службена положба – Kurir.mk

Кривична пријава за злоупотреба на службена положба, фалсификување службена исправа и кражба

Тале Кристо — Fri, 09 Jun 2023 11:33:04 +0000

Надворешната канцеларија за криминалистички работи Берово, до Основното јавно обвинителство Кочани поднесе кривична пријава против Љ.С.(61) од Берово, Т.Ч.(49) од с.Мачево, беровско и В.Џ.(39) од с.Русиново, беровско, поради постоење основи на сомнение за сторени кривични дела „злоупотреба на службена положба и овластување“, „фалсификување службена исправа“ и „кражба“. Во периодот од јули 2021 година до октомври 2022 година, прво и второпријавениот, вработени во ЈП „Национални шуми“ - подружница „Малешево“ – Берово, му овозможиле на третопријавениот да изврши сеча, дотур и превоз на дрвна маса од парцели во приватна сопственост, со што се стекнал со вкупна материјална корист од 3.306 446 денари.

Службена победа за Шкендија, суспендиран стадионот на Шкупи

Дарко Андоновски — Wed, 09 Nov 2022 16:50:34 +0000

Комисијата за натпреварување на ФФМ вечерва на вонредна седница по повод денешните инциденти на четвртфиналниот куп натпревар меѓу Шкупи и Шкендија го регистрираше дуелот со службената победа на гостинскиот тим од 3-0. Теренот на Шкупи, како што официјално е соопштено, се суспендира за одигрување првенствени и куп натпревари, а актуелниот шампион е предаден на натамошна постапка на Дисциплинска комисија на ФФМ. Шкупи мора да пријави терен за одигрување на натпреварите како домаќин најмалку 100 километри оддалечен од стадионот Чаир во Скопје. Натпреварот меѓу Шкупи и Шкендија беше прекинат непосредно по водечкиот гол на гостите во 10 минута, кога група навивачи на домашниот тим влегоа на теренот со намера физички да се пресметаат со гостинските фудбалери.

Кривична пријава против две лица за злоупотреба на службената положба и овластување, фалсификување службена исправа и употреба на исправа со невистинита содржина

Тале Кристо — Wed, 31 Aug 2022 13:04:34 +0000

Единицата за економски и компјутерски криминал при СВР Скопје поднесе кривична пријава против М.К.(47) од Скопје поради постоење основи на сомнение за сторени кривични дела „злоупотреба на службената положба и овластување" и ,,фалсификување службена исправа" и против Н.М.(24) од Сојузна Република Германија поради постоење основи на сомнение за сторени кривични дела „злоупотреба на службената положба и овластување" и „употреба на исправа со невистинита содржина". Првопријавениот, вработен во Управата за водење на матични книги, Подрачно одделение за матично работење Скопје, на второпријавената и издал извод од матична книга на родените за нејзината малолетна ќерка и во него внел невистинит матичен број и место на раѓање. Ваквиот извод таа го употребила во прилог на барање за издавање на пасош на својата малолетна ќерка поднесено во Амбасадата на РСМ, во Бон, Сојузна Република Германија.

Кривична пријава за злоупотреба на службена положба

Тале Кристо — Mon, 16 May 2022 15:27:54 +0000

Одделот за внатрешна контрола, криминалистички истраги и професионални стандарди при МВР до надлежното јавно обвинителство поднесе кривична пријава против С.Б. (37), поранешен референт во Одделот за граѓански работи во Скопје, поради постоење основи на сомнение дека сторил две кривични дела: „злоупотреба на службена положба и овластување“ по чл. 353 став 1 и „фалсификување службена исправа“ по член 361 став 1, а во врска со член 44 и 45 од КЗ. Имено, пријавениот С.Б. во својство на овластено службено лице-референт во шест наврати ја злоупотребил службената положба и овластување и внесувал невистинити податоци во четири сообраќајни дозволи дека возилата имаат вградени клима фолии без претходно прибавена потврда за сообразност- А тест, а во две сообраќајни дозволи внел податоци дека имаат вграден ТНГ-плински уред без претходно прибавена потврда за сообразност. С.Б. веќе не работи во МВР.

Кривична пријава против кичевчанец за злоупотреба на службена положба

Тале Кристо — Wed, 23 Feb 2022 15:53:32 +0000

ОВР Кичево поднесе кривична пријава против З.К.(63) од Кичево, поради постоење основи на сомнение за сторено кривично дело „злоупотреба на службена положба и овластување“. Тој, на 29.04.2021, во својство на раководител на Шумското стопанство „Лопушник“ од Кичево, незаконски склучил писмена спогодба со правно лице, кое без финансиски надомест требало да изврши отстранување на дрва од обележани траси кај месноста „Прострање Белица“. Од проверките извршени од Одделението за внатрешна ревизија на Јавното претпријатие „Национални шуми“ било констатирано дека за склучената спогодба не било дадено овластување од директорот на ЈП„Национални шуми“. Со тоа пријавениот овозможил да биде исечено буково огревно дрво во вкупна маса од 332,5 метри кубни при што е причинета материјална штета од 2.327.500 денари.

Обвинителен акт против пет лица за злоупотреба на службената положба и овластување

Магдалена Андонова — Tue, 04 May 2021 12:27:38 +0000

По спроведена сеопфатна истражна постапка, Основното јавно обвинителство за гонење на организиран криминал и корупција поднесе Обвинителен акт против поранешниот претседател на Државната изборна комисија, тројца вработени во ДИК и еден управител на економски оператор. Обвинетите се товарат дека кривичното дело „злоупотреба на службена положба и овластување“ од член 353 став 5 од Кривичниот законик го сториле при две јавни набавки со што го оштетиле Буџетот на Република Македонија за 1 312 409,00 денари. Имено, И.Ќ., А.А. и А.Ш. вработени во ДИК, како членови на Комисијата за јавни набавки, во периодот од февруари до септември 2020 година неизвршувајќи ги своите службени должности при спроведување на постапката за јавна набавка на софтверот за изборите, не го почитувале минималниот законски рок за поднесување понуди, не утврдиле дека економскиот оператор ДУНА ДОО Скопје не ги исполнува условите за учество во постапката и притоа не спровеле правилна постапка за евалуација на доставените понуди, туку понудата ја оцениле како прифатлива и доделиле максимален број на бодови. Врз основа на Извештајот од спроведена постапка, првообвинетиот О.Д. како претседател на ДИК без да изврши контрола на постапката за евалуација на понудите, донел одлука за избор на најповолен понудувач. Откако постапката била поништена, првообвинетиот спротивно на мислењето на Бирото за јавни набавки, донел одлука за спроведување на постапка со преговарање без објавување на оглас и притоа по негови насоки биле намалени критериумите за вреднување на економските оператори во делот на квалитет. Покани за поднесување понуди за Набавка на нови и надградба на постојните софтверски решенија во ДИК биле испратени до два економски оператори и во повторената постапка повторно како најповолен понудувач бил избран економскиот оператор ДУНА ДОО со кој првообвинетиот потпишал Договор за јавна набавка. Иако бил должен пред да го потпише Договорот и пред да го имплементира софтверот да обезбеди негово тестирање заради утврдување дали истиот ги исполнува бараните услови, тој не го сторил тоа и дозволил истиот да се пушти во употреба без спроведено тестирањето и без направен квалитативен и квантитативен прием на услугата од Договорот. На ваков начин за економскиот оператор била прибавена корист – право да учествува во постапка за јавна набавка и да склучи договор на износ од 899.999,00 денари. Во постапката за Набавка на телевизори што ќе овозможат приказ на резултати од избори во надворешни услови, изготвувањето на техничката спецификација за јавната набавка било во консултации со учесник во постапката обвинетиот И.В. Покани биле испратени до 5 економски оператори на контакт адреси што не биле регистрирани во Бирото за јавни набавки, а единствениот понудувач бил економскиот оператор ТАРДИС ДООЕЛ Скопје. Обвинетиот А.Ш. како претседател на Комисијата за јавни набавки, спротивно на правилата, иако знаел и бил свесен дека обвинетиот И.В. како овластено лице на единствениот понудувач е изготвувач на техничката спецификација, ја евалуирал понудата и во Извештајот за спроведена постапка, без да присуство на членовите на комисијата, дал предлог понудата да биде избрана за најповолна понуда. Обвинетиот О.Д. го прифатил предлогот и донел Одлука за избор на најповолен понудувач за предметната набавка. На ваков начин за економскиот оператор била прибавена корист – право да учествува во постапка за јавна набавка и да склучи договор на износ од 412.410,00 денари со вклучен ДДВ.

службена положба – Kurir.mk

Кривична пријава за злоупотреба на службена положба, фалсификување службена исправа и кражба

Службена победа за Шкендија, суспендиран стадионот на Шкупи

Кривична пријава за злоупотреба на службена положба

Кривична пријава против кичевчанец за злоупотреба на службена положба

Обвинителен акт против пет лица за злоупотреба на службената положба и овластување​

Обвинителен акт против пет лица за злоупотреба на службената положба и овластување