смилковско езеро – Kurir.mk

Потврдено: Алил Демири е слободен човек и нема да биде екстрадиран во Македонија

Ивана Ефремовски — Fri, 25 Aug 2023 13:51:57 +0000

Косовскиот адвокат Бесник Бериша денеска изјави дека судот во Приштина го ослободил неговиот клиент Алил Демири, осудениот на доживотен затвор во Македонија за кривичното дело „тероризам“ за петкратното убиство кај Смилковско езеро во 2012 година, јави дописникот на МИА од Приштина. Бериша за порталот „Сињали“ (sinjali.com) изјавил дека надлежниот обвинител во случајот го повлекол барањето за изрекување мерка притвор, така што Демири, кој вчера беше уапсен од косовската полиција, врз основа на меѓународна потерница распишана од македонското МВР, веќе е пуштен на слобода. - По доказите кои беа изложени од одбраната и дополнителните аргументи изнесени на испитното рочиште на кое се разгледа барањето на Обвинителството за изрекување мерка притвор, обвинителот кој го изнесе предлогот се повлече од барањето, изјави Бериша. Тој додаде дека и вчера бил убеден оти апсењето на Демири е извршено на незаконит начин и „претставува флагрантно кршење на неговите законски и уставни права“. За истиот портал, Бериша синоќа изјави дека Демири не може да се екстрадира во Македонија, бидејќи барањето на македонските власти е одбиено од косовските судови во две инстанци. - Алил Демири беше приведен и уапсен на незаконит начин, врз снова на налог на Интерпол за работа која веќе е истретирана од нашиот суд... Тој не може да биде екстрадиран во Северна Македонија и јас сум уверен деке тој утре ќе им се врати на неговото семејство и пријателите, изјави синоќа Бериша. Демири, според неговиот адвокат, е „невин за исконструрианото и извршено злосторство од страна на македонските тајни служби“. Порталот „Сињали“ објави и фотографија на Бериша и Демири пред комплексот згради, во кој се наоѓаат Обвинителството на Косово и Основниот суд на Приштина. (МИА)

Телма дознава: Косовскиот суд го ослободи Алил Демири- доживотниот осуденик за масакрот кај Смилковско Езеро

Ивана Ефремовски — Fri, 25 Aug 2023 13:01:28 +0000

Телма дознава дека судот во Приштина го ослободил Алил Демири. Демири е осуден на доживотен затвор за случајот Смилковско Езеро од април 2012-та кога беа убиени 5 луѓе. Адвокат на Демири и претставници на надлежните органи во Скопје потврдија дека бил ослободен. Веста ја објавија и повеќе косовски медиуми. Неговиот адвокат од Косово Бесник Бериша за веб медиумот sinjali.com изјавил дека обвинителот се повлекол и дека екстрадицијата веќе еднаш била отфрлена. „По приложените докази од одбраната и појасните аргументи дадени на рочиштето на кое беше адресирано барањето на Обвинителството за определување мерка притвор, обвинителот кој го застапуваше предлогот се повлече од барањето“, изјавил адвокатот Бериша за sinjali.com каде беше објавена и фотографија од осудениот на доживотен затвор за 5-кратното убиство. Демири повеќе од 11 години е во бегство, а вчера беше уапсен по меѓународна потерница издадена од Македонија, како што соопшти МВР во координација на македонската и косовската полиција.

11 години од убиствата кај Смилковско езеро

Дарко Андоновски — Wed, 12 Apr 2023 05:57:02 +0000

Денеска се навршуваат единаесет години од едно од најгрозоморните убиства во историјата на Република Македонија. На 12 април 2012 година беа убиени пет лица со огнено оружје кај Смилковско езеро во атарот на село Смилковци, Скопје. Убиените беа на возраст од 18 до 21 година: Филип Славковски, Александар Наќевски, Цветанчо Ацковски и Кире Трпковски. Бил пронајден мртов и 45-годишниот Борче Стевковски од селото Црешево. Обдукцијата врз убиените покажало дека во нив е пукано од три типа огнено оружје, зашто се најдени чаури од три различни типа муниција. На 10 километри од убиството, беше пронајдено возило „Опел Омега“, за кого беше потврдено дека било на местото на настанот за време на убиството. За овој случај беше отворен предмет под името „Монструм“, за кој имаше пресуда, но предметот одново беше вратен на судење. На доживотна казна затвор беа осудени Алил Демири, Африм и Агим Исмаиловиќ. Хаки Азири за помагање беше осуден на 9 години затвор, Фејзи Азири за истото дело на 15 години затвор. Судот го отфрли обвинението на Сами Љута. На 23 февруари 2013 година во близина на езерскиот брег, на местото викано Кршиколе или Крст, веднаш до заобиколницата бил осветен камен темелник на црквата Црква „Св. 40 Маченици“, која е посветена на убиените момчиња.

ФОТО: Пожарот кај Смилковско направи голем црн облак над Скопје, интервенираше Пожарна

Катерина Бојаџиева — Thu, 23 Feb 2023 15:57:22 +0000

Големиот пожар кој избувна попладнево кај Смилковско езеро направи голем црн облак над Скопје. Командантот на скопската Бригада за противпожарна заштита Звонко Томески за КУРИР вели дека е опожаренена трска на поголема површина, а се интервенирало со 2 возила и 5 пожарникари. Нема опасност за населението и куќите во близина.

10 години од петкратното убиство кај Смилковци, Македонија се уште тагува

Ивона Петрова — Tue, 12 Apr 2022 05:22:19 +0000

Денеска се навршуваат десет години од едно од најгрозоморните убиства во историјата на Република Македонија. На 12 април 2012 година беа убиени пет лица со огнено оружје кај Смилковско езеро во атарот на село Смилковци, Скопје. Убиените беа на возраст од 18 до 21 година: Филип Славковски, Александар Наќевски, Цветанчо Ацковски и Кире Трпковски. Бил пронајден мртов и 45-годишниот Борче Стевковски од селото Црешево. Обдукцијата врз убиените покажало дека во нив е пукано од три типа огнено оружје, зашто се најдени чаури од три различни типа муниција. На 10 километри од убиството, беше пронајдено возило „Опел Омега“, за кого беше потврдено дека било на местото на настанот за време на убиството. За овој случај беше отворен предмет под името „Монструм“, за кој имаше пресуда, но предметот одново беше вратен на судење. На доживотна казна затвор беа осудени Алил Демири, Африм и Агим Исмаиловиќ. Хаки Азири за помагање беше осуден на 9 години затвор, Фејзи Азири за истото дело на 15 години затвор. Судот го отфрли обвинението на Сами Љута. На 23 февруари 2013 година во близина на езерскиот брег, на местото викано Кршиколе или Крст, веднаш до заобиколницата бил осветен камен темелник на црквата Црква „Св. 40 Маченици“, која е посветена на убиените момчиња.

Мицкоски запали свеќа: Слава им на загинатите кај Смилковско – луѓе кои не погрешија ништо, а платија со животите

Ивона Петрова — Mon, 12 Apr 2021 11:39:32 +0000

Претседателот на ВМРО-ДПМНЕ Христијан Мицкоски денеска запали свеќа и се поклони на местото каде пред девет години се случи петкратното убиство кај Смилковското езеро. -Девет години на болка, исчекување, неправда. Девет години на лажна надеж од Заев и едно траорно и ужасно манипулирање со оваа огромна трагедија. Монструозно поигрување со болката на нивните семејства. Девет години од бруталното убиство на Филип Славковски, Александар Наќевски, Цветанчо Ацковски, Кире Трпковски и Борче Стевковски. Овие луѓе не погрешија ништо, а платија со животите. Нема да бидете заборавени. Слава им, напиша Мицкоски на Фејсбук.

Денеска пресуда за случајот „Монструм“

Ивона Петрова — Tue, 23 Feb 2021 07:05:53 +0000

Во Основниот кривичен суд во Скопје денеска треба да биде изречена пресудата за случајот „Монструм“, за петкратното убиство кај Смилковското Езеро на 12 април 2012 година. Случајот „Монструм“ го води судијата Огнен Ставрев, а застапници на обвинението се Фатиме Фетаи и Гаврил Бубевски. Во завршен збор, обвинителката Фатиме Фетаи, побара максимални казни за обвинетите Халил Демири и браќата Африм и Агим Исмаиловиќ, обвинети за кривичното дело „тероризам”, односно директно извршување на петкратното убиство на пет лица кај Смилковското Езеро на 12 април 2012 година. За обвинетиот Фејзи Азири, пак, обвинителката Фетаи побара од Судот тој да биде прогласен за виновен за две кривични дела помагање на сторител во извршено кривично. За исти кривични дела, како Фејзи Азири, обвинет е и Хаки Азири. Во недостиг на докази дека го извршил кривичното дело „тероризам” од обвинение е ослободен Сами Лута. Одбраната на обвинетите, во заврешен збор, рече дека случајот „Монструм“ е целосно исконструиран и синоним на случајот „Драјфус“, со тоа што има подалекусежни последици бидејќи шест невини лица беа осудени на доживотен затвор. Според нив, очигледно е дека обвинителството не обезбедило доволно докази и има само голи индиции и не ги докажува претпоставките за можен мотив. Од друга страна, одбраната на семејствата на жртвите, во завршен збор на Судот му порача дека има обврска и кон семејствата, но и кон целата јавност да дадат одговор што се случило на 12 април 2012 година, и повторно побара екстрадиција на двајцата обвинети од Косово. По завршните зборови на обвинителството, во Скопје се одржа протест на членови на семејствата и поддржувачи на обвинетит, на кој беше побарано разрешување на обвинителката Фатиме Фетаи и меѓународната заедница да интервенира за да има правда во „Монструм“, каде според демонстрантите, се гонат невини луѓе. Во претходна постапка за убиството на момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута. Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, предметот беше вратен на повторно судење и случајот во март 2018 гдина го презеде поранешното СЈО. Во септември 2019 година предметите на СЈО ги презема Основното јавно обвинителство за гонење на организиран криминал и беа доверени на јавните обвинители кои дотогаш постапувале по конкретните предмети.

ВМРО-ДПМНЕ: Заев е вистински „монструм“ кој свесно ја злоупотреби трагедијата кај Смилковско езеро за сопствени политички поени

Ивона Петрова — Mon, 25 Jan 2021 07:51:51 +0000

Зоран Заев е вистински „монструм“ кој свесно ја злоупотреби трагедијата кај Смилковско езеро за сопствени политички поени. Зоран Заев без тронка срам злоупотреби еден трагичен случај, велат од ВМРО-ДПМНЕ. Од партијата посочуваат дека Заев лажејќи ги семејствата на убиените деца, манипулирајќи со чувствата на граѓаните на Македонија, се со цел да предизвика меѓуверска омраза искористувајќи го овој случај за свои политички цели. -Каде исчезнаа лажните вести на Заев, дека невини лица лежат во затвор, каде исчезнаа така наречените бомби кои ќе ја открија вистинската приказна на Зоран Заев. После скоро 6 години од бруталните лаги од страна на „монструмот“ Заев вистината испадна на виделина. Таа е иста како претходно, сторителите на овој грозоморен чин се пред лицето на правдата. Зоран Заев е ноторен лажго, кој е спремен на се, се со цел да добие некој ситен политички поен, или да си ја спаси сопствената кожа од одговорност. Во минатото ширеше лажни вести и за несреќата на Никола Младенов, како и за убиецот на Мартин Нешковски, кој патем го пушти да побегне од затвор. „Монструмот“ Зоран Заев овие трагедии во минатото ги користеше во неговата партиска агенда, поигрувајќи си со чувствата на многу фамилии. За сите овие лажни вести, ширење на меѓуверска нетрпеливост и играње со чувствата на многу Македонци, за многу брзо време Зоран Заев ќе се соочи со гневот на народот, се наведува во соопштението на ВМРО-ДПМНЕ.

ГРОМ: Одговорност за играње со чувствата на семејствата на жртвите, но и со семејствата на обвинетите за лукративни и политички цели мора да има!

Дарко Андоновски — Fri, 22 Jan 2021 13:39:10 +0000

Целокупната јавност беше згрозена од масакарот врз петте невини дечиња кај Смилковско Езеро кој беше извршен во 2012та година. Граѓанската Опција за Македонија-ГРОМ уште од 2015та година предупредуваше дека веќе докажаниот манипулатор Заев се поигрува со болката и емоциите на најблиските членови на семејствата и фамилиите на трагично убиените момчиња, но и со емоциите на јавноста, ова денеска преку соопштение до јавноста го истакнаа од партијата. -Вчера официјално обвинителката Фатиме Фетаи потврди дека Заев бесрамно ја манипулираше македонската јавност. За време на “бомбите“ Заев јавно изјавуваше во неколку наврати дека има докази со кои ќе докаже дека осудените во „Монструм“ се неправедно осудени, постојано повторувајќи дека “бомбата“ за Смилковско ќе открие нова вистина за случајот. Вистината е дека Зоран Заев овој грозоморен настан го користеше за манипулација и додворување на оваа озлогласена криманална група и нивните приврзаници за некој глас повеќе, додаваат од таму. Од ГРОМ велат дека одговорност за играње со чувствата на семејствата на жртвите, но и со семејствата на обвинетите за лукративни и политички цели мора да има! Зоран Заев треба и мора да си поднесе оставка.

Кривичниот суд одлучи: Нема да се прави реконтрукција за убиството на момчињата кај Смилковско езеро

Дарко Андоновски — Thu, 24 Dec 2020 12:40:52 +0000

Реконструкција на петкратното убиство кај Смилковско Езеро нема да има. Вака денеска одлучи Кривичниот суд Скопје, кој образложи дека местото е променето. Одбраната на обвинетите истакна дека ова е седми пат што судот им го одбива овој предлог. Но, тие најавуваат дека и понатаму ќе инсистират за да се случи ова рекононструкција, многу важна за утврдување на вистината. -Ова е повеќе од потребно бидејќи ние како одбрана со ова докажуваме дека кодираниот сведок не ја кажува вистината. Одбивањето на реконструкцијата судот го оправдува со конфигурацијата на самото место, додека тоа е променето за да се покријат трагите и да се спречи реконструкцијата. И покрај ваквата состојба, нас не интересира лажната изјава што неколку пати ја повторуваше шифрираниот сведок, односно сме заинтересирани за растојанието помеѓу него и лицата што ги обвинува дека ги видел таму. Ние инсистираме на реконструкција, така што самиот суд може да види дека од далечина поголема од 100 метри не можете да ги видите трагите од која било личност. Изненадувачки е незаинтересираноста на судството, поточно на претседателот на советот, изјави адвокатот Насер Рауфи. За денешнто рочиште беа повикани и други сведоци предложени од одбраната, но од здравствени причини истите не се појавиле. Следното рочиште за петкратното убиство кај Смилковското Езеро, која е во повторна постапка ќе продолжи на 28 јануари. Во предметот „Монструм“ за петкратното убиство кај Смилковско Езеро што се случи на 12 април 2012 година обвинети се Агим Исмаиловиќ, Фејзи Азири, Африм Исмаиловиќ, Алил Демири, Хаки Азири и Сами Љута. Африм Исмаиловиќ и Алил Демири се во бегство во Косово и досега не се екстрадирани. Петмината беа осудени на доживотен затвор, но Врховниот суд во декември 2017 година ја укина пресудата, а случајот „Монструм“ потоа го презеде СЈО и судењето почна од почеток. Го води обвинителката Фатиме Фетаи Во петкратното убиство кај Смилковското Езеро настрадаа четири момчиња: Кире Тричковски, Филип Славковски, Цветанчо Ацковски и Александар Наќевски и рибарот Борче Стефановски