слух – Kurir.mk

На Џастин Бибер му се заканува губење на слухот

Ивона Петрова — Tue, 21 Jun 2022 08:58:12 +0000

Џастин Бибер боледува од синдромот „Рамзи Хант“, кој предизвикува парализа на лицето, а лекарите велат дека му претстои долго лекување. Канадскиот поп-пејач можеби ќе треба да чека и до шест месеци за целосно да исчезне неговата парализа на лицето. Докторите предупредуваат дека синдромот може да предизвика и губење на слухот, но, како што истакнаа, му оди во прилог тоа што е млад и тоа дека болеста навреме била откриена. Во видеото на Инстаграм, музичарот вели: – Ќе бидам добро, само потребно е време. Но, се надевам дека сѐ е в ред. Верувам во Господ и во тоа дека сѐ се случува со причина. Џастин Бибер неодамна јавно ја откри својата дијагноза, покажувајќи дека десната страна на лицето му е парализирана и во мигот не може да трепка, ниту да се насмее или да ги движи ноздрите. Потоа ја откажа и најавената светската турнеја.

СЗО ги истражува потенцијалните проблеми со слухот поврзани со вакцините против коронавирус

Магдалена Андонова — Tue, 29 Mar 2022 14:18:03 +0000

Светската здравствена организација (СЗО) ги испитува ретките извештаи за губење на слухот и други проблеми со слухот по вакцинацијата против коронавирусот. Во билтенот објавен на нејзината веб-страница, СЗО соопшти дека е свесна за ненадејните проблеми со слухот, особено тинитус, кои би можеле да се поврзат со вакцините против коронавирусот. СЗО пријави 367 случаи на тинитус и 164 случаи на губење на слухот ширум светот кај луѓето кои примиле вакцина против коронавирус, обично во рок од еден ден по вакцинацијата. Во светот се дадени повеќе од 11 милијарди дози вакцина против Ковид-19, така што се чини дека проблемите со слухот се исклучително ретки во споредба со бројот на дадени дози. Луѓето кои пријавиле тинитус биле на возраст од 19 до 91 година, а речиси три четвртини биле жени. Извештаите дојдоа од 27 земји, вклучувајќи ги Италија, Обединетото Кралство и САД. Повеќе од една третина се пријавени меѓу оние кои работат во здравствениот сектор. Апликациите беа идентификувани од Центарот за мониторинг во Упсала, независна, непрофитна организација во Шведска која соработува со СЗО. Многу пациенти се опоравија, се вели во извештајот. Некои претходно изјавија за NBC News дека тинитусот им го променил животот со месеци. Проблемите со слухот се опишани како зуење или подсвиркване во едното или двете уши. Причината за тинитус кај овие луѓе сè уште не е позната, а нема докази дека вакцините можат да предизвикаат некакви проблеми со слухот, според СЗО, Центрите за контрола и превенција на болести и компании кои произведуваат вакцини. Истражувањата за ова прашање се ограничени. Студијата објавена во февруари ги разгледа извештаите за проблеми со слухот по вакцинацијата против корона, но покажа дека таквите проблеми не се почести по вакцинацијата отколку што би се очекувало кај општата популација. Друга студија, исто така објавена минатиот месец, откри минимално зголемување на проблемите со слухот по примањето на вакцината против корона Фајзер/ Бионтек. Во билтенот на СЗО се наведува дека 80 отсто од пријавените случаи на тинитус се развиле по вакцината Фајзер. Но, тоа би можело да биде затоа што многу извештаи за проблеми со слухот дошле од здравствени работници кои биле меѓу првите кои ја примиле вакцината. Портпаролот на Фајзер подоцна изјави за NBC News дека компанијата не открила „причинско-последична врска“ помеѓу вакцината против корона и извештаите за проблеми со слухот. - Со оглед на тоа што се уште има ограничени податоци во литературата кои даваат докази за оваа поврзаност, потребно е дополнително следење, соопшти СЗО.

Српските лекари тврдат дека Ковид-19 може да го оштети слухот

Тале Кристо — Mon, 02 Nov 2020 12:05:47 +0000

Тим на лекари од ОРЛ клиниката на Клиничкиот центар Ниш го испитале влијанието на новиот коронавирус врз слухот, со што се покажало дека Ковид-19 може да доведе од слабо до умерено губење на слухот на високи фреквенции, изјави директорот на клиниката за ОРЛ Душан Милисављевиќ, истакнувајќи дека ова е првата се опфатна студија за ефектите на Ковид-19 врз слухот во светски рамки. Како што јави дописникот на МИА од Белград, Милисављевиќ изјави дека тим на експерти бил во црвената ковид зона и го испитал влијанието на новиот коронавирус врз слухот кај умерено тешки и тешките пациенти. – Откривме блага до умерена загуба на слухот на високи фреквенции. Ова значи дека коронавирусот може да го нападне и слушниот нерв. Ги евидентиравме пациентите, ги повикавме дополнително да го проверат слухот и ги повикавме да влеземе во втората фаза односно да најдеме соодветна терапија, истакна Милисављевиќ. Врз основа на овие податоци, тој посочи дека кај некои пациенти слухот се враќа за неколку недели, а кај други по неколку месеци. Милисављевиќ наведе дека за време на третманот на пациенти со оштетен слух се корористи дексаместазон, како и дека постојат две теории за тоа како новиот коронавирус го напаѓа и го оштетува слушниот нерв. – Првиот е дека во крвта се формираат микротромби кои удираат на внатрешното уво и ја оштетуваат васкуларизацијата на слушниот нерв, а втората е недостаток на кислород во хемоглобинот, што го оштетува нервот, објасни Милосављевиќ. Тој истакна дека никој во светот сè уште нема спроведено толку сеопфатна студија за ефектите на ковид-19 врз слухот и дека резултатите од студијата ќе бидат испратени до водечкото американско списание кое се занимава со теми за ОРЛ.

Нејзиното дете е со оштетен слух, но не го сакало апаратчето: Тогаш мајката смисли нешто прекрасно (ФОТО)

Ивана Ефремовски — Fri, 12 Jul 2019 18:35:13 +0000

Во 2011-та година, бебето Фреди беше родено предвреме. Поради вирус, веќе на 2-годишна возраст тој имал сериозни оштетувања на слухот поради кои морал да носи апаратче за слушање.

Три години подоцна, мајката на Фреди, Сара Иверми доби средства за кохлеарен имплант за увото на Фреди.

Фреди одлично го прифатил помагалото, но другите деца започнале да го задеваат.

Мајката на Фреди тогаш одлучила да преземе нешто во врска со тоа.

Сара тогаш решила да му помогне на секое дете кое се соочува со овој проблем. Решила да им ја врати самодовербата создавајќи компанија за модни аксесоари кои се додаваат на апаратчето за слушање. Цвеќиња, пеперутки, суперхерои и херои од цртаните филмови. Децата ги обожаваат!

Емоции еден тон: Погледнете ја реакцијата на бебето со проблеми во слухот откако за првпат ќе го слушне гласот на својата сестра

Ивана Ефремовски — Mon, 21 Jan 2019 14:53:11 +0000

Керол Дајен Бенџамин, мајка на две деца од Мадисон објави на Интернет снимка од својата ќерка Скарлет откако за првпат го слушна гласот на својата постара сестра. Ова видео за краток период стана вирално па досега е прегледано повеќе од 161.000 пати и доби повеќе од илјада реакции. Имено, малата Скарлет е родена три месеци пред време и Керол знаела дека опоравувањето после неколку здравствени компликации ќе биде долг за нејзиното бебе. -Како што знаете Скарлет се роди три месеци претходно. На крајот добила некротизирачки ентероколитис и инфекција на желудникот, а антибиотиците го предизвикуваа губењето на слухот, рекла мајката. Родителите на Скарлет не сфатиле дека има проблем со слухот. Дури кога малата Скарлет во 11 месец од животот го доби својот прв слушен апарат, нејзината мајка стана свесна колку слабо слушала Скарлет пред него. -Дотогаш Скарлет реагираше на поголемиот дел од звуците па мислевме дека слуша добро. Дури после ова што го видов денес, знаев дека таа всушност не слуша толку добро, рекла Карол. Нејзината реакција ги воодушеви сите на социјалните мрежи.

Милијарда млади луѓе во опасност да го загубат слухот поради гласна музика

Ивана Ефремовски — Tue, 11 Dec 2018 17:06:52 +0000

Адолесцентите сакаат да слушаат гласна, па дури и прегласна музика и поради тоа околу една милијарда млади луѓе се во опасност да го загубат слухот, предупреди Светската здравствена организација. СЗО истакнува дека речиси половина од младите помеѓу 12 и 35 години секојдневно слушаат музика на мобилните телефони, додека околу 40 отсто од тинејџерите се изложени на премногу бучна музика во клубовите и кафулињата. Мобилниот телефон оптимално овозможува јачина помеѓу 75 и 136 децибели, а истражувањата покажуваат дека младите ги слушаат омилените песни на јачина од 75 до 105 децибели. Во ноќните клубови нивото на бучава е од 104 до 112 децибели. -Се обидуваме да ја подигнеме свеста на младите во врска со прашањето за кое не се зборува многу и чии последици се многу штетни. Мораме да им укажеме на возрасните да ги одвратат тинејџерите од слушање гласна музика, истакна директорот на СЗО за превенција на повреди, д-р Ејтен Круг. (МИА)

Природен лек од само 2 состојки: Со две капки во ушите ќе ви се подобри слухот

Катерина Бојаџиева — Tue, 29 May 2018 15:50:52 +0000

Природен лек кој е особено добар при проблеми со ушите. Можете да го пробате. За негова подготовка потребно ви е: 3 чешниња лук, маслиново масло, шишенце и газа. Чешнињата лук исчистете ги од лушпите, исцедете го нивниот сок и измешајте го со маслиново масло, па ставете ги во шишенце. Капнете 2 капки во увото и одморете додека не се впие, а потоа прекријте со газа за да не истече. Лукот, всушност, има неколку стотици терапевтски својства, потврдени од страна на научни истражувања. Лук – со зголемување на преваленцијата на бактерии отпорни на мулти-лекови и неуспехот на конвенционалните лекови да развијат ефективни решенија против нив природата уште еднаш ја доби својата шанса.

Славниот музичар го губи слухот

Ивона Петрова — Sat, 13 Jan 2018 18:44:58 +0000

Славниот музичар и легендарен гитарист Ерик Клептон изјавил дека продолжува да работи, но свесен е дека пред него има многу предизивици бидејќи се потешко му е да свири поради болеста која ја има. Клептон вели дека поради болеста тинитус го губи слухот. За Би-Би-Си Радио 2 тој вели дека му ѕвони во внатрешнотста на увото, но дека продолжува со работа и дека во јули ќе свири на Британскиот летен фестивал во Хајд парк. -Единствено се грижам да не го загубам слухот, вели музичарот кој минатата година имаше проблеми со болки во грбот, а подоцна со заболување на периферните нерви. -Се надевам дека луѓето ќе дојдат за да ме слушнат, а не од љубопитност. Знам дека ќе има и дел такви, бидејќи е неверојатно што уште сум тука, додава легендарниот гитарист.