смедерево – Kurir.mk

Момчето ќе остане слепо на едното око, префрлен на лекување во Белград: Позната е состојбата на братот и сестрата кои беа повредени во експлозијата во Смедерево

Ристе Здравков — Fri, 01 Sep 2023 06:52:03 +0000

Во експлозијата што се случи синоќа во Смедерево загинал Ѓорѓе А.(56) кој го активирал експлозивот, а повредени се братот и сестрата Никола П. и Миљана П. кои биле во станот. Во станот во кој се случила експлозијата живееле таткото Александар П.(63), синот Никола П.(27), Миљана П.(24) и малолетното дете, внук на Александар П. По детонацијата не е во животна опасност Никола П. Се здобил со абдоминални повреди кои се окарактеризирани како тешки, но е свесен и комуникативен. „Мажот има повеќе повреди по телото, од главата, градите, стомакот и екстремитетите. За среќа, нема повреда на внатрешните органи, нема внатрешно крварење и неговиот живот не е во животна опасност. Но, тој има повреда на двете очи, а на едното најверојатно трајно ќе го загуби видот, за другото дијагностиката е во тек и ќе видиме што ќе направат нашите колеги во Белград, дали ќе успеат да му го спасат видот.“ вели д-р Жељко Смиљаниќ помошник директор на Општа болница Смедерево. Со полесни повреди, односно расекотини по лицето се здобила Миљана П. „Првичната дијагноза е поставена и нема знаци на повреда на виталните органи, општата состојба е стабилна и надвор од животна опасност. Насекаде има исеченици по главата и рацете. Немаше потреба од никаква хируршка интервенција кај неа“, вели д-р Смиљаниќ. Во експлозијата што се случи синоќа околу 20:30 часот во зграда на улица „Слобода“ во центарот на Смедерево, едно лице загина, а уште две се повредени. Експлозијата се случила на последниот, четврти кат од зградата, која е уништена како и двата ката подолу. Според станарите, сите 25 стана во зградата претрпеле голема материјална штета. Околу зградата и во околните улици има парчиња мебел, столарија и стакло. Звукот на детонацијата се слушал и во далечните делови на градот. Некои корисници на социјалните мрежи тврдат дека експлозијата наводно се слушнала „неколку километри подалеку“.

Нови детали за експлозијата во Смедерово: Газда на стан се скарал за кирија и активирал бомба

Ристе Здравков — Fri, 01 Sep 2023 06:32:48 +0000

Експлозијата што се случи синоќа во центарот на Смедерево ја предизвикала активирана бомба во зграда во улицата Слобода, јавува Нова.рс. Како што неофицијално пишува медиумот, експлозивот го активирал сопственикот на станот на третиот кат по кратка расправија со станарите на кои го издавал станот. Наводно, причина за кавгата била неплатена кирија. Сопственикот на станот се обидел да влезе во станот, но станарите не му дозволиле. После тоа се обидел да постави бомба во станот. Тој се разнел, додека две лица се повредени. Во експлозијата што се случи синоќа околу 20:30 часот во зграда во центарот на Смедерево, едно лице загина, а уште две се повредени. Експлозијата се случила на последниот, четврти кат од зградата, кој е уништен како и двата ката подолу. Според станарите, сите 25 стана во зградата претрпеле голема материјална штета. Околу зградата и во околните улици има парчиња мебел, столарија и стакло.

Едно лице загина, а две се повредени во експлозија во Смедерево

Ристе Здравков — Fri, 01 Sep 2023 05:54:06 +0000

Едно лице загина, а две се повредени во експлозија во зграда што синоќа се случила во Смедерево. Како што јави РТС, експлозијата се случила на последниот, четврти кат од зградата околу 20 часот и 30 минути. Четвртиот кат и двата ката подолу се разнесени. Причината за експлозијата сè уште се утврдува.

Институт Батут: Се шири епидемијата на мали сипаници во Смедерево

Тале Кристо — Mon, 23 Jan 2023 11:11:14 +0000

Српскиот Институт за јавно здравје „Д-р Милан Јовановиќ Батут“ денеска соопшти дека кај 14 лица во Смедерево се потврдена мали сипаници. Станува збор за десет невакцинирани лица (под две години) и четири возрасни лица со непознат и нецелосен статус на вакцинација (вработени во здравствена установа, трудници). Кај две заболени деца има компликации во форма на пневмонија, хоспитализирани се две лица. Примените во болница и тие кои се во домашна изолација се во стабилна состојба, се наведува во соопштението од Институтот. Епидемијата на мали сипаници во Смедерево беше пријавена на 12 јануари годинава.

Мајката знаела, но молчела: Девојче злоставувано повеќе пати од маж и малолетник во Смедерево

Ивана Ефремовски — Wed, 23 Feb 2022 09:20:58 +0000

Маж Н.М.(61), како и малолетник (17) се осомничени дека извршиле обљуба на малолетничка (13) во село кај Смедерево. Уапсена е и мајката на девојчето (38), која знаела за малтретирањето на нејзината ќерка, но не го пријавила, а осомничена е и дека го “нудела“ детето. Како што објавија српските медиуми, Н.М., инаку семеен пријател на детето, добил притвор до 30 дена по рочиштето во Вишото јавно обвинителство Смедерево. Мајката на девојчето била сослушана во Основното обвинителство во овој град, таа се товари за запуштање и малтретирање на детето, како и за поткуп и овозможување проституција, па затоа и е одредена мерка притвор. Малолетникот во текот на минатата година имал сексуални односи со ова девојче, па против него во редовна постапка ќе биде поднесена кривична пријава. Наводно, во текот на 2021 година, пријавените имале сексуални односи со девојка. Засега има индиции дека тоа се случувало неколку пати, но истрагата ќе ги утврди сите детали, -Мајката на девојчето знаела за сето тоа, но не направила ништо за да ги спречи мажите да имаат секс со нејзината ќерка, а таа наводно ја принудувала. Таа не сакала да одговара на прашањата на обвинителот, туку се бранела со молчење, објаснува извор за српските медиуми.

Телата на жртвите оставени покрај возилото: Фотографии од тешката сообраќајка во Смедерево, автомобилот целосно смачкан

Ивана Ефремовски — Fri, 09 Jul 2021 07:21:41 +0000

Рано утрово во Смедерево се случи ужасна сообраќајна несреќа, во која загинаа три лица. Имено, дошло до судир на автобус со белградски регистарски ознаки и патнички автомобил. Возачот, совозачот и патникот од автомобилот ги загубија животите. Неколку патници во автобусот се повредени, а медицински екипи им пружаат помош. Според првичните информации кои ги пренесува Пинк, судирот се случил кога автобусот преминал на спротивната лента и се судрил со автомобилот. Како што може да се види на фотографијата од местото на настанот, автомобилот е целосно смачкан, додека големи штети се предизвикани и во автобусот. Телата на жртвите биле покрај автомобилот.

Страшна трагедија го потресе регионот: Четиригодишно дете загина откако врз него паднала капија од двор

Матеја Петровски — Mon, 02 Jul 2018 08:48:20 +0000

Четиригодишно дете починало во Ургентниот центар во Белград, откако над него паднала капија од двор. На четиригодишното момче В.С. на улицата Кирил и Методиј во Смедерево, во вчера вечерта околу 18:20 му паднала капија од двор, најверојатно од куќата на соседите. Детето се здобило со повреди поради кои подоцна во 21:30 починало во Ургентниот центар во Белград.