОЈО Скопје, за издавање на патни исправи со лажен идентитет казна затвор им беше изречена и на Денис Баруфи (2 години и 7 месеци), Ален Личина (2 години и 3 месеци), Раиф Мифтари (2 години и 3 месеци), Ѓорѓе Велков (2 години), Оливера Софрониева (2 години и 5 месеци) и Шемседин Јашари (1 година и 7 месеци). За разлика од обвинетите Буки, сите други обвинети при првите рочишта ја признаа вината за извршено кривично дело „злоупотреба на службена должност”. Судијката Оља Ристова, при изрекување на пресудите наведе дека со издавањето на лажните патни исправи е загрозен и интегритетот на системот на издавање патни исправи, а исто така, е нарушен интегритетот и безбедноста на државата. Според Обвинителството, тие во период од јуни 2017 година, па до крајот на 2020 година, правеле лажни исправи со намера да се употребат како вистински. Како застапник на обвинението во овој случај беше јавната обвинителка Спасенка Андонова. Воедно, по однос на прво степените пресудите обвинетите имаат право на жалба пред Апелациониот суд Скопје. (MИА)

Пресуда за случајот„Двојник” на 11 јуни

Ивона Петрова — Tue, 08 Jun 2021 10:06:53 +0000

Пресудата за случајот „Двојник” e закажана за 11 јуни. Судијката Оља Ристовка ова одлука ја донесе после денешните завршни зборови на обвинителството и одбраната на останатите тројца обвините во овој предмет Фарук Бути, Весна Колевска и Бранислава Штипиќ. Застапникот на обвинителниот предлог, јавната обвинителка Спасенка Андонова, побара осудителна пресуди за обвинетите, а одбраната побара од судот независност при донесување на пресудата и ослободување од обвинение на нивните клиенти. Обвинителката од ОЈО Скопје, Андонова, во обвинителниот предлог наведува дека обвинетите при злоупотреба на нивната положба прибавиле материјална корист. Одбраната овој дел од обвинението го спори со фактот дека не е наведен видот на материјална корист, со кој според обвинението е прибавена материјалната корист од издавањето на нелегални македонски пасоши. Според ОЈО Скопје, пасошите се издавале во периодот од јуни 2017 до крајот на 2020 година. Биле издадени пасоши на 214 странски државјани и на еден македонски државјанин.

Седмата обвинета призна вина во случајот „Двојник“ – еве каква казна доби

Магдалена Андонова — Fri, 07 May 2021 11:43:53 +0000

Судот и изрече казна затвор од две години и пет месеци на уште една од обвинетите вработени во МВР за издавањето на пасоши за случајот „Двојник“, која претходно денеска призна вина на денешното рочиште пред Основниот кривичен суд во Скопје. Оливера Софрониевска е шестта, од првично десетте обвинети вработени во МВР, на кои Судот им изрече казна откако го признаа делото. Според обвинението, таа одобрила издавање на 198 лажни патни исправи. Судот на Оливера Софрониевска, исто така, и изрече забрана за вршење професија, дејност или должност во времетраење од десет години. Отежнителни околности, при изрекување на пресудата, Судот рече дека се природата и зачестеноста на ваквите кривични дела во изминатите години. – Како овластено службено лице во МВР Оливера Софрониевска во никој случај не смеела да го прекршува законот. Доколку што Оливера во периодот одобрила изработување на 198 лажни патни исправи, изјави судијката Оља Ристевска. Олеснителни околности, посочи таа, се признанието на вина и каењето за стореното дело. Софрониевска, се гони за кривично дело „злоупотреба на службената положба” за кое е предвидено максимална казна затвор до три години. Судот ја раздвои постапката за останатите обвинети Фарук Буки, Весна Колевска и Бранислава Владичевска. Претходно денеска вина призна и Шемседин Јашари, на кого судот му изрече казна затвор од година и седим месеци. Судот на првото рочиште ги прогласи за виновни за кривично дело злоупотреба на службената положба и овластување четворицата вработени во МВР, кои признаа вина и им одреди казни затвор и тоа: казна затвор од две години и седум месеци и забрана за вршење дејност и должност од десет години за обвинетиот Денис Баруфи, казна затвор од две години и три месеци и забрана за вршење дејност и должност од десет години на Ален Личина, на Ѓорѓе Велков казна затвор од две години и мерка забрана за вршење дејност и должност десет години, додека на Фарук Биља, му одреди алтернатива мерка условна осуда од шест месеци, која нема да се изврши ако обвинетиот во рок од две години не го повтори делото, како и забрана за вршење дејност и должност во период од три години. Судот на Раиф Мифтари, кој исто така, призна вина му одреди казна затвор од две години и три месеци за кривично дело поттикнување. Случајот го води судијката Оља Ристевска, а застапник на обвинението е Спасенка Андонова. Според обвинението за случајот Двојник, во периодот од јуни 2017 до крајот на 2020 година, биле издадени пасоши на 214 странски и еден македонски државјанин. (МИА)

Денеска во кривичниот суд во Скопје продолжува судењето за случајот „Двојник“

Магдалена Андонова — Fri, 07 May 2021 07:53:20 +0000

Во Основниот кривичен суд во Скопје денеска треба да продолжи судењето за петмина од обвинетите за случајот „Двојник“, за нелегално издавање пасоши на странски државјани. На првото рочиште за случајот, од првично обвинетите 11 лица, петмина признаа вина, а постапката беше раздвоена за обвинетата Наздрие Зековиќ, која од здравствени причини не беше присутна, а која преку својот бранител преднајави признание на вина. Постапката сега продолжува за обвинетите Фарук Буки, Весна Колевска, Оливера Софрониевска, Бранислава Владичевска и Шемседин Јашари, кои на минатото рочиште рекоа дека не се чувствуваат виновни за делото кое им се става на товар. Судот ги прогласи за виновни за кривично дело злоупотреба на службената положба и овластување четворицата вработени во МВР, кои претходно признаа вина и им одреди казни затвор и тоа: казна затвор од две години и седум месеци и забрана за вршење дејност и должност од десет години за обвинетиот Денис Баруфи, казна затвор од две години и три месеци и забрана за вршење дејност и должност од десет години на Ален Личина, на Ѓорѓе Велков казна затвор од две години и мерка забрана за вршење дејност и должност десет години, додека на Фарук Биља, му одреди алтернатива мерка условна осуда од шест месеци, која нема да се изврши ако обвинетиот во рок од две години не го повтори делото, како и забрана за вршење дејност и должност во период од три години. На Раиф Мифтари, судот му одреди казна затвор од две години и три месеци за кривично дело поттикнување. Случајот го води судијката Оља Ристевска, а застапник на обвинението е Спасенка Андонова. Според обвинението, во периодот од јуни 2017 до крајот на 2020 година, биле издадени пасоши на 214 странски и еден македонски државјанин.