службено лице – Kurir.mk

Спасовски: Мерките за напад врз службено лице треба да бидат брзи и ефикасни

Ивана Ефремовски — Fri, 20 Oct 2023 14:08:09 +0000

Додека јас раководам со Министерството за внатрешни работи, немало определено мерка притвор за напад на службено лице. Тоа покажува дека недоволно се води сметка во овој дел, бидејќи тој што напаѓа службено лице, тој ја напаѓа државата и треба да сноси одговорност, изјави министерот за внатрешни работи Оливер Спасовски. Одговарајќи на новинарско прашање за нападот врз службено лице од страна на крадци на дрво во селото Смиловци што се случи пред две години, од кои дел беа ослободени поради недостиг на докази, Спасовски потенцираше дека мерките во овој дел треба да бидат брзи и ефикасни, бидејќи, според него, неказнивоста раѓа нов проблем. - Затоа заеднички покренуваме дебати во овој дел. Морам да признам дека сега имаме многу подобра соработка од претходно со Јавното обвинителство кое се занимава со службените овластувања на полициските службеници. Многу почесто дискутираме за проблемите што ги имаме. Но, сепак, мислам дека правопропорционално треба да оди и заштитата на човековите права, но и заштитата на службените лица, посочи министерот Спасовски. (МИА) Фото: МИА

Кривична пријава против тетовец за напад на службено лице

Тале Кристо — Mon, 06 Feb 2023 16:33:23 +0000

СВР Тетово поднесе кривична пријава против Д.С.(31) од Тетово, поради постоење основи на сомнение за сторено кривично дело „напад на службено лице при вршење на работи од безбедноста“. На 22.12.2022 во Тетово, пријавениот физички нападнал полициски службеник кој извршувал службени дејствија.

Малолетник покажувал сила на службено лице на фудбалски натпревар во Тетово

Ивана Ефремовски — Sun, 11 Dec 2022 16:58:18 +0000

На 10.12.2022 во 13:35 часот на стадион во Тетово од полициски службеници од СВР Тетово лишен од слобода е 17 годишен малолетник од Тетово. Приведен е затоа што, според пријавеното, околу 13:30 часот на фудбалски натпревар во Тетово спречувал службено лице во вршење службено дејствие. По целосно документирање на случајот ќе биде поднесен соодветен поднесок.

Србија: Новинарите да добијат статус на службено лице и бенефициран стаж

Тале Кристо — Tue, 22 Nov 2022 15:39:19 +0000

Српскиот Синдикат на полицијата и полициските старешини достави до премиерката Ана Брнабиќ иницијатива за измена на законот за новинарите да добијат статус на службени лица и бенефициран работен стаж, јави Бета. „Со донесување законски прописи што ќе ги назначат новинарите како функционери на оваа држава, ќе има правна основа дека нападот врз новинари е напад врз државата, како што е сега случајот, на пример, со полицијата“, се вели во соопштението. Тие сметаат дека на тој начин драстично ќе се намали таргетирањето на новинарите од страна на насилници, а со тоа ќе се намали и бројот на напади врз новинари. За тоа дека на новинарите треба да им се обезбеди бенефициран стаж би требало да се договорат државните органи, новинарските здруженија и невладиниот сектор Причината за тој предлог е, како што наведуваат од синдикатот, краткиот животен век на новинарите.

Велешанец со тупаници и нога нападнал полицаец кој се обидел да го претресе, други службеници го совладале и кај него пронашле марихуана и кокаин

Магдалена Андонова — Mon, 21 Nov 2022 11:03:07 +0000

Основното јавно обвинителство Велес донесе Наредба за спроведување истражна постапка против 32 – годишен велешанец за кого постои основано сомнение дека сторил кривично дело – Неовластено производство и пуштање во промет наркотични дроги, психотропни супстанции и прекурсори од член 215 и кривично дело – Напад на службено лице при вршење работи на безбедноста од член 383 од Кривичниот законик. На 17 ноември осомничениот нападнал службено лице – полицаец од СВР Велес кој се обидел да го претресе. Кога полицаецот со уште двајца колеги се доближил, осомничениот почнал да бега. Штом полицајците го стигнале, тој два пати со тупаници го удрил оштетениот полициски службеник во пределот на градите, а со нога го удрил во ногата и телесно го повредил. Сепак осомничениот бил совладан и кај него биле пронајдени 55,44 грама марихуана и 0,48 грама кокаин. Поради опасост од бегство и повторување на кривичното дело, јавниот обвинител до судијата на претходна постапка на Основен суд Велес достави предлог за определување мерка притвор. Судијата го прифати предлогот и на осомничениот му определи притвор во траење од 30 дена.

Жена нападнала службено лице, доби кривична пријава

Ивана Ефремовски — Fri, 15 Apr 2022 17:24:01 +0000

СВР Тетово поднесе кривична пријава против А.З.(26) од Тетово поради постоење основи на сомнение за сторено кривично дело „напад врз службено лице при вршење работи на безбедноста“. На 08.02.2022, пријавената физички нападнала вработена во Управата за водење на матични книги во Тетово на нејзиното работно место.

При контрола во угостителски објект 47. годишен гостиварец се заканувал на службено лице, ОЈО Гостивар покрена постапка против него

Магдалена Андонова — Thu, 23 Dec 2021 14:50:44 +0000

Основното јавно обвинителство Гостивар поведе постапка и поднесе Обвинителен предлог против 47-годишен Гостиварец кој се товари за кривично дело – Загрозување на сигурноста од член 144 став 3 во врска со став 1 од Кривичниот законик. На 2 октомври, додека се вршела акциска контрола во угостителски објект во близина на автопатот Гостивар-Тетово, обвинетиот повеќе пати се заканил на службено лице – инспектор во ОВР Гостивар кое вршело службени дејствија.

И напад врз лекар или здравствен работник ќе се смета за напад врз службено лице

Катерина Бојаџиева — Wed, 28 Jul 2021 20:49:20 +0000

Со измените во Кривичниот законик, покрај врз новинар, и напад врз лекар или друг здравствен работник ќе се смета за напад врз службено лице. Во законот, според најавата на министерот за здравство Венко Филипче, ќе има посебни кривични дела за присилба и загрозување на сигурност на лекари и здравствени работници. -Во истиот закон како кривично дело ќе се внесе и спречување на лекарите и здравствените работници во вршење службено дејствие. На овие законски измени, неколку месеци работевме со Лекарската комора и Министерството за правда. Лекарите и здравствените работници ја вршат најхуманата работа на светот и секој од нас треба да биде свесен за улогата која ја имаат. Понекогаш во нивната работа постојат предизвици кои не се во нивни домен и не можат да ги надминат, но тоа не значи дека треба животот да им биде доведен во ризик. Почитувањето меѓу лекарите, здравствените работници и пациентите е заемно, вели Филипче.

Гостиварското обвинителство поднесе обвинение за напад врз службено лице

Тале Кристо — Tue, 27 Apr 2021 16:18:08 +0000

Основното јавно обвинителство Гостивар денеска до надлежниот суд поднесе Обвинителен предлог против 49-годишен жител на Гостивар кој го сторил кривичното дело – Напад врз службено лице при вршење работи на безбедноста од член 383 став 2 во врска со став 1 од Кривичниот законик. Обвинетиот на 24 април 2021 година, во 17:10 часот, со употреба на сила спречил сообраќаен полицаец во вршење на неговите службени дејствија – пренасочување на сообраќајот на булевар „Браќа Ѓиновски“ во Гостивар. Обвинетиот управувал патничко моторно возило со кое со намера да се приклучи кон булеварот „Браќа Ѓиновски“, се приближил до службеното лице полицаец, иако тој давал знак дека не смее да се продолжи по булеварот. Обвинетиот не го почитувал дадениот знак, се доближил со возилото до службеното лице и му рекол дека сака да продолжи по булеварот. По дадено објаснување од службеното лице и барањето да се почитува дадениот знак, обвинетиот со агресивно однесување се обратил кон полицаецот со зборовите „јас ќе одам каде сакам“. Полицаецот побарал од обвинетиот да му ги даде документите за да го идентификува, но во тој момент обвинетиот го удрил по рака оштетениот полицаец, го фатил за ракавот од униформата и започнал да вози со голема брзина. Откако поради други возила запрел, обвинетиот продолжил да се заканува на службеното лице – полицаец, го турнал со двете раце, со што му нанел и телесни повреди.