случај талир – Kurir.mk

„Истечен е рокот за да се води Талир, поднесен е незаконито, Врховниот суд има одлука за тоа“

Магдалена Андонова — Fri, 10 Jun 2022 14:10:04 +0000

Претседателот на ВМРО-ДПМНЕ, Христијан Мицкоски истакна дека случајот Талир е поднесен незаконски со истечен рок за да се води воопшто постапка, но и дека е поднесен незаконито од неовластен тужител, Катица Јанева која сега е во затвор поради рекет и за истото Врховниот суд се има произнесено и има донесено одлука дека се незаконски. - Истечен е рокот за да се води било каква постапка за овој предмет. Овој кривичен предмет на почетокот мора да напоменеме дека е поднесен незаконито од неовластен тужител, надвор од рокот од 18 месеци, од страна на сега осуденета со правосилна пресуда за рекет, поранешната СЈО Катица Јанева, односно обвинението е поднесено по истек на 16 месеци од овој рок. За ваквите процесни дејствија Врховниот суд веќе има заземено став дека истите се незаконити и практично водени од неовластен тужител, потенцираше Мицкоски. Мицкоски посочи дека случајот Талир е ништо друго освен политички процес и дефокус на власта, а истото може да се забележи што пресудата беше напишана веднаш по завршните зборови, за кои воопшто немаше време да се слушнат или прочитаат стенограмите. - Самата објава на оваа пресуда наликуваше на се освен на она што треба да биде, а тоа е процесно дејствие. Истата наликуваше на политички процес во режија на СДСМ, ДУИ, обвинителите и судиите. После завршните зборови, веднаш следниот ден, дури и не можеа да ги прочитаат стенограмите од завршните зборови, пресудата беше веќе напишана и следеше само да биде соопштена на јавноста, изјави Мицкоски. Во насока на тоа дека е политички монтиран процес, посочи дека е и тоа што ВМРО-ДПМНЕ не е обвинет, односно не е странка во постапката, а со пресудата се одзема имотот на ВМРО-ДПМНЕ и притоа без можност да се слушнат аргументите на партијата. - Со тоа се повредува уставно загарантираното право на сопственост, без да при тоа се сослуша претставникот на политичката партија согласно одредбите од законот за кривичната постапка. Дури и во 1949 кога политички се отсекувале глави на политички неистомисленици и со еден или два сведоци се испраќале на Голи Оток или затворите на поранешната држава имало можност да биде сослушано лицето и странката. Во случајот воопшто не бевме сослушани, немавме право да си го кажеме нашето мислење и аргументи, изјави Мицкоски. Мицкосски потенцираше дека ВМРО-ДПМНЕ штом ја добие на писмено пресудата ќе достави жалба и ќе ги искористи сите механизми, па дури и ќе се разгледа опцијата за жалба пред Судот за човекови права во Стразбур. - Ние ќе продолжиме со нашата борба уште помотивирани, и уште поконцентрирани. Единствениот начин за победа над сиромаштијата, стопирање на инфлацијата, економијата да ни оди напред е смена на оваа власт. Затоа што премногу е. Затоа го повикувам секој еден граѓанин да се спротивстави и да се бориме за смена на власта на СДСМ и ДУИ. Гласно да го кажеме незадоволството, нагласи Мицкоски.

Нема дело за „Талир 2“: Сопственикот на Бетон, Минчо Јорданов, кој беше и вицепремиер од СДСМ, кажа дека договорот за купување на земјиштето од ВМРО-ДПМНЕ е исплатливо за неговата фирма

Дарко Андоновски — Tue, 07 Jun 2022 11:19:05 +0000

„Обвинителството не презентираше било каков доказ и сведок за било каква комуникација, било какво договарање помеѓу Никола Груевски, претставници на БЕТОН АД Скопје, кое би донело корист на партијата, на штета на фирмата или на државниот буџет, или некакви предвидувања за идна помош, како што не видовме ниту доказ и сведок за тоа дека и Кирил Божиновски го сторил тоа во комуникација со фирмата БЕТОН АД Скопје“, истакна Горан Кркински, адвокат во завршните зборови на „Талир 2“. Кркински додаде дека сопственикот на БЕТОН, Минчо Јорданов, кој беше и вицепремиер од СДСМ, кажа дека договорот за купување на земјиштето од ВМРО-ДПМНЕ е исплатливо за неговата фирма. „Спротивно на ова сопственикот на БЕТОН АД Скопје Минчо Јорданов беше сведок на овој процес и ако имало било што незаконско во овој процес или било каква злоупотреба тој би требало да е оштетен. Но, тој изјави дека не е оштетен и дека немало нешто нерегуларно и дека работел исклучиво на договор за кој имал проценка дека е во корист на неговата компанија“, нагласи Кркински. Крикински укажа дека ако имало нешто незаконско тогаш Минчо Јорданов би требало да е обвинет, а не сведок.

Адвокатите не можат ниту да дадат завршни зборови, ВМРО-ДПМНЕ не е странка во постапката „Талир 2“

Дарко Андоновски — Tue, 07 Jun 2022 10:02:24 +0000

„Денес Вие почитуван судија кажавте дека мојата обврска за давање на завршен збор произлегува од членот 531 од ЗКП. Тоа беше последната реченица која денес ја кажавте. Во таа смисла на членот 531 на ЗКП јас ќе ви ги кажам следните позиции на правното лице чиј претставник сум во оваа постапка, а тоа е политичката партија ВМРО-ДПМНЕ. Пред се не е странка оваа политичка партија односно ова правно лице во оваа постапка. не е странка согласно Законот за кривична постапка. правата кои ги уживаме во оваа постапка и кои ни се дадени на предлог на Јавното обвинителство да воопшто учествуваме во постапката произлегуваат од одредбите на Глава 34 од ЗКП. Имено точна е одредбата во членот 531 која Вие ја споменавте почитуван судија дека имаме одредени права. Но, тие права не се права на завршен збор. Напротив, јас на оваа околност ќе се произнесам за да и Советот и обвинителот, и бранителите, а пред се и македонската јавност биде запознаена токму на начинот и дали воопшто е дадена можност за користење на овие права на правното лице политичката партија ВМРО-ДПМНЕ во оваа постапка“, истакна Дончо Наков, претставник на политичката партија ВМРО-ДПМНЕ и адвокат во завршните зборови на случајот „Талир 2“. Наков додаде дека уште во претходна постапка која се водела по тој предмет на барања на неовластен тужител, односно со пречекорување на роковите предвидени во СЈО, Законот за СЈО, а понатамошно постапување на неовластени двајца обвинители од други обвинителства по измените на Законот за јавно обвинителство кој предвидува со итна постапка во која што Републичкиот јавен обвинител е во можност да на преземените предмети од страна на Јавното обвинителство за гонење на организиран криминал и корупција делегира обвинители од други обвинителства кои не се во обвинителството за гонење на организираниот криминал и корупција, наспроти тие одредби во предметот „Талир 2“ целосно и континуирано се застапува неовластени тужители односно јавни обвинители. „На страна од сите овие работи кои ги истакнав јас сакам да истакнам следново, во таа претходна постапка издадена наредба за привремена мерка обезбедување на имот кој според тезата на ЈО кој според предлогот на ЈО дадено во таа фаза на постапката и кој според завршниот збор на обвинителство треба да биде одземен од третото лице на кој наводно таа имотна корист е пренесена, а тоа е политичката партија ВМРО-ДПМНЕ која во оваа постапка не е странка. Затоа законодавецот точно во својата одредба од член 531 на ЗКП предвидел во која фаза на постапката и на кој начин и со кој статус лицето како што вели законодавецот – третото лице на кое е пренесена имотната корист прибавено со наводно кривично дело треба да биде повикано со кои права и со кој статус. Ова мое произнесување не е произнесување ниту во завршен збор, а уште помалку произнесување по членот 531 од ЗКП. Имено, членот 531 став 1 предвидува дека лицата кои при евентуална конфискација на имот и имотна корист прибавена со кривично дело врз кој е пренесена имотната корист, како и претставник на правното лице во конкретниов случај политичката партија ВМРО-ДПМНЕ ќе се повикаат заради испитување на главната расправа. Повторувам ќе се повикаат заради испитување на главната расправа“, рече Наков. Наков потенцираше дека став 2 на членот 531 од ЗКП е уште поконкретен. Тој укажува во која фаза на постапка точно определено и во кое својство и на кои околности ќе се спроведе испитување на претставникот на правното лице,а во конкретниов случај политичката партија ВМРО-ДПМНЕ. Тој во своето говорење се осврна дека адвокатите не можат ниту да дадат завршни зборови, ВМРО-ДПМНЕ не е странка во постапката „Талир 2“.

Мицкоски: Судија поротник за случајот „Талир“ треба да оди во пензија, но под притисоци од судските власти го држат за да ја осудат ВМРО, грубо кршејќи ги законите

Дарко Андоновски — Mon, 07 Jun 2021 13:14:33 +0000

Претседателот на ВМРО-ДПМНЕ Христијан Мицкоски по денешниот брифинг за новинари, на новинарско прашање околу судските предмети „Талир 1“ и „Талир 2“ посочи дека се работи за тотално незаконски случаи, се со цел за да се замрзне имотот и ресурсите на ВМРО-ДПМНЕ. Намерата на СДСМ и Заев со ова, е да си овозможат дополнителна предност на локалните избори. „Околу случаите „Талир 1“ и „Талир 2“ ќе кажам само да го запомнете името на Митко Сандев. Тој е човекот кој што е судија поротник кој што ги исполнува условите да замине во пензија, но поради притисок од претпоставените тој не оди во пензија. Се со цел да се држи ВМРО-ДПМНЕ како дел од случаите “Талир 1” и “Талир 2” иако тие случаи се започнати 18 месеци по истекот на Законот за Специјалното јавно обвинителство. Целта е да се зароби имотот, да се заробат ресурсите на ВМРО-ДПМНЕ за да може на избори Зоран Заев и СДСМ наместо од стартно – целната рамнина да ја трчаат трката до 100 метра, да трчаат од 50-тиот метар“, изјави Мицкоски. Така што, Митко Сандев рече тој, е човекот кој што денеска му служи како алатка на Судот, а директно и на Заев. „Сандев е исто така дел од статутарната комисија на партијата на пензионери. Иако ги исполнува условите за пензија, тој седи спротивно на сите закони таму кај што седи за да практично му овозможи на СДСМ и Зоран Заев дополнителна предност на овие локални избори со што ќе ги држи активни предметите „Талир 1“ и „Талир 2“. Да потсетам уште еднаш за овие предмети, незаконски спротивно од сите законски рокови е замрзнат имотот на ВМРО-ДПМНЕ“, истакна Мицкоски.

Имотот на ВМРО-ДПМНЕ замрзнат поради случаите Талир 1 и 2 – на Сандев му е наложено да не се пензионира за да врши притисок врз ВМРО-ДПМНЕ

Магдалена Андонова — Mon, 07 Jun 2021 12:39:47 +0000

Имотот на ВМРО-ДПМНЕ е замрзнат како последица на случаите „Талир 1“ и „Талир 2“. Митко Сандев е судија поротник и во двата случаи, а е во органите на партиите на пензионерите. Тој наполни 60 години. Повикан е од авторитетите во судот и му е наложено да остане и да не се пензионира, за да врши притисок врз ВМРО-ДПМНЕ. Митко Сандев се држи спротивно од неговата волја како судија поротник и сето тоа за имотот на ВМРО-ДПМНЕ да остане заробен.

Јанушев: Случајот Талир е директен доказ дека СЈО и Кацарска судството се само неми извршители на наредбите на Заев и СДСМ

Дарко Андоновски — Fri, 11 Jan 2019 12:36:35 +0000

Фабрикуваното обвинение за случајот Талир кое според информациите во медиумите е прифатено од Кривичниот суд е уште еден обид за груб политички притисок за брутално замолчување на ВМРО-ДПМНЕ во пресрет на уставните измени за промена на името и идентитетот, ова денеска преку прес-конференција го потенцираше генералниот секретар на ВМРО-ДПМНЕ Игор Јанушев. -СЈО по директива на власта создава механизми за пазарења, уцени и притисоци врз ВМРО-ДПМНЕ за да ги прифати уставните измени, кои за нас по ниту една цена НЕ СЕ ПРИФАТЛИВИ. Случајот Талир е чиста политичка конструкција, која нема врска со правото, туку со политиката на Заев за уцени и притисоци. Власта соочена со неприфаќањето на граѓаните на уставните промени се обидува со секое можно средство да ја угуши секоја критична мисла и сила која се спротивставува на антидржавните политики на СДСМ и Заев, кои одат во спротивност со македонските национални интереси. Промената на името и договорот со Грција не поминаа на референдум, па сега се обидуваат на секој можен начин да дојдат до пратеник плус за да покажат некаков вештачки легитимитет на она што нема никаков легитимитет од народот - промена на името, потенцира Јанушев. Тој додава дека случајот Талир е директен доказ дека СЈО и Кацарска судството се само неми извршители на наредбите на Заев и СДСМ кои имаат за цел да ја зацрнат и уништат државата. -Кацарска судството е под целосна контрола на власта и се користи за политички притисок против опозиционото делување на ВМРО-ДПМНЕ. Замрзнувањето на партискиот имот како и прогонот на десетици илјади членови на партијата е показател дека власта не сака опозиција, дека власта не сака некој да се спротивставува на нејзините антидржавни политики и и пречи секој елемент со државотворна македонска определба на политичката сцена. Притисокот врз ВМРО-ДПМНЕ е одраз на стравот на СДСМ, кои соочени со огромното незадоволство на граѓаните гледаат како очајно гледајќи дека им тоне рејтингот, целта е да се осуети опозицијата и нејзиното делување како за уставните измени, така и во пресрет на претстојните претседателските избори. ВМРО-ДПМНЕ ниту промена на име ќе прифати ниту било што друго за што ќе оцени дека е штетно за граѓаните на Република Македонија. Притисоците и заканите кои ги спроведува СДСМ преку СЈО, Кацарска судството и Русковска обвинителството ќе доведе до преиспитување на ставовите на ВМРО-ДПМНЕ за нашето понатамошно институционално делување. Заев тргни ги рацете од народот, не можеш да ја спречиш волјата на народот, потенцира Јанушев.