смеење – Kurir.mk

Јована Јеремиќ изгуби контрола во емисија ВО ЖИВО: Не можеше да престане… (ВИДЕО)

Ивана Ефремовски — Sat, 17 Jun 2023 14:14:54 +0000

Водителката Јована Јеремиќ која секој викенд во „Ново викенд утро“ на ТВ Пинк ги изненадува гледачите со необични комбинации, утрово ги шокираше сите, вклучително и гостите во студиото. Имено, во еден момент додека гостинот зборувал, Јеремиќ ја ставила раката на лицето и почнала да се смее. Гостинот се насмевна, но продолжи да зборува, за потоа водителката да ја фрли главата назад и да ги испружи нозете во столот, да почне гласно да се смее и да им се извини на присутните. „Го имав првиот напад на смеење во 15 години! Се извинувам, прости ми“, рече Јована.

pic.twitter.com/jdf3Wrd0J1
— ScepanCar (@ScepanCar) June 17, 2023

ЕВЕ ШТО СЕ СЛУЧУВА ВО ВАШЕТО ТЕЛО КОГА СЕ СМЕЕТЕ – кога ќе го прочитате ова, ќе се смеете МНОГУ ПОЧЕСТО

Магдалена Андонова — Fri, 27 May 2022 13:51:04 +0000

Науката за смеата, иако се уште е прелиминарна, сугерира дека таа има огромна придобивка за нашето здравје и ментална благосостојба, пишува lovesensa.rs. Еве само седум важни причини зошто смеењето е здраво и кои се нејзините придобивки за вашата психофизичка состојба. Смеата ги подобрува вашите односи Истражувањата покажуваат дека смеењето ве прави поотворени за нови луѓе и ви помага да изградите и зајакнете врски. Секое пријателство или врска со колегите без смеа би било апсолутно досадно и неодржливо. Смеењето ја зајакнува меморијата и го намалува стресот Истражувањата покажаа дека смеењето може да ја изостри вашата способност да запомните нешта и во исто време да го намали хормонот на стрес кортизол, особено кај постарите лица. Смеата ве прави издржливи Дали некогаш сте се насмеале во непријатна или тешка ситуација? Тоа е затоа што смеењето може да ви помогне да ги регулирате вашите емоции кога ќе се соочите со предизвик. Така, го зголемува степенот на вашата издржливост, односно отпорност на стрес и негативни емоции. Смеењето го подобрува вашето здравје На пример, една студија на пациенти со дијабетес покажа дека смеењето го намалува стресот и воспалението и го зголемува добриот холестерол. Друга студија сугерира дека само предвидувањето на смешен настан ја зајакнува функцијата на имунитетот, а истовремено ги намалува хормоните поврзани со стресот. Смеата те прави подобар ученик Кога се обидуваме да научиме нешто ново, обично сме прилично сериозни, но истражувањата покажуваат дека доброто смеење додека учите нов материјал ќе ви помогне да се ангажирате повеќе. Дури и кога сте целосно лоши во нешто, смислата за хумор е од суштинско значење за да не бидете мрзливи и безволни. Смеата ве прави привлечни Една неодамнешна студија потврдува дека хуморот и разиграноста се високо ценети особини кај потенцијалните романтични партнери. Смеата ви помага да го направите светот подобро место Зошто? Тоа е заразно, барем на ниво на мозокот, според истражувањето на Софи Скот. А светот секогаш може да користи малку (ако не и многу) повеќе интелигенција.

Почина познатиот Хуан: Светот го знаеше само по едно видео, по неговото смеење (ВИДЕО)

Ивона Петрова — Thu, 29 Apr 2021 07:27:30 +0000

Популарниот телевизиски лик Хуан Хоја Борха (65) познат како „Ел Риситас“ починал во болница во Севиља. Во септември 2020 година тој бил хоспитализиран во болница, а поради болест му била ампутирана ногата. Планетарната популарност ја стекна со своето смеење во една емисија. Видеото стана вирално, а извадоци од неговот смеење се користеа за голем број монтажи.

Смејте се и ако ви е тешко, стресот ќе избега од вас

Ивана Ефремовски — Mon, 15 Jun 2020 17:33:38 +0000

Иако долго време се воделе дебати за оваа тема, сега едно истажување покажува дека смеењето го намалува нивото на стрес, па макар и да е вештачко. Универзитетот во Канзас спровеле експерименти врз студентите задавајќи им задачи кои предизвикувале стрес и анксиозност и откриле дека оние кои се смееле биле под помал стрес од другите. -Сакавме научно да го потврдиме ова дека смеењето е лековито, изјавила Тара Крафт раководител на истражувањето. Студијата покажала дека било какво смеење макар и вештачко, го намалува стресот и го подобрува расположението. Смеењето е особено делотоворно кога е искрено. Сепак, следниот пат кога ќе се нервирате за нешто само насмевнете се и полесно ќе поминете низ сите ситуации.

Зошто децата се смејат почесто од возрасните?

Катерина Бојаџиева — Sat, 06 Apr 2019 15:03:24 +0000

Зошто децата постојано се смејат и покрај временски неприлик и покрај болеста и сиромаштијата? Затоа што на сосема поинаков начин ги разгледуваат ситуациите кои ги опкружуваат. Понекогаш најголемите лекции од животот можеме да ги научиме токму од децата. Немаат молив? Ќе цртаат со креда. Немаат топка? Ќе ја искористат кутијата. Немаат скејтборд? Ќе се снајдат некако со нешто друго. Децата ќе импровизираат куќа во природа, ќе прават колачи од снег, дворци од песоци, ќе трчаат боси по трева, ќе скокаат во барички, ќе фаќаат гуштери, ќе хранат штотуку родени мачки, ќе си играат со топки направени од кал, ќе лижат мразулци преправајќи се дека се сладолед. Ќе заиграат на мраз, ќе си играат со лисја, ќе скокаат, ќе викаат, ќе се качуваат на сѐ и сешто и ќе бидат многу посреќни од многу возрасни кои имаат неспоредливо повеќе. Кога ќе им се придружи ново другарче, тие не се замараат за неговата материјална состојба, за вера, боја, кожа, за историјата на неговите родители, за имотот што го поседува, ниту за облеката која ја носи. Од тригодишник нема да чуете: „Кажи ми каков си бил како бебе. Цицаше или пиеше млеко од шише? Дали носеше „Памперс“ или други пепени? Јас се дружам само со оние кои носеле „Памперс“. Децата уживаат во сегашниот момент и заедно создаваат спомени – додека многу ворзрасни постојано ги враќаат спомените од минатото и со тоа си ја расипуваат и сегашноста, но и иднината. Детето во секој момент ќе најде некаков начин за да се забавува и максимално ќе го искористи своето време и ситуацијата во којашто се наоѓа. Ќе направи гаража за автомобили од кутија од чевли, ќе направи авион од хартија, ќе се прска со вода, ќе игра со стапчиња од сладолед, ќе пее подеднакво гласно иако нема талент и што е најважно – искрено ќе се смее! Благодарејќи на тоа, детството станува поубаво, повесело, поразиграно, пораспеано и пошарено, па дури и во најтешките околности за растење. Нивната фантазија е бујна, а бескрајни се волјата и желбата да си го разубаваат секој момент. Навистина малку е потребно за среќа. Секаде можеме да ја најдеме и почувствуваме, потребно е само малку добра волја. Животот го создаваме од ситници и краткотрајни моменти. Тие го создаваат совршенството, а совршенството е нашата крајна цел.

Конте со нова забрана за фудбалерите

Ивона Петрова — Mon, 12 Feb 2018 12:46:15 +0000

Фудбалерите на Челзи добија известување за несекојдневна забрана. Менаџерот Антонио Конте донел забрана за смеење за време на тренинзите. Англиските медиуми пренесуваат дека овој потег на италијанскиот стратег уште повеќе ќе ја влоши разнишаната атмосферата во таборот на „сините“. Конте смета дека ова е сосема нормално, бидејќи забавата и работата не одат рака под рака. - Мислам дека обично не се смееш кога работиш. Особено кога работиш напорно, многу е тешко да се смееш. Само со напорна работа може да се постигнат фантастични резултати кои ги имавме минатата сезона. Сега е тешко да се опишат тренинзите во моментов. Кога играш на секои три дена, е невозможно да работиш на физичката страна. Кога имаш цела недела, почнуваш со физички активности и во средината на неделава веќе ставаме акцент на тактиката и подготвување на тимот за соодветниот натпревар, изјави Конте.

ВИДЕО: Слатко папагалче кое „злобно“ се смее ќе ве расположи за добра ноќ

Ивана Ефремовски — Fri, 09 Feb 2018 21:11:47 +0000

Познато е дека папагалите го имитираат однесувањето на луѓето. Тие можат да зборуваат, пеат, да имитираат човечки гласови, па дури и да се смеат. Ова преслатко папагалче се смее секогаш кога неговиот сопственик ќе дувне во него. Тоа самото по себе е необично, но уште позабавно е неговото смеење кое звучи како злобно, а всушност е слатко. Погледнете го следново видео кое несомнено ќе ви го разубави крајот на денот.