смартфони – Kurir.mk

„ЛГ“ е првиот голем производител на смартфони кој поради загуби го затвора својот синџир на производство

Тале Кристо — Mon, 05 Apr 2021 08:30:49 +0000

„ЛГ“ е првиот голем производител на смартфони што се повлекува од пазарот Сеул, 5 април 2021 (МИА) – Јужнокорејската компанија „ЛГ електроникс инк.“ е првиот голем производител на паметни телефони што го затвора својот синџир на производство поради загуби, откако не најде нов сопственик. Одлуката за повлекување ќе остави празни околу 10 отсто од пазарот во Северна Америка, каде што беше трет, а каде „Самсунг електроникс“ и „Епл инк.“ ќе се борат за тој дел од пазарот. – Во САД, „ЛГ“ целеше кон пазарот на уреди од средна и ниска класа и тоа значи дека „Самсунг“, кој има поумерени цени од „Епл“, ќе биде во подобра позиција кај купувачите на „ЛГ“, смета Ко Еуи-јанг – аналитичар во „Хај инвестмент енд секјуритис“. Одделението за паметни телефони на „ЛГ“ забележа загуби од скоро 4,5 милијарди долари за шест години. Напуштањето на ваков конкурентен пазар ќе му овозможи на „ЛГ“ да се посвети на области како што се – делови за електромобили, паметни домови и слични системи и уреди, се вели во соопштението на компанијата. Според познавачите, компанијата била потисната од недоволно знаење за спротивставувањето на новите кинески конкуренти. Тековниот глобален удел на ЛГ е само два отсто. Оттаму лани лансираа 23 милиони паметни телефони на пазарот, додека Самсунг пласираше 256 милиони уреди. „ЛГ“ ќе обезбедува поддршка и нови верзии на програмите за постојните корисници уште некое време.

Ако имате ваков мобилен веднаш сменете го: Листа на 15 најрадиоактивни смартфони

Катерина Бојаџиева — Wed, 13 Feb 2019 11:50:16 +0000

Една од најголемите опасности од користењето паметни телефони, е радиоактивното зрачење. Сè уште е отворено прашањето околу тоа колку е штетна дневната употреба на смартфон. Но, познавачите од бугарскиот портал „Статиста“ составија листа од 16 најрадиоактивни паметни телефони. Во неа влегуваат: Шаоми Ми А1, Ми Макс 3, Ми Микс 3, Редми ноут 5, потоа – Уанплус 6, 6Т и 5Т, Ха-те-це У12 Лајф, Ха-те-це Дизаер, Сони Експирија Икс-зед-1, ЗТЕ Аксон 7 мини, Гугл Пиксел 3 и 3 Икс-ел, Ајфон 7 и 8.

Родители, оставете ги вашите смартфони кога сте со децата, еве и зошто

Предраг Кукиќ — Mon, 29 Oct 2018 07:25:50 +0000

Брзо „лајкување“ на нечија порака или испраќање фотографии на групни е-разговори можеби не е нешто, но мали деца ќе се лутат и приговараат ако родителот постојано гледа во смартфон во нивно присуство. Во американска студија е утврдена поврзнаост меѓу детското лошо расположение и честото родителско гледање во мобилен телефон. Во студијата биле вклучено 172 семејства со деца помлади од пет години, објавено е во германското списание Психологија денес. Истражувачите нагласуваат дека извлекување мобилен и свртување од плачливо дете дава олеснување на родител. Но, во исто време тие губат можност за важен контакт со детето. Родителите кои често пуштаат да ги прекинува нивниот мобилен создаваат кај детето чувство дека уредот го контролира контактот и вниманието. Поради тоа, вниманието за детето станува непредвидливо. Родителите може да бидат физички присутни, но само повремено се присутни и емоционално. Затоа, тие препорачуваат – оставете ги настрана мобилните кога сте со своето дете.

Американската војска забрани употреба на телефони Хуавеи и ЗТЕ

Даниел Василев — Sat, 05 May 2018 08:42:10 +0000

Војниците во американските воени бази повеќе нема да можат повеќе да купуваат телефони на кинеските марки Хуавеи (Huawei) и ЗТЕ (ZTE), бидејќи тие претставуваат недозволива опасност за безбедноста, соопшти Пентагон. - Апаратите Хууавеи и ЗТЕ може да претставуваат неприфатлив ризик за персоналот, информациите и воените мисии, изјави портпаролот на Министерството за одбрана на САД Дејв Истборн. Тој дополни дека со оглед на тоа, не би било мудро продавниците раководенени од армијата во американските бази во светот, да продолжат да ги продаваат. Истборн прецизира дека наредбата за забрана на тие марки телефони била дадена на 25 април. Портпаролот не соопшти детали за техничките аспекти на овие потенцијални закани, но според весникот. „Волстрит џурнал" Пентагон стравува дека кинеската влада може да ги следи војниците преку уредите на Хуавеи и ЗТЕ.. Портпаролот на Хуавеи Чарлс Зинковски изјави дека апаратите на компанијата одговараат на највисоките барања за безбедност и приватност во секоја земја во која оперира, вклучително и во САД.

Кој е најпродаваниот смартфон годинава?

Даниел Василев — Fri, 04 May 2018 11:16:51 +0000

Наспроти очекувањата, iPhone X е продаден во 16 милиони примероци што го прави најпродаван смарфон во првиот квартал од 2018. година. Во првите три месеци iPhone успеа да продаде дури 16 модели Х, објави агенцијата за истражување на пазарот Стратеџи Аналитикс. iPhone 8 и iPhone 8 Plus ги зазедоа второто и третото место, бидејќи се продадени во 12,5 милиони, односно 8,3 милиони примероци. -Втор квартал по ред, iPhone X останува најпродаван смартфон во светот, првенствено поради совршениот дизајн, софистицирана камера, прилагодливи апликации, вели Џуха Винтер, сениор аналитичар во агенцијата. Освен производите на Епл, во првите 5 се најдоа Xiaomi Redmi 51 и Samsung Galaxy S8 Plus, кои се најпродаваните андроид телефони со 5,4 милиони, односно 5,3 милиони уреди ширум светот.