случај топлик – Kurir.mk

Менкиноски за КУРИР: Обидот за злоупотреба на правдата на Рустеми, Рашковски и државниот правобранител во случајот „Топлик“ не смее да остане неказнет

Дарко Андоновски — Mon, 08 Feb 2021 20:48:23 +0000

Откако денеска беше тензично во Кривичниот суд на рочиштето за случајот „Топлик“, особено по сведочењето на Анета Јорданова вработена во Министерството за транспорт и врски околу тоа што изјави дека трпела и закани од државниот правобранител, став побаравме од адвокатот Тони Менкиноски кои вели дека денешната изјава на сведокот во овој случај кој го води судот само го докажува тврдењето на ВМРО-ДПМНЕ дека постои „политички прогон“. -Денешната изјава на сведокот во случајот „Топлик“ само го докажува тврдењето на ВМРО-ДПМНЕ изнесено пред три години за овој случај дека постои „политички прогон“ од страна на актуелната власт и нејзините гавази од „правосудството“. За каква „ Правда“ сега ние ќе зборуваме! Обидот за „ злоупотреба на правдата“ на Јавниот обвинител Бурим Рустеми заедно со секретарот на Владата Рашкоски, државниот правобранител и претставници од Министерството за транспорт не смее да остане неказнет! Конструирањето на докази со кои се сака да се осудат лица кои ништо не сториле, невините да се прикажат како виновни е својствено само на тоталитаристички режим кој за жал владее во Македонија, вели Менкиноски. Тој додава дека во случајот „Топлик“ вистината излезе на површина, прашање е на време кога ќе излезат вистините за другите „политички предмети“ кои ги конструирале овие квислинзи. Убеден сум и апсолутно сигурен, дека сите вакви обиди ќе бидат казнети кога ќе завладее правото во Македонија, а тоа ќе биде многу брзо откако ќе го паднеме овој режим. Инаку за потсетување на јавноста сведокот Јорданова денеска во судот објасни дека договорот бил раскинат во договор помеѓу Државниот правобранител и фирмата и оти не била направена штета по буџетот на РМ. Но, на средбата во Владата која се одржала во кабинетот на поранешниот генерален секретар на Владата Драги Рашковски таа трпела закани од државниот правобранител Фахми Стафа, а пак обвинителот Рустеми ѝ појаснувал дека доколку нема побарувања и штета по буџетот, предметот ќе падне. На Јорданова ѝ побарале да направи прецизирање на имотно-правните побарувања, иако таа не се согласувала со тоа бидејќи во предметот се наоѓале сите докази кои ѝ се потребни на Комисијата за спроведување на јавни надавања. Таа е јасна дека постои повреда на постапката и оти нема штета во предметот. Во предметот немаше прекрушување дека е направена штета по буџетот на РМ – јасна е Јорданова. Но, таа таа трпела притисоци од Кабинетот на Заев дека ќе ја избркаат од работа доколку не достави нов допис во кој ќе наведе дека има штета по буџетот. На тоа судијата Османи ја праша дали била навистина избркана од работа, таа рече дека не е бидејќи го потпишала дописот. ВМРО-ДПМНЕ уште во 2018 година укажа на притисоците во Топлик и дека нема материјална штета. -Во рацете држам еден допис кој е од министерот за транспорт и врски, Сугарески. Во овој допис Сугарески образложува дека во предметот „Топлик“ нема материјална штета, рече на прес-конференција Тони Менкиноски, претседател на правната комисија при ВМРО-ДПМНЕ во 2018 година. Како што наведе претставникот на опозициската партија, дополнително министерот Сугарески образложува дека штетата што е претпоставена од страна на јавното обвинителство нема да ја побаруваат. „И дотолку повеќе, господинот Сугарески во крајната сентенца на неговиот допис наведува дека со постапката што се водела се заштитени имотните интереси и права на Република Македонија“, рече Менкиноски. Тој го искористи пресот да упати порака и прашања до одредени релевантни институции во Република Македонија, кои, како што рече, малтретирале со таканаречени процеси, како што е процесот „Топлик“. „Зошто и од која причина го премолчуваат овој доказ, особено СЈО, кое има обврска согласно со Законот за кривична постапка да ги достави сите докази кои се во штета, но и во полза на обвинетите. Да не заборавиме, една од улогите на јавното обвинителство согласно со законот е и да ги штити основните човекови права на обвинетите“, наведе претседателот на правната комисија при ВМРО-ДПМНЕ. Како што кажа Менкиноски, со дописот кој е доставен, односно со откажувањето на Министерството за транспорт и врски за оштетно побарување не постои кривично дело. „Ние повеќе немаме предмет. Јас не знам и од која причина јавното обвинителство сè уште го нема откажано гонењето по овој предмет и зошто го нема информирано судот и го нема повлечено обвинителниот акт“, подвлече тој и додаде дека е важно во целата постапка овој прогон да заврши бидејќи доказите се круцијални и битни за целиот предмет. Случајот „Топлик“ на специјалното јавно обвинителство, каде што првоосомничен е ексминистерот за транспорт и врски Миле Јанакиески, се однесува на продажба на државно земјиште за изградба на комплексот „Сончев град“ во Сопиште.

ВМРО-ДПМНЕ уште во 2018 укажа на притисоцитe во Топлик и дека нема материјална штета, вистината испливува на површина

Дарко Андоновски — Mon, 08 Feb 2021 18:42:22 +0000

Тензично беше денеска во Кривичниот суд на рочиштето за случајот „Топлик“. Сведочеше Анета Јорданова вработена во Министерството за транспорт и врски. Таа била задолжена за попишување на списите од предметот за продажба на градежно земјиште на фирмата „Сан сити“ за изградба на коплексот „Сончев град“. Таа објасни дека договорот бил раскинат во договор помеѓу Државниот правобранител и фирмата и оти не била направена штета по буџетот на РМ. Но, на средбата во Владата која се одржала во кабинетот на поранешниот генерален секретар на Владата Драги Рашковски таа трпела закани од државниот правобранител Фахми Стафа, а пак обвинителот Рустеми ѝ појаснувал дека доколку нема побарувања и штета по буџетот, предметот ќе падне. На Јорданова ѝ побарале да направи прецизирање на имотно-правните побарувања, иако таа не се согласувала со тоа бидејќи во предметот се наоѓале сите докази кои ѝ се потребни на Комисијата за спроведување на јавни надавања. Таа е јасна дека постои повреда на постапката и оти нема штета во предметот. Во предметот немаше прекрушување дека е направена штета по буџетот на РМ – јасна е Јорданова. Но, таа таа трпела притисоци од Кабинетот на Заев дека ќе ја избркаат од работа доколку не достави нов допис во кој ќе наведе дека има штета по буџетот. На тоа судијата Османи ја праша дали била навистина е избркана од работа, таа рече дека не е бидејќи го потпишала дописот. Инаку ВМРО-ДПМНЕ уште во 2018 година укажа на притисоците во Топлик и дека нема материјална штета. -Во рацете држам еден допис кој е од министерот за транспорт и врски, Сугарески. Во овој допис Сугарески образложува дека во предметот „Топлик“ нема материјална штета, рече на прес-конференција Тони Менкиноски, претседател на правната комисија при ВМРО-ДПМНЕ во 2018 година. Како што наведе претставникот на опозициската партија, дополнително министерот Сугарески образложува дека штетата што е претпоставена од страна на јавното обвинителство нема да ја побаруваат. „И дотолку повеќе, господинот Сугарески во крајната сентенца на неговиот допис наведува дека со постапката што се водела се заштитени имотните интереси и права на Република Македонија“, рече Менкиноски. Тој го искористи пресот да упати порака и прашања до одредени релевантни институции во Република Македонија, кои, како што рече, малтретирале со таканаречени процеси, како што е процесот „Топлик“. „Зошто и од која причина го премолчуваат овој доказ, особено СЈО, кое има обврска согласно со Законот за кривична постапка да ги достави сите докази кои се во штета, но и во полза на обвинетите. Да не заборавиме, една од улогите на јавното обвинителство согласно со законот е и да ги штити основните човекови права на обвинетите“, наведе претседателот на правната комисија при ВМРО-ДПМНЕ. Како што кажа Менкиноски, со дописот кој е доставен, односно со откажувањето на Министерството за транспорт и врски за оштетно побарување не постои кривично дело. „Ние повеќе немаме предмет. Јас не знам и од која причина јавното обвинителство сè уште го нема откажано гонењето по овој предмет и зошто го нема информирано судот и го нема повлечено обвинителниот акт“, подвлече тој и додаде дека е важно во целата постапка овој прогон да заврши бидејќи доказите се круцијални и битни за целиот предмет. Случајот „Топлик“ на специјалното јавно обвинителство, каде што првоосомничен е ексминистерот за транспорт и врски Миле Јанакиески, се однесува на продажба на државно земјиште за изградба на комплексот „Сончев град“ во Сопиште.

Вештачењето за случајот „Топлик“ одбиено- вештакот немал лиценца за работа (ФОТО)

Дарко Андоновски — Tue, 15 Sep 2020 09:39:42 +0000

Вештачењето за случајот „Топлик“ е одбиено поради немање на лиценца од страна на вештакот. Основниот кривичен суд согласно праксата на апелациониот суд го отфрли вештачењето на лицето Борис Тунгев поради што истиот не поседувал лиценца во фаза на подготвување на вештачењето. Со ова целото обвинение за случајот „Топлик“ е неосновано и се очекува обвинителството да го повлече обвинението бидејќи цело обвинение се базира токму на ова вештачење на вештакот вработен во МВР кој нема лиценца за работа. Инаку во предметот на СЈО „Топлик“ осомничени беа поранешниот министер за транспорт и врски Миле Јанакиески и уште пет лица за продажба на градежна парцела во скопско Сопиште.

„Бомбите“ се слушаа на рочиштето за „Топлик“

Даниел Василев — Fri, 20 Apr 2018 15:17:32 +0000

На денешното рочиште за „Топлик“ во Кривичниот суд се слушаат 11 прислушувани разговори во врска со овој предмет. Одбрана на Миле Јанакиески побра јавноста да се исклучи, но судијата Осман Шабани го одби приговорот, велејќи дека со нивното објавување нема да се наруши приватноста на обвинетите. Во предметот на СЈО „Топлик“ осомничени се поранешниот министер за транспорт и врски Миле Јанакиески и уште пет лица за продажба на градежна парцела во скопско Сопиште. Јанакиески, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс Сончев град во Сопиште, иако фирмата не ги исполнувала условите за тоа. Од доказите, според СЈО, произлегува дека поради раскинувањето на договорот по вина на Министерството, тоа се обврзало во износ од еден милион евра да му исплати долг и затезна камата на правното лице „Сан сити“. Следното рочиште е закажано за 11 мај, кога одбраната ќе го каже своето видување за прислушуваните разговори. МИА