служби – Kurir.mk

Украински службеник: Русите испраќаат авиони на југ, сакаат да не’ oтсечат од морето

Ристе Здравков — Sun, 06 Mar 2022 14:05:27 +0000

Украински безбедносен претставник изјави дека Русија ги собира своите сили за да го опколи источниот град Днепар. Официјалниот претставник додаде дека руската воена команда го фокусира своето внимание на јужниот фронт со цел да ја отсече Украина од Црното Море. Во последниве денови, борбите и гранатирањето ескалираа во клучните северни градови, вклучувајќи ги Харков, Чернихив и Суми, додека руските трупи се обидуваат да се доближат до главниот град Киев.

Маричиќ и Спасовски без НАТО сертификати – Едниот поради соработка со служби, а другиот поради корупција

Тале Кристо — Sat, 13 Feb 2021 09:41:26 +0000

НАТО алијансата без безбедносен сертификат остави и двајца министри од владата на Заев, а речиси и да нема човек од СДСМ и во владата на кој НАТО може да му додели ваков сертификат. Имено, министерот за внатрешни работи Оливер Спасовски и министерот за правда Бојан Маричиќ се без НАТО сертификати. Се поставува прашањето од кои причини истите не можат да добијат таков сертификат. Дали кај едниот станува збор за корупција а другиот поради соработка со други служби? Ова прашање вчера го покрена потпретседателот на ВМРО-ДПМНЕ, Александар Николоски кој дирекно ги повика министрите Спасовски и Маричиќ да одговорат дали се без НАТО сертификат поради тоа што едниот имал соработка со странска служба, а другиот поради корупција. Во вчерашната изјава пред судот потпретседателот на ВМРО-ДПМНЕ, Александар Николоски околу не добивањето на НАТО сертификати за министрите Спасовски и Маричиќ истакна дека станува збор за голем скандал и истите треба да си поднесат оставка. -Мислам дека се работи за апсолутен скандал и минимум што треба да направат е да поднесат оставка еве една јавна провокација, јас не сакам да бидам досаден во изјави, значи една јавна провокација до двајцата дали едниот нема безбедносен сертификат заради соработка со служби кои што не се дел од НАТО алијансата вториот заради корупција, кажа Николоски. Инаку, НАТО веќе и врати на Шекеринска двајца претставници од Брисел. Од опозициската ВМРО-ДПМНЕ обвинуваат дека цела влада на Заев и нивните кадри се проблематични за НАТО, Спасовски и Маричиќ се едни во низата претставници на власта на Заев кои не добиле сертификат, НАТО веќе и врати на Шекеринска двајца претставници од Брисел.

„Тајмс“: Лондон сака поголеми овластувања за службите за безбедност поради странско мешање

Тале Кристо — Wed, 22 Jul 2020 06:07:35 +0000

Британскиот премиер Борис Џонсон планира да им даде поголеми овластувања на безбедносните служби за да се спречи надворешното мешање во Велика Британија, објави „Тајмс“. Владата се подготвува да воведе нови закони поврзани со контрашпионажа, пишува весникот, додавајќи дека со нив може да се воведе „регистар на странски агенти“, воспоставен по примерот на САД и Австралија. Секој што нема да се согласи со тоа, може да биде уапсен или депортиран, се вели во извештајот. Написот во „Тајмс“е во исто време со парламентарниот извештај, објавен вчера дека британската Влада не успеала да утврди дали Русија се меша во референдумот во 2016 година за членството на Велика Британија во Европската унија. Долгоочекуваниот извештај на парламентарната комисија за безбедност и разузнавање откри дека Русија се обидела да влијае на референдумот во 2014 година на кој гласачите во Шкотска одбиле независност. Русија се мешаше во шкотскиот референдум за независност во 2014 година, а британската влада не бараше потемелна истрага за можното влијание на Кремљ врз гласањето за брегзит, се вели во извештајот на британскиот парламентарен комитет објавен вчера. Извештајот беше комплетиран во март 2019 година, но сега е објавен. Во извештајот се додава дека има и индикации од отворени извори дека Русија се обидела да влијае на кампањата за брегзит, но дека британската Влада не барала посилни докази за руско мешање.

Иранските служби апсат соработници на терористите од Ахваз

Ристе Здравков — Mon, 24 Sep 2018 09:25:10 +0000

Иранскиот министер за разузнавање Махмуд Алави денеска информираше дека е уапсена поголема мрежа осомничени соучесници во нападот врз војници на Револуцоинерната гарда во градот Ахваз. - Ќе ги идентификуваме сите терористи поврзани со овој напад. Голем дел од мрежата веќе е уапсен, изјави Алави. Најмалку 29 лица беа убиени, а над 70 ранети во нападот извршен од четворица напаѓачи, кои скриле оружје во близина на булеварот по кој се одржи парадата. Терористите стрелале врз војниците и врз граѓаните собрани да го одбележат почетокот на Иранско-ирачката војна, а меѓу убиените има и жени и деца. Сите напаѓачи биле убиени, но се трага по нивните соработници. Одговорност преземаа повеќе сунитски арапски исламистички групи, меѓу кои и Исламската Држава, а Иран ги обвини САД и Израел за вмешаност. Се работи за западна област богата со нафта во која има арапско малцинство.