сметки за струја – Kurir.mk

Како сметката да биде помала доколку сте на централно греење? Експерт ја открива тајната – поради оваа грешка радијаторите „влечат“ како луди!

Магдалена Андонова — Fri, 30 Sep 2022 13:11:24 +0000

На многумина од нас не им се допаѓа овој преоден рок бидејќи создава голема дилема - дали да се вклучи парното или да се штеди и да се биде трпелив уште малку. Додека некои се потпираат на потопла облека, други се прашуваат како да останат топли без да потрошат многу пари. Британскиот водоинсталатер Џон Лавлес, кој е специјализиран за централно греење, откри трик кој никој не би го помислил! Тој објасни дека прашината помеѓу перките на радијаторот може да ја спречи топлината, а тоа автоматски ќе ве поттикне да ја зголемите. На овој начин трошите повеќе, бидејќи упорно се трудите да ги загреете просториите. Оние кои редовно чистат радијатори, најчесто грешат затоа што земаат крпи. Ова не се препорачува, бидејќи тие шират само честички прашина. Експертите препорачуваат да го направите тоа со правосмукалка и посебен додаток. Ако немате, обидете се да импровизирате: можете да закачите картон на горниот дел од правосмукалката и на тој начин да дозволите поминување низ тесните делови. Лавлес советува пред да започнете со вакуумирање, ставете влажна крпа под радијаторот за да собере прашина. Ако радијаторите се премногу тесни, така што ни доградбата не може да помогне, тогаш користете фен, но со ладен воздух. Надворешноста на радијаторот треба да се исчисти со влажна, а потоа сува крпа. - Топлината понекогаш може да предизвика нечистотија и прашина да се залепат на ѕидот над радијаторот. Затоа е важно да се исчисти и ѕидот зад радијаторот, вели Лавлес.

Шведска најави закон со кој на граѓаните ќе им се олесни плаќањето на високите зимски сметки за струја

Магдалена Андонова — Wed, 17 Aug 2022 18:39:00 +0000

Шведската Влада денеска објави дека ќе усвои закон со кој ќе го принуди операторот на јавната мрежа за пренос на електрична енергија во земјата да помогне во ублажувањето на очекуваните високи сметки за електрична енергија оваа зима за шведските домаќинства и бизниси. Премиерката Магдалена Андерсон, чија малцинска социјалдемократска Влада се соочува со парламентарни избори следниот месец, изјави дека предлогот ќе чини најмалку 30 милијарди круни (2,9 милијарди долари). Таа додаде дека јавното претпријатие, задолжено за обезбедување на шведскиот електропреносен систем, ќе добие средства од 60 милијарди круни (5,8 милијарди долари). Андерсон наведе дека мерката е неопходна со оглед на високите трошоци за енергија поради руската инвазија врз Украина. (МИА)

Мајсторот ја издаде тајната: Сметките за струја ќе ви се намалат дупло само со почитување на овие правила!

Магдалена Андонова — Sun, 11 Jul 2021 15:15:48 +0000

Сметките за електрична енергија честопати ви создаваат главоболки, но овој сервисер ја откри тајната како да ги преполовите. Високите температури нè принудуваат често да вклучуваме клими и разни уреди за ладење и со тоа да ги зголемиме сметките за електрична енергија. Меѓу најголемите потрошувачи во домаќинството се климите, печка за складирање, печка, машина за перење и машина за миење садови, поради што треба да обрнете посебно внимание на нив, истакнува сервисерот. Можете да заштедите на потрошувачката на климатизација со намалување на температурата на ладењето. Само во една пониска фаза, можете да заштедите околу три проценти електрична енергија. Ако ги измиете алиштата на 40 степени, наместо на 60, машината ќе троши двојно повеќе електрична енергија. Исто така, исклучете го шпоретот или рерната неколку минути пред крајот, бидејќи храната ќе се готви или пече некое време додека апаратот се лади. Еве 5 корисни трикови за да ја намалите потрошувачката на енергија: Проверете ги сите прозорци и врати. Дури и преку најмалите пукнатини, топлината може да се изгуби. Намалете ја количината на облеката што ја пеглате, иако тоа не значи дека треба да излезете збрчкани. И обидете се да одолеете на пеглање пешкири, постелнина, кујнски крпи ... Заменете ги обичните сијалици со заштеда на енергија или LED сијалици, бидејќи тие трошат до 80 проценти помалку енергија и траат околу десет пати подолго од обичните. Кога и да можете, гответе оброци на големо, за два или три дена. Не е иста потрошувачката на електрична енергија ако ја вклучувате шпоретот секој ден или, да речеме, еднаш до двапати неделно. Не оставајте уреди да чекаат, но исклучете ги од струја. На пример, ТВ троши до 24 проценти енергија иако е исклучен. Околу шест проценти од електричната енергија во домаќинството оди на стенд-бај уреди.

ДДВ од 5 отсто за струјата во наредните 10 години бараат Алијанса и Алтернатива

Магдалена Андонова — Mon, 05 Jul 2021 15:33:37 +0000

Алијанса за Албанците и Алтернатива сметаат дека намалувањето на ДДВ за струјата претставува измама, бидејќи сметките нема да се намалат, а граѓаните од лани веќе плаќаат повисоки сметки. Опозициската парламентарна коалиција на Албанците бара, со цел да нема нови покачувања на сметките на граѓаните за струјатата, ДДВ-то од 5 отсто да не се зголемува во наредните десет години. Најголемата измама и најголемата штета им се нанесува на граѓаните преку две одредби во предлог законот, наведува коалицијата. - Едниот ограничува ДДВ од 5% да важи до 30 јуни 2022 година. Ова значи дека Владата планира да ги измами граѓаните само за време на локалните избори и втората одредба предвидува ДДВ да се зголеми од 1 јули 2022 година до 30 јуни 2023 година до 10%. Ваквите одредби важат само во утврдениот рок. Ова значи дека по 1 јули 2023 година граѓаните ќе плаќаат 18% ДДВ плус 12,36% покачување на цената донесена од Регулаторната комисија за енергетика, велат од коалицијата и нагласуваат дека пратеничката група на Алијанса за Албанците и Алтернатива предложи два амандмана. Првиот амандман предвидува ДДВ од 5% за електрична енергија да важи не до 2022 година, туку во текот на следните 10 години, до 2032 година. Со вториот амандман, се предлага да се брише втората одредба која предвидува раст д 10% ДДВ за следната година. - Со предлогот на Владата, направена е уште една неправда. Намалувањето на ДДВ за една година на 5% и втората година на 10%, важи само за домаќинствата додека стопанството, односно индустриската енергија ќе продолжи да се плати со 18% ДДВ, без никакво олеснување. Оваа освен стопанството која ќе биде на директен удар, ќе го почувствуваат и граѓаните, бидејќи ќе се зголемат цените на производите и услугите. Ние предлагавме со амандмани, следната година за стопанство, односно индустријата ДДВ за електрична енергија да биде 5%, додека следната година 10%, нагласуваат од коалицијата.

Ако сметките за струја се повисоки од реалната потрошувачка, граѓаните да достават жалби до РКЕ

Ивана Ефремовски — Sat, 17 Oct 2020 07:53:16 +0000

Регулаторната комисија за енергетика и водни услуги на Република Македонија ги известува потрошувачите дека можат да достават приговор до РКЕ доколку добиените сметките за електрична енергија отстапуваат од реалната потрошувачка на електрична енергија. -Доколку потрошувачите добијат сметки во кои е фактурирана нереална потрошувачка на електрична енергија, тие може да поднесат претставка до РКЕ. Комисијата за жалби која функционира во рамките на РКЕ ќе им даде приоритет на решавање. Во изминатиов период имаме укажување од потрошувачите дека добиваат високи сметки за електрична енергија за еден месец, а следниот месец добиваат само за улично осветлување. Ние по овие претставки постапуваме веднаш, вели Марко Бислимоски, претседател на Регулаторна комисија за енергетика и водни услуги. Тој потсетува дека потрошувачите имаат можност за контрола на начин што самостојно ќе ги отчитаат броилата по што можат онлајн да ја пријавуваат состојба на броило во ЕВН, со што врз основа на овие податоци за потрошувачката на електрична енергија во висока и ниска тарифа ќе добијат реална фактура за потрошената електрична енергија. -Во исто време ги потсетуваме потрошувачите од категорија домаќинства дека Универзалниот снабдувач односно ЕВН Хоме не смее да ги исклучува од системот за електрична енергија ранливите потрошувачи во месеците декември, јануари и февруари поради неплатени фактури за испорачана електрична енергија. Ранливиот потрошувач има можност за одложено плаќање или плаќање на минимум шест еднакви рати доколку има доспеан долг. Исто така, ранливиот потрошувач кој е заведен во евиденцијата на Министерството за труд и социјална политика има право од ЕВН Хоме да бара да биде ослободен од обврска за плаќање на надоместок за повторно приклучување, како и бесплатно да му се направи вонредна верификација на мерната опрема, потенцираат од Регулаторната комисија. Исто така, додаваат оттаму, согласно член 197 став (3) од Законот за енергетика („Службен весник на Република Македонија“ бр. 96/18 и „Службен весник на Република Македонија“ бр. 96/19) сите потрошувачи имаат право на надоместок на штета поради намалена испорака (испорака на електрична енергија со послаб квалитет од пропишаниот) или прекини во испораката на енергија под услови и начин утврдени во Правилата донесени од РКЕ. (МИА)