ВМРО-ДПМНЕ: За „Мафија“ правда нема, има само жртвени јагниња за да не одговара Спасовски

Магдалена Андонова — Sun, 09 May 2021 07:07:31 +0000

Скандалот „Мафија“ и третманот од страна на надлежните на истиот покажува дека во Македонија правда нема. Оваа власт предводена од Заев и СДСМ не знае што е правда во вистинска смисла на зборот. Граѓаните гледаат дека правда кога СДСМ е на власт е кога за криминалци, лица блиски до власта не важи законот, стои во соопштението на ВМРО-ДПМНЕ. Од партијата велат дека за случајот излегоа виновни лица кои одлучиле поради икс причини да ја преземат вината на себе. - Тоа се само жртвени јагниња, само за да не одговара главниот виновник Оливер Спасовски. Очигледно е дека во договор со нивните началници и повисоките структури во министерството на Спасовски, луѓето одлучија да ја преземат вината и да одлежат две години. ВМРО-ДПМНЕ прашува каде е финансиска истрага за парите, зошто нема потерници за мафијашите? Ова вака нема да помине. Сите осомничени ќе излезат пред лицето на правдата, посочуваат ВМРО-ДПМНЕ. - Сите што се инволвирани во овој случај треба да знаат половина балканска мафија, албанска, турска, црногорска, италијанска, па и шпанска мафија имаат македонски пасоши и ВМРО-ДПМНЕ нема да биде нема за овој случај. Овој случај ќе има разрешница според сите меѓународни стандарди, додаваат од партијата.

Мицкоски: Кога ќе ја превземеме власта, случајот „Мафија” повторно ќе го отвориме и вистинските злосторници ќе одговараат пред лицето на правдата

Магдалена Андонова — Sat, 08 May 2021 12:02:17 +0000

Претседателот на ВМРО-ДПМНЕ Христијан Мицкоски одговарајќи на новинарско прашање, денеска од Делчево порача дека по промената на власта и победата на ВМРО-ДПМНЕ на следните парламентарни избори аферата “Мафија” повторно ќе биде актуелизирана. Тој изјави дека пред лицето на правдата треба да бидат изведени вистинските злосторници, а не луѓето кои одлучиле поради икс причини да ја преземат вината на себе. -Тие луѓе практично го преземаа делото на себе. Од прилика така би го нарекол она што се случуваше изминативе денови. Мене ме чуди како можеше обвинителите да покренат обвинение за луѓето кои што во случајов беа практично уапсени и изведени пред лицето на правдата само за еден член од кривичниот законик, а тоа членот 353 или злоупотреба на службена должност член 353 став 3 каде што казната е максимум 3 години. Имајќи во предвид дека тие го признаа делото логично е дека судот ќе суди со олеснителни околности, наместо три ќе пресуди две години затворска казна, истакна Мицкоски. Истовремено не можам а да останам нем, рече тој, а да не го споменам разочарувањето и гневот кои што кај мене се чувствува, бидејќи никаде не слушнавме злоупотреба на патни исправи, никаде не слушнавме злосторничко здружување. -Така што, овие луѓе очигледно во договор со нивните началници и повисоките структури во министерството на Спасовски одлучија да ја преземат вината и да одлежат две години, претпоставувам за некаков надомест, но сите што се инволвирани во овој случај треба да знаат половина балканска мафија, албанска мафија, турска, црногорска, италијанска па и шпанска мафија имаат македонски пасоши и ние нема да останеме неми на овој случај, дециден е Мицкоски. Веднаш на промената на “Илинденска” број 2, порача Мицкоски, веднаш по преземањето и честа за управување со Владата на Македонија, овој случај повторно ќе го отвориме и злосторниците односно вистинските злосторници ќе бидат изведени пред лицето на правдата, а тоа се најмалку овие луѓе кои одлучија да ја преземат вината на себе, туку вистинските злосторници седат во началничките фотелји и се во повисоките структури на министерството на Спасовски, соопшти од Делчево Мицкоски.

случај „мафија“ – Kurir.mk

ВМРО-ДПМНЕ: За „Мафија“ правда нема, има само жртвени јагниња за да не одговара Спасовски

Мицкоски: Кога ќе ја превземеме власта, случајот „Мафија” повторно ќе го отвориме и вистинските злосторници ќе одговараат пред лицето на правдата