смеса – Kurir.mk

Заборавен трик од нашите баби: Чајот од нане ќе ви ја направи косата бујна и сјајна

Ристе Здравков — Thu, 07 Sep 2023 07:34:25 +0000

Сите ние пиеме чај од нане кога се разболуваме или настинуваме, но дали знаевте дека можете да го користите и за здравјето на вашата коса? Нането уште од античко време е познато како многу корисен лек за целокупното здравје, а нашите баби некогаш го користеле за плакнење на косата. Постојат неколку причини зошто треба да ја миете косата со чај од нане барем неколку пати месечно. 1. Го намалува првутот Чајот има силно антиинфламаторно дејство, делува така што го смирува скалпот и спречува негова иритација и воспаление. Според научниците, ова е корисно не само за спречување на првут, туку и за ублажување на симптомите на псоријаза. Исто така, антисептичките состојки во чајот ги отстрануваат мртвите клетки на кожата и нечистотиите кои можат да ги блокираат фоликулите на косата, спречувајќи ги да се затнат и дозволуваат косата да расте. 2. Спречува брзо побелување на косата Соединенијата кои се наоѓаат во чајот можат да ги балансираат нивоата на pH на скалпот, нормализирајќи го производството на масло. Ова е корисно за луѓето со мрсна коса, како и за оние со малку посува коса: за првата категорија, чајот делува адстрингентно, го регулира производството на себум и спречува акумулација на вишок себум на скалпот, додека за втората категорија на луѓе, чајот делува така што ја храни и хидрира косата, ја неутрализира сувоста и го спречува првутот. 3. Дава свежина на косата и убав мирис Без разлика дали ви се допаѓа вкусот на нане, мора да признаете дека мириса многу убаво. Ако ја исплакнете косата со чај од нане, таа ќе мириса свежо и чисто. Како да користите чај од нане за плакнење на косата? Користете две до четири кесички чај од нане, или 2 лажици суви листови од нане. Сварете две шолји вода, па прелијте го нането. Оставете да отстои околу половина час за да стане појак. Измијте ја косата со шампон, исплакнете го шампонот, а потоа нанесете чај од нане на косата. Можете да го прелиете или да го истурите чајот во шише со распрскувач и да испрскате. Втријте го чајот во косата со прстите – не треба да го плакнете потоа. Исушете нежно со крпа, а потоа со фен.

НАПРАВЕТЕ СОВРШЕНИ ПАЛАЧИНКИ: Ова правило одредува колку јајца, а колку брашно оди во смесата

Ристе Здравков — Mon, 27 Mar 2023 11:17:08 +0000

Многу домаќинки пробуваат се и сешто за да добијат совршена смеса за палачинки, додека за повеќето се чини дека нема ништо полесно од подготовка на едно од омилените задоволства. Сепак, не е сè толку едноставно како што изгледа, но постои трик кој ќе ги направи палачинките совршено меки и вкусни. Тајната е во количината и квалитетот на поединечните состојки. Колку јајца да додадете во тестото? Многу луѓе мислат дека колку повеќе јајца стават во смесата, толку ќе биде повкусна, повоздушеста и подобра. Сепак, обично тука е грешката, благодарение на која омиленото уживање може да стане тврдо како гума. Значи, ако ставите 3-4 јајца во 500 мл млеко, тоа е премногу, а едно јајце е сепак премалку. Па како да се погоди мерката? Идеална количина е 2 јајца на секои 500 мл млеко. Овој однос обезбедува подготовка на најубавите палачинки. Освен јајцата, важен елемент е и брашното, кое зависи и од тоа дали палачинките ќе бидат меки. Ако користите 2 јајца и 500 мл млеко, тогаш додадете 300 гр брашно. Задолжително просејте го, и по можност неколку пати.

Лековита смеса за деца која штити од грип и болести

Ивана Ефремовски — Fri, 23 Dec 2022 19:01:07 +0000

Смесата содржи само природни состојки кои изобилуваат со витамини и минерали, а покрај тоа е вкусна. Треба точно да се дозира и редовно да се консумира. Со помош на овој препарат ќе го изградите и зајакнете вашиот имун систем и ќе направите заштитна бариера од вирусни инфекции. Доколку сакате да го подобрите имунитетот на вашите деца, ви го предлагаме овој рецепт: 100 грама суво грозје 150 грама ореви 100 грама бадеми Кора од два лимони Сок од два лимони 100 грама суви кајсии 100 грама суви сливи 250-300 милилитри мед Смелете го јаткастото овошје и изрендајте ја лимоновата кора. Во мешавината додадете го сокот од лимоните, измешајте, па потоа додадете го сувото овошје кое претходно сте го исечкале. На крај, додадете го медот и повторно измешајте. Смесата складирајте ја во стаклени тегли. Оставете да отстои 1-2 дена на темно и суво место. Потоа чувајте во фрижидер. На деца од 3 до 5 години давајте по една чајна лажичка дневно пред било кој оброк, а најдобро пред појадок. На деца постари од 5 години давајте по две лажички дневно, пред оброк.